الاسكورت اتخبطت :(

[Eng_Mostafa_89]

السلام عليكم ورحمه الله وبركاته
ازيكم يا رجالة الفورد
الحمد لله وقدر الله وماشاء فعل
كنت ماشي على طريق مصر اسماعيلية وخبطت فى تروسكل ماشي فى نص الطريق فى حتة عتمة وكمان البية مكنش منور ولا لمبة توحد ربنا ولا فى اى عواكس حتة
المهم الخساير المبدائية اللى انا شايفها لسة هودى العربية للسمكرى الصبح
كبوت ورفرف يمين وفانوس يمين واكصدام واحتمل الصدر يتغير والحمد لله كمرة الشاسية سليمة
يا ترى اسعار الحاجات دى اية واجيبهم منين من القاهرة ولا بورسعيد الاتنين قريبين منى كدة كدة انا قاعد فى الاسماعيلية

[Eng_Mostafa_89]

دى صورة العربية




ودة المخروب
الفانوس الشمال اللى اتكسر والصندوق اتلوح

[windofchange]

لا حول ولاقوة الا بالله ربنا يعوضك كل خير بس كنت ماشي علي سرعة كام يابشمهندس؟ وشكلك لحقت تفرمل والحمدلله خدتها بزاوية مش في المنتصف الحمدلله

[Eng_Mostafa_89]

الحمد لله على كل شئ
كنت ماشي فى حدود 120 ولحقت افرمل الحمد لله بس الطريق مكنش يسمح انىى افادىة لو رميت شمال كنت هنزل تحت تيرلا ويمين كان فى ميكروباص ماشي فى حدود 160 فالحمد لله على كل شئ

[egytamer]

الحمد لله علي سلامتك والعربية فداك وانشاء الله تتصلح وترجع احسن من الاول

[Eng_Mostafa_89]

الحمد لله علي سلامتك والعربية فداك وإن شاء الله تتصلح وترجع احسن من الاول

الله يسلمك يا باشا

انا اشتريت الحاجة من الاسماعيلية علشان مكنش فى وقت انزل القاهرة او بورسعيد
الاسعار
كابوت استيراد الحمد لله جة بلون العربية والبطانة الداخلية بتاعتة عامل 600 جنية وكان فى تايوانى جديد بس صاجة مش محمل زى الاستيراد عامل 550 جنية
رفرف جديد تيوانى فى ب185 وفى ب200
الستارة الامامية بتيجى ربع على بعضة بيكون فيها ربعين رفارف وربعين فرد الشاسية وفية العصبين اللى بيركب عليها الاكصدام والريداتير سعرها من 400 الى 500 استيراد حسب حالتها للاسف مش محتاج حاجة منها غير الجزء اللى فوق بس وهرمى باقيته لو حد عايزة
الاكصدام تيوانى جديد فى ب250 وفى ب300 وفى استيراد بيكون الاكصدام من جوة متبطن فوم واسفنج مضغوط عامل 325 بس عيبة انة هيحتاج يترش
الفانوس الامامى نوعين تيوانى فى ب175 وفى ب200


ولسة فى شوية طلبات تانى هشتريها وربنا يسهل
عايز كوعة المياة العلوية دى ب50 تركى
قربة مياه ب120 وفى 140 وفى ب160 مش عارف الفرق مابينهم ومركزتش فيهم
وكرتيرة يمين تقريبا سعرها 75
غماز رفرف عامل 15 او 10 جنية مش فاكر
وبفكر اشترى الساعة اللى فى التابلوة بالمرة فى وسط الطلبات سعرها تقريبا 100 جنية استيراد
دعواتكم ان العربية تخلص وترجع زى الاول واحسن

[mkmaly]

يا باشا حمدالله على السلامه

[ahbesher]

حمد الله على سلامتك يا درش

[dead_zone2006]

حمد الله على السلامه يا باشا المهم انك بخير والصاج يتعوض وانشاء الله العربيه ترجه احسن من الاول

[ahmadg78]

لو سمحت ممكن اعرف اشتريت الحاجه منين فى اسماعيليه

[Eng_Mostafa_89]

الكابوت والستارة والرفرف والاكصدام جبتهم من الجعفرى وعنوانة تقاطع شارع العشرينى مع المنصورة
الفانوس والكرتيرات جبتهم من حسام عنوانة المحطة الجديدة بعد محل ابو على للاسماك
هى اية الطلبات اللى حضرتك محتاجها ؟

[Eng_Mostafa_89]

كلاكيت تانى مرة ونفس الحادثة والطلبات بس الاسعار اختلفت
الكابوت استيراد بالبطانة ب400 جنية
القطعية الامامية ب300 جنية او 350
اشتريت الساعة كمان بالمرة وقفت بحوالى 70 جنية
غطاء تنك البنزين بمفتحين اصلى عمل حوالى 40 جنية

[windofchange]

ربنا يعوضك خير

[aliabdo]

باشا معلش استفسار انت جبت غطا التنك شبه نفس الى فيه ؟ و ايه موضوع المفتاحين ده مفتاح العربيه مش شغال عليه ولا ايه
يا ريت تقولى عشان عايز اغير الغطا عشان كل ما اجى امون بيزلنى و يفرج على البنزينه

[Eng_Mostafa_89]

ربنا يعوضك خير

جزاك الله كل خير الحادثة الثانية دى كانت يوم 20/1 والحمد لله العربية اتصلحت وكنت بكتب اخر اسعار وصلتلها :)

باشا معلش استفسار انت جبت غطا التنك شبه نفس الى فيه ؟ و ايه موضوع المفتاحين ده مفتاح العربيه مش شغال عليه ولا ايه
يا ريت تقولى عشان عايز اغير الغطا عشان كل ما اجى امون بيزلنى و يفرج على البنزينه

انا كنت فاكر ان مفاتيح العربية هتشتغل علية بس للاسف مشتغوش علية
انا شوفت تقريبا الجديد بيتباع فى حدود 50 جنية