كل واحد يقول رائيو ايه فى الفورد كعربيه

[olver]

يعنى يا ريت كل واحد يقول هى عربيتو فورد ايه ؟ وموديل كام ؟
و هو راضى عن العربيه و لالا ؟ و لو رجع بيه الزمن هيشتريها تانى و لالا ؟
و ياريت الرد يكون من ناس عندها عربيه فورد

[mido51eg]

السلام عليكم وكل سنة وانتم طيبين
انا عربيتي فورد اسكورت 1300 موديل 1998 ، العربية ممتازة من كل الوجوه بالنسبة لي لكن تحفاظاتي عليها :
1- ارتفاع العربية عن الأرض قليل ، يعني بتحك في المطبات لو معايا ناس ومخدتش بالي وانا طالع المطب ونازل منه.
2- الموتور ال 1300 قليل على عربية بالحجم ده والوزن ده خصوصا لو التكييف شغال.
3- تكييف العربية مش اصلي ، بمعنى ان الوكيل رجب كان مستوردها من غير تكييف وركبه هنا في مصر وبالتالي التكييف مش ممتع اوي خصوصا في فترات سطوع الشمس لكن بعد الساعة 5 المغرب التكييف بيبقى تلاجة.

ولو رجع بيا الزمن كنت هشتري فورد برضه لكن كنت هجيب ال 1600 او المونديو ، وان شاء الله ناوي على فوكاس.

[hossam_abdallah]

أنا عربيتي مونديو 1997
أنا راضي عنها جدا العربية ممتازة ومريحاني بس بصراحة لو رجع بيا الزمن مكنتش حابيع الميجان موديل 2000 اللي كانت معايا العربيتين زي بعض في القوة تقريبا بس الميجان تحس وأنت سايقها انك راكب طيارة بجد الكمبيوتر بتاعها رهيب والاوبشنز بتاعتها حلوة اوي بس مشكلة الميجان ان مفيش حد بيعرف يصلحها مهما كان مين حتي توكيلهم في حاجات بيقف فيها

[ahmad--ezzat]

أنا عربيتي مونديو 1997
أنا راضي عنها جدا العربية ممتازة ومريحاني بس بصراحة لو رجع بيا الزمن مكنتش حابيع الميجان موديل 2000 اللي كانت معايا العربيتين زي بعض في القوة تقريبا بس الميجان تحس وأنت سايقها انك راكب طيارة بجد الكمبيوتر بتاعها رهيب والاوبشنز بتاعتها حلوة اوي بس مشكلة الميجان ان مفيش حد بيعرف يصلحها مهما كان مين حتي توكيلهم في حاجات بيقف فيها

وانت الصادق ياحسام باشا الفورد اللي تقيل في السحب انا مجرب الاسكورت صعبه فعلا وتقيله حتي ال 1600

[olver]

انا معايا فوكاس 2011 و العربيه ماشاء الله تحفه يمكن العيب الوحيد ان العربيه تقيله شويه على الموتور بس مش قوى يعنى و مش غير كده الحمدلله و اه لو رجع بيا الوقت تانى هشتريها تانى عشان عربيه تستاهل تمنها و الحمدلله

[mohamedkordy]

انا معايا فوكاس 2011 و العربيه ماشاء الله تحفه يمكن العيب الوحيد ان العربيه تقيله شويه على الموتور بس مش قوى يعنى و مش غير كده الحمدلله و اه لو رجع بيا الوقت تانى هشتريها تانى عشان عربيه تستاهل تمنها و الحمدلله

باشا انا معايا فورد ٢٠١١ بردو العربيه تمام بس بحس العفشه ناشفه شويه ولا امتا ايه رايك

[olver]

[QUOTE=mohamedkordy;3874489189]باشا انا معايا فورد ٢٠١١ بردو العربيه تمام بس بحس العفشه ناشفه شويه ولا امتا ايه

بص العربيه عفشتها عاديه مش ناعمه زى التويوتا و لا ناشفه اوى زى عربيات تانيه معقوله يعنى

[احمد فهمى]

انا كان معايا فيستا موديل ٢٠٠٠ ماور ١٢٥٠ زى تك بصراحه سحب كان خرافى استهلاك بنزين اقل من اليابانى ثبات على الطريق ممتاز وصاج قوى جداً وعفشه ممتازه

[mkmaly]

االسلام عليكم ورحمة الله وبراته
العربيه جميله جدا بس المشكله فى التسويق العربيه دة ممكن يبقلها سوق فى مصر جامد جداا وخصواصا انها امريكانى وعلامه مميزه

[Mohamed Fawzy]

انا معايا فورد فوكاس 2012 عربية جميلة جدا ما فيهاش مريحاني جدا ومحسساني ان حطيت فلوسي في مكانها ليا ملاحظتين بس عليها
1. الفتيس عايز تعود شوية عشان لسة جديد وفيه نتشة كده على السرعات المنخفضة قالولي انها طبيعية
2. الصالون كان عايز يوسع شوية كان هايبقى أفضل كتير