Tweet
مساء الخير ياشباب
من فترة كده كنت عملت موضوع في المنتدى عن سقف عربيتي اللي الكلاب مبهدلاه بالليل وبتطبقه لما يطلعوا يناموا عليه
وكان عندي مشكلة ان فرش السقف الأصلي كانت الشمس اثرت عليه واللزق بتاعه فك وبقى مدلدل وكان متثبت فقط بفانوس الصالون هو الي مانعه انه يقع.
امبارح قررت اني اظبط السقف واغير الفرش واشوف موضوع السقف اللي بيتطبق ده
روحت للسروجي بتاعي وقولت له اني عاوز اغير فرش السقف وبدأ في فك السقف والحقيقة كان كعهدي بيه صنايعي ممتاز في الفك وكان عارف هو بيفك ايه وازاي لأنه عارفني عندي وسواس في الموضوع ده ممكن اتجنن لو كلبس اتكسر ولا مسمار ضاع فكان بيفك بحرص جدا وبيحط اي حاجة بيفكها في كيس بلاستيك وبعدين خرج السقف بره. بعد الفك بصيت جوه العربية لقيت ان فيه خوصة واحده بس في منتصف السقف اللي بيتثبت فيها فانوس الصالون والخوصة دي كانت متنية لتحت وعلشان كده السقف كان ضعيف وبيتطبق من الكلاب. السبب في انها متنية انها بتركب من غير سيليكون تقوية (لأن في بلاد بره مفيش كلاب بتطلع تنام على اسقف العربيات) فيكفي انها تتطبق مرة من كلب يطلع علشان تفضل متننية على طول.
سيبت السروجي شغال في السقف وروحت للسمكري ووريته العربية وفعلا استعدل الخوصة دي بأيده لغاية لما رجعت لوضعها الطبيعي وبعدين ملى الفراغات بسيلكون تقوية.
هسيبكم مع صور السقف بعد السمكري ماخلص شغله
دي صورة العصب اللي فوق الزجاج الأمامي والي بيتركب فيه الشماسات ، وفي الصورة سلك الأيريال
برضه صورة عصب السقف الأمامي
دي صورة الجزء الأخير من عصب السقف الأمامي
ودول صور الخوصة الوسطي اللي بيركب فيها فانوس السقف بعد استعدالها وتقويتها بالسليكون
ودي صورة العصب الخلفي اللي فوق الزجاج الخلفي وبرضه تمت تقويته بالسليكون
ودول صور السقف اثناء التجهيز ولزق الفرش الجديد
ودول صور السقف بعد التركيب ، الدنيا كانت ضلمت شوية وفلاش التليفون كان شغال ، ان شاء الله هصور صور تانية بالكاميرا الديجيتال بالنهار وارفعهم
المصروفات
سروجي 200 جنيه
الصنايعي اللي عند السروجي اكرامية 20 جنيه لأنه هو اللي فك وركب وكان حريص جدا في شغله
20 جنيه انبوبة سليكون
20 جنيه السمكري
من فترة كده كنت عملت موضوع في المنتدى عن سقف عربيتي اللي الكلاب مبهدلاه بالليل وبتطبقه لما يطلعوا يناموا عليه
وكان عندي مشكلة ان فرش السقف الأصلي كانت الشمس اثرت عليه واللزق بتاعه فك وبقى مدلدل وكان متثبت فقط بفانوس الصالون هو الي مانعه انه يقع.
امبارح قررت اني اظبط السقف واغير الفرش واشوف موضوع السقف اللي بيتطبق ده
روحت للسروجي بتاعي وقولت له اني عاوز اغير فرش السقف وبدأ في فك السقف والحقيقة كان كعهدي بيه صنايعي ممتاز في الفك وكان عارف هو بيفك ايه وازاي لأنه عارفني عندي وسواس في الموضوع ده ممكن اتجنن لو كلبس اتكسر ولا مسمار ضاع فكان بيفك بحرص جدا وبيحط اي حاجة بيفكها في كيس بلاستيك وبعدين خرج السقف بره. بعد الفك بصيت جوه العربية لقيت ان فيه خوصة واحده بس في منتصف السقف اللي بيتثبت فيها فانوس الصالون والخوصة دي كانت متنية لتحت وعلشان كده السقف كان ضعيف وبيتطبق من الكلاب. السبب في انها متنية انها بتركب من غير سيليكون تقوية (لأن في بلاد بره مفيش كلاب بتطلع تنام على اسقف العربيات) فيكفي انها تتطبق مرة من كلب يطلع علشان تفضل متننية على طول.
سيبت السروجي شغال في السقف وروحت للسمكري ووريته العربية وفعلا استعدل الخوصة دي بأيده لغاية لما رجعت لوضعها الطبيعي وبعدين ملى الفراغات بسيلكون تقوية.
هسيبكم مع صور السقف بعد السمكري ماخلص شغله
دي صورة العصب اللي فوق الزجاج الأمامي والي بيتركب فيه الشماسات ، وفي الصورة سلك الأيريال
برضه صورة عصب السقف الأمامي
دي صورة الجزء الأخير من عصب السقف الأمامي
ودول صور الخوصة الوسطي اللي بيركب فيها فانوس السقف بعد استعدالها وتقويتها بالسليكون
ودي صورة العصب الخلفي اللي فوق الزجاج الخلفي وبرضه تمت تقويته بالسليكون
ودول صور السقف اثناء التجهيز ولزق الفرش الجديد
ودول صور السقف بعد التركيب ، الدنيا كانت ضلمت شوية وفلاش التليفون كان شغال ، ان شاء الله هصور صور تانية بالكاميرا الديجيتال بالنهار وارفعهم
المصروفات
سروجي 200 جنيه
الصنايعي اللي عند السروجي اكرامية 20 جنيه لأنه هو اللي فك وركب وكان حريص جدا في شغله
20 جنيه انبوبة سليكون
20 جنيه السمكري
Comment