سؤال للسادة مالكي فرد فوكاس (معلش محتاج إجابة ضروري)

[mohamedmonam]

أرجو الإفادة يا أخوة يا أعزاء يا أعضاء المنتدي المحترمين ... أنا قدامي فوكاس ٢٠٠٩ جيا هاي لاين عاملة ٥٣٠٠٠كم وصاحبها طالب ١١٨ ألف بس العربية فعلا حالة محترمة جداً تكاد تكون جديدة ... بس مش عارف سعرها كده كوبي ولا إيه ؟!
أرجو الإفادة يا أصدقاء لان فعلا العربية عجبتني جداً

[olver]

انا شايف ان السعر عالى شويه انا شايف تمام السعر يكون من 110-115 لو هى حاله اوى لان العربيه ده لما كانت زيرو كانت ب 168 الف و بعد كده عشان التوكيل يصفى الموديل عشان الشكل الجديد بقت ب 146 وفالسعر ده مع الحاله الى حضرتك بتتكلم عنها انا رائى ان السعر يكون كويس لو بقا 112 او 113 مثلا لو صيانتها كلها فى التوكيل و فابريقه بالكامل

[mohamedmonam]

شكرا جزيلا علي الرد

[kempel]

السلام عليكم انا لى رأى فى الموضوع ده لو سمحتلى العربية ديه ممتازة بس للاسف سعرها مش عالى فى السوق يعنى صاحبها هايقعد فتره علشان يعرف يبيعها هو ده نظام الفورد فى مصر المحروسه فلو هاتقتنيها فتره يبقى اشتريها بس مع احترامى ماتزيدشى عن 110 الف لكن لو هاتبيع بسرعه يبقى الاحسن تبعد عن الفورد او تشتريها ب100000 الف وتقعد معاك شويه وتبيعها صاحبها طالب فيها غالى عشان ظروف السوق المصرى فى الفورد لكنها عربيه ممتازه وربنا يحسنله ظروف بيعها ارجو اكون وضحتلك الموقف اللى حضرتك مقدم عليه والله الموفق