الى ملاك الاسكورت الحقووونى

[maheralsisi]

اخوانى الاعزاء ملاك الاسكورت
استلمت فورد اسكورت 1998 ztec امبارح بس
و اكتشفت انى جااااهل و بما انى لازم اتثاقل على حد مافيش غيركم
اولا انا مش فاهم اى حاجة فى العربية :
هى قربة المية فييين ؟؟ الرادياتير مختفى تحت قدام الموتور و مش شايف اى حتة ابص منها ع المية
كفاية ضرب ارجوكم كفاية
ثانيا عاوز اغير زيوت و سيور العربية كلها عشان ابقى عارف معادها لان صاحبها الاولانى ما كانش معاه اى مانوال للعربية
استعمل زيوت ايه ؟؟ و اروح عند مين يظبط لى موضوع السيور و القصة دى ؟؟ انا مش عاوز حد يخرب الدنيا ( و انا اصلا مش فاهم حاجة )
و مش عاوز حد ي

و كمان عاوز حد يراجع على العفشة كلها لان العربية عاوزة مساعد خلفى بس ما اعرفش القصة من قدام اخبارها ايه فكنت عاوز حد اميييييين يكشف لى عليها

و يا ريت ربنا يكرمكم لو حد معاه user manual او repair manual
يمكن اقدر افهم حاجة
و اهم حاجة ازود مية الرادياتير منين ؟؟؟
و على الشمال و انت باصص للموتور كده فى علبتين واحدة رفيعة و مستطيلة وفيها زيت احمر قالوا لى انها بتاعة زيت الباور و الثانية جنبها كبيرة ؟؟هى ايه دى ؟؟ بتعمل ايه يعنى ؟؟

[alsisiagric]

العلبة الكبيرة دى هيا قربة المية وهيا دى اللى بتزود منها مية الرادياتير وحتلاقى مكتوب على القربة كلمة MAx اللى المفروض مستوى المية يكون عنده ومتحاولش تفتح القربة والعربية سخنة لان المية بتكون شبه بتغلى.

ممكن تروح لأحمد فرج فى جسر السويس عند محطة الجراج ورا نادى النخيل هو ميكانيكى وعفشجى وبيفهم فى العربية
وفيه ناس تانية انا سمعت عنها بس متعاملتش معاها زى قطب فى الظاهر ممكن الزملاء يدلوك عليهم

[maheralsisi]

الف شكر

يا باشا الف شكر على الرد و ان شاء الله اروحله بعد العيد
انا فعلا فتحت العلبة الكبيرة و العربية كانت لسة مبطلها
و بصراخة لما لقيتها بتدخن اتسرعت و اتخضيت فمن كلامك يبدو ان ده شئ عادى
معلش اصل انا كل اللى اعرفه عن العربيات انى ادور و امشى بس
بس يبدو انى هاغير الكلام ده مع الاسكورت لانى حوض العربية بصراحة ضيق و شكله يخض
و كل حاجة فيه يا دوب مرصوصة فى مكانها
و بعدين بصراحة العربية بسم الله ما شاء الله عاجبانى جدا رغم كل الناس اللى خوفتنى و قالتلى ما تجبهاش الا انى برضه جبتها ( دماغ جزمة بقى ) بس يعنى ادفع 30 فى عربية زى دى و لا ادفع 30 فى اكسيل (رايى الشخصى لا مجال للمقارنة اساسا الا فى سعر اعادة البيع)
و الفرق التانى ان الاكسيل اى حد بيشتغل فيها بيديك نتيجة انما العربيات دى اللى بيشتغل فيها و هو ما بيفهمش بتفضحه و ما تسترش عليه لانك اكيد هاتمسك فى زمارة رقبته لما تلاقى العربية اتبرجلت و انا باذن الله ناوى اقنيها و احافظ عليها الى ان يشاء الله و اقدر اجيب الاوبل او البى ام ( عشقى الاول و الاخير) فناوى اعمل كل الشغل اللى فيها ان شاء الله اصلى و عند حد بيفهم
بس لازم انا برضه اكون فاهم شوية عشان الاشتغالات ( احنا مصريين برضه ) و ادينى باحاول
و اتمنى مساعدتكم

سؤال تانى و النبى ( عمود الصارى الاصفر اللى على اليمين ورا الكشاف ده بتاع ايه ؟ )

[ahmed_said_13]

احمد فرج كويس و امين و مبيشتغلش غير في الفورد انا معايا اسكورت 1300 سي سي و مش بصلح غير عنده