ايهما افضل للفورد اسكورت مساعد زيت ولا مساعد غاز وزيت؟

[a4_han]

ايهما افضل للفورد اسكورت
مساعد زيت ولا مساعد غاز وزيت؟
والانواع ايه؟

[aliabdo]

يا ريت حد يفيدنا عشان عايز اشترى مساعدين

[meda2711]

هو الافضل زيت وغاز ادائهم افضل و تباتهم احسن ,, لكن انشف من الزيت بس
يعنى المساعد الزيت بس ناعم بس كاداء وثبات المساعد الزيت و غاز افضل

[aliabdo]

طيب معلش المساعد الزيت و الغاز ده اسمه ايه و سعر ايه و ايه المكان المضمون الى اجيبه منه

[Eng_Mostafa_89]

والله يا باشا انا لسة كنت بدور على مساعدين وكنت ناوى اجيب مونروا ونزلت توكيل غبور الموجود فى شارع عماد الدين سالت عليهم الامامى عامل 1200 والخلفى تقريبا 800 جنية
وكان فى عند موسيسيان فى التوفيقية اسبانى امامى عامل 750 تقريبا
دورت شوية لقيت نوع المانى اسمة بلستين الامامى 750 والخلفى 750 او 780
وجبت بطاحات امامى اصلى عاملة الواحد ب135

غالبا المساعدين والبطاحات الجداد انا مش عايزهم وهابعهم علشان العربية عملت حادثة تانى وغالبا هصلحها وابعها فشوف كدة وانا تحت امرك

[aliabdo]

شكرا على الرد بس للعلم بس مش اكتر بدريسان بتاع فورد الى فى التوفيقيه ده اكبر حرامى بتاع قطع غيار ممكن تتعامل معاه

[aliabdo]

ربنا ييسر لك الحال و تتصلح العربيه على خير ان شاء الله و يبارك لك فيها و يكفيك شرها

[Eng_Mostafa_89]

انا مجبتهمش من موسيسيان انا جبتهم من واحد تانى فى شارع زكى اسمة عادل وعصام انا شاريهم امبارح

[Eng_Mostafa_89]

ربنا ييسر لك الحال و تتصلح العربيه على خير ان شاء الله و يبارك لك فيها و يكفيك شرها

شكرا لحضرتك على الدعوة
بس بجد مش عارف اصلحها وابيعها ولا اصلحها واجليها العربية لسة مستلهما من عند السمكرى من شهر وخمس ايام بالظبط
وحاليا نفس الخبطة فى نفس المكان ونفس الطلبات كبوت ورفرف وفانوس واكصدام وستارة

[meda2711]

شكرا على الرد بس للعلم بس مش اكتر بدريسان بتاع فورد الى فى التوفيقيه ده اكبر حرامى بتاع قطع غيار ممكن تتعامل معاه

+2

[aliabdo]

لعله خير ان شاء الله
بص العربيات قرف و ارزاق يعنى لو كنت زهقت من العربيه و مش طايقها و عطيتها ظهرها يبقى بيعها غير كده اصبر عليها شويه و شوف سمكرى ابن حلال يلم لك الموضوع بدل عشان لو بعت دلوقتى مش حتعرف تمسك فلوس و مش حتعرف تشترى حاجه تانى ولا جديد ولا مستعمل عشان كل الاسعار بقت حاجه هبل فى هبل
و ربنا يقدم لك الى فيه الخير ان شاء الله

[Eng_Mostafa_89]

دى قصة العربية

هى العربية منحوسة ولا معمولها عمل ولا محسودة ولا عليها عفريت؟؟؟؟
اشتريناها يوم 15/10/2012 كان فيها خبطة فى الجنب الامامى يمين كانت كسرة الفانوس ومطبقة الكابوت والرفرف ومسمعة فى الستارة وكانت مردودة ومتظبطة كويس
يوم 30/11/2012 كنت مظبط حاجات فى العربية وبجربها على طريق مصر اسماعيلية عملت حادثة وخبط فى تروسيكل صينى لونة "احمر" الخبطة جت بردوا فى الجنب الامامى يمين
الخساير اكصدام امامى وكبوت وفانوس امامى يمين وستارة ورفرف
العربية خلصت من عندى السمكرى يوم 15/12/2011
النهاردة الصبح 20/1/2013 والدى كان مسافر من القاهرة للاسماعيلية عمل حادثة تانى نسخة طبق الاصل من الحادثة بتاعتى لبس فى تروسيكل صينى لونة "احمر" والخبطة جت فى الجانب الامامى يمين الخساير رفرف وكبوت وستارة وفانوس واكصدام
المشكلة فييييييييييين ؟؟؟

ودى صورة الحادثة الاولانية والحادثة التانية نفس الصورة بالضبط

http://www.nilemotors.net/Nile/321957-a.html

[aliabdo]

انا كنت قريت الموضوع بتاعك قبل كده معلش لعه خير ان شاء الله و ربنا يعوض عليك بالحلال؛ مفكرش تشوف يمكن فى مشكله فى الفرامل او كوتش العربيه او الاتزان بتخلى العربيه تعمل معاك كده؛ يعنى مبتعرفش تلمها او مش بتمسك معاك كويس

[Eng_Mostafa_89]

لا العربية الحمد لله مفيهاش اى مشاكل خالص الحمد لله
غير ان طوب الارض حاطت عينة عليها وعايز يشتريها

[aliabdo]

بص متنضفش العربيه زياده عن اللزم يعنى مثلا لو فى خربوش ولا فنوس باغته مكسوره كده يعنى سيبه عشان ياخد العين احنا فى بلد محدش بيسيب حد فى حاله و الله