استشارة من مالكى فورد مونديو

[hithamelectron]

السلام عليكم
انا ناوي اشتري المونديو لذا :-
ارجو الافادة بخصوص اسعار قطغيار السيارة وكذلك الفرق فى استهلاك البنزين بين ال 1600 و 2000
وهل الفتيس الاتوماتيك به مشاكل او مخاوف معينة فى هذا الموديل
وجزاكم الله خيرا

[mkmaly]

ذيك يا باشا كل سنه وانت طيب بص العربيات الفورد جميله جدااا وممتعه فى سواقتها جدااا وكمان ثبات على الطريق محصلش بس تراعى
1- العربيه تكون فبريكه والمكنه بتاعتها مش متهانه وضفيرة الكهرباء مش ملعوب فيها يعنى تجيب النضيف اووى حتى لو غالى عشان العربيات دى شدها مكلف
2- بالنسبه لاستهلاك البنزين هتلاقى استهلاكه اقل من الكورى فى 1600cc بس اهم تراعى النقطه رقم 1 فى المكنه
3- المونديوا 2000cc الاتوماتيك اه فى مشكله فى فتسها فعلان فى موديلات التسعينات وحله انوا بيتغير عشان هتصرف كتير على تصليحه ومش هيبقى ذى الاستيراد
4- بالنسبه لدرجة الحراره طول ما انت مراعى الميه وواخد بالك من دورة التبريد والمروحه مش هتلاقى سخونه ان شاء الله مع مراعاةان العربيه دى منها فى عيب فى مؤشر الحراره انو مبيقراش مظبوط فانت تخلى بالك من ميتك ومروحتك وان شاء الله مش هيحصل حاجه ولو حصل فى حاجه بيعملوها الميكانيكيه بتوع فورد وهى انهم بيغيروا الترموثتات بواحده اسرع فى التشغيل
5- بالنسبه لقطع الغيار متوفره منها اصلى و الالمانى والتركى بس التركى بنبعد عنه بيبقى الترتيب كاالتالى (جديد اصلى - استيراد اصلى - االالمانى الجديد) بس اسعارالقطع غاليه بالمقارنه بالعربيات الكورى واليابانى لكن معمره لابعد الحدود مع مراعات ان العربيه صناعه المانى
6- لما ربنا يكرمك ان شاء الله متخليش اى ميكانيكى يلعبلك في العربيه عشان الفورد ليهم ميكانيكيه معينين وكهربائيه معينين برده وهنديلك ارقامهم و عناونهم اثناء التواصل معنا فى المنتدى بتاع فورد
7- لو حضرتك من القاهره او الاسكندريه توكل على الله واشتريها لكن لو بعيد عنهم بلاش منها عشان مفيش صنايعيه بيشتغلوا فيها فى الاقاليم على حد علمى


وبالتوفيق يارب اكون وفقت فى تغطيه فكره كامله عن فورد مونديو

[a7medsh3rawi]

انا كان معايا واحده 98 مانوال وقعدت معايا حوالى 5 سنين ومع انى من العريش ومفيش صنايعيه فاهمين فى اى عربيه بس الحمد لله عربيه معمره لابعد الحدود وكان مشكلتها انها بتسخن بسرعه وغيرت مكنه وكبالن وعمرى ما غيرت حاجه فى العفشه او الرفارف او الفوانيس وما شاء الله فى السفر والشوارع المكسره وعاليه فى المطبات.

[MohamedSotohy]

السلام عليكم
انا ناوي اشتري المونديو لذا :-
ارجو الافادة بخصوص اسعار قطغيار السيارة وكذلك الفرق فى استهلاك البنزين بين ال 1600 و 2000
وهل الفتيس الاتوماتيك به مشاكل او مخاوف معينة فى هذا الموديل
وجزاكم الله خيرا

بالنسبه لاسعار قطع الغيار ها تجد تنوع ما بين السعر والبلد والجوده والعمر الأفتراضي
يعني فيه الأصلي من التوكيل وفيه الاستيراد وفيه التركي والايطالي والبرازيلي وووو
وكله علي حسب الجوده مقرونا بالسعر طبعا
بس فيه حاجات ما ينفعش تجيبها الا اصلي وفيه حاجات ممكن تيجبها حاجه تانيه زي مثلا مجموعه العفشه والموتور ما ينفعش تجيب حاجه غير الاصلي وبيكون سعرهم مناسب جدا للعمر الأفتراضي واكتر
بس مثلا لو اكصدام يبقا تجيبه تيواني وهاكذا

اما في موضوع ال 1600و2000
اعتقد ان ال 1600 مانيوال وال 2000 بتبقا اتوماتيك دا لو كان رقم الموتور هوا رقم الشاسيه

بالنسبه للفتيس الاتوماتيك
ابدا كل المشكله ان الفتيس ده ( بكل موديلاته من 97 الي 2000) ان فلتر زيت الفتيس موجود في حته صعبه جدا وعشان تغيره لازم تغير طقم جونات كامل واويل لسهات ووو
وده مكلف جدا وكمان لازم يكون علي ايد محترفيين
فتجد نفسك اولي ليك وارخص انك تشتري واحد استيراد وتهتم دائما بالزيت وتغيره علي فترات متقاربه
وكمان تغيره بماكينه تغيير زيت الفتيس الاوتوماتيك لان الماكينه دي بتضمن تغيير كامل زيت الفتيس
( يعني موش بلدي زي ما بيغيرو
انهم بيفضو زيت الكارتيره اللي هوا 4 لتر تقريبا وشكرا علي كده لان ده غلط)

واخيرا ربنا يوفقك بس نصيحه
ما تشتريش عربيه من تجار ولا من واحد هاينها وموش معتني بها لانها ها تتعبك قويي وها تصرف عليها كتيير
واهم حاجه بالترتيب
الموتور والفتيس والعفشه
واي حاجه تانيه سهله
ربنا يوفقك
مع خالص تحياتي