كوعة ميه علويه

[LinuxMan]

السلام عليكم ورحمة الله وبركاته
اشتريت خرطوم كوعة ميه علويه "التخينة" عشان الكوعة الحالية بتتنفخ جدا .. .سألت عند يافا لقيت نوعين
تركي بـ 75 جنيه
موتوركرافت بـ 150 جنية
وبعدين روحت العبادي اشتريت
تركي بـ 60 جنيه

انا بقيت احس ان قطع غيار الفورد بقت زي الهيونداي فيها مضروب .. انا مش مطمن للتركي اللي انا جبته .. حد عنده اقتراحات؟

[mkmaly]

يا باشا طب متسأل عليها فى التوكيل مش يمكن فرقها بسيط وعلى فكره ده حصل معايه فى جلب المقصات لفيت الاصلى فى التوكيل ارخص من الاصلى بره بحوالى 70 جنيه والى من التركى ب 100 جنيه بس لمعلومية حضرتك انى ركبت مقصات تركى جديده وطلعت جلبها مبوشه ... الاصلى اصلى ولو لقتيها غاليه شوف الاستيراد

[mido51eg]

وانا برضه ركبت مقصات تركي وطلعت زفت ومبوشة برضه وفي الآخر اشتريت طقم جلب اصلي من التوكيل وركبته على المقصات التركي دي.
نصيحة يا LinuxMan الأول اسأل على قطع الغيار اللي انت عاوزها في التوكيل وبعدين شوف بره ولو لقيت فرق السعر مش كبير بين الأصلي في التوكيل وبين الأنواع التانية بره يبقى هات الأصلي احسن في مقابل العمر الطويل لقطعة الغيار.

[MohamedSotohy]

علي فكره يا جماعه في قطع غيار احسن تجبها من التوكيل علشان تريح دماغك
وسعات بتكون ارخص من بره التوكيل ومضمونه 100%
انا لسه سائل علي طقم سلك بوجيهات ولقيته اصلي في التوكيل وارخص من الاصلي اللي بيقولو عليه انه اصلي بره

[egytamer]

الصراحة يافا والصيرفي بحس انهم محترمين وحاجتهم نضيفة جدا

[mido51eg]

يافا ده اللي اشتريت منه المقصات التركي المبوشة.

[egytamer]

بس اكيد هوا قاالك انهم تركي ولا قالك اية صناعتهم؟؟

[mido51eg]

بس اكيد هوا قاالك انهم تركي ولا قالك اية صناعتهم؟؟

ايوه ياباشا هو قاللي انهم تركي وانا اللي استرخصت ، لكن برضه مكنتش متخيل ان المقصات التركي هتبقى مبوشة اول ماأركبها.

[mkmaly]

يا باشا محل قطع الغيار مش مسئول عن عيوب الصناعه الخاصه بالبلد بس المهم لما اكتشفت انهم مبوشين رضى يرجعهم ولا لا؟

[mido51eg]

يا باشا محل قطع الغيار مش مسئول عن عيوب الصناعه الخاصه بالبلد بس المهم لما اكتشفت انهم مبوشين رضى يرجعهم ولا لا؟

مكانش ينفع ارجعهم علشان كان فيه فترة زمنية كبيرة بين تركيبهم وبين اكتشاف البوش اللي فيهم. ده رابط الموضوع اللي كتبته عن حكايتي مع المقصات التركي
http://www.nilemotors.net/Nile/276635-a.html

[ffff]

ممكن طيب يا جماعة عنوان التوكيل ورقم التليفون وهل عندهم قطع غيرا عربيات قديمة زى الفيستا 97 وشكرا

[mido51eg]

التوكيل فاتح فرع لمبيعات قطع الغيار في بنزينة وطنية اللي جنب الوفاء والأمل في مدينة نصر
وده رقم تليفون استاذ عبدالرحيم مدير المبيعات هناك ممكن تتصل بيه وتسأله على اللي انت عاوزه
01226666097

[midnightman_74]

التوكيل فاتح فرع لمبيعات قطع الغيار في بنزينة وطنية اللي جنب الوفاء والأمل في مدينة نصر
وده رقم تليفون استاذ عبدالرحيم مدير المبيعات هناك ممكن تتصل بيه وتسأله على اللي انت عاوزه
01226666097

أنا جبت البويجهات للاسكورت من الفرع دة ب ٨٠ وكنت بجيبها قبل كدة من التوفيقية ب ١٢٠ !!!