كنت عايز ابيع الفوكاس

[egfire]

ياجماعه كنت عايز ابيع فورد فوكس و واحد قريبي هايخدها المهم انا مش عارف تعمل كام هي ٢٠١٢ هاي لين فبريكه بره و جوه ماشيه ١٠٨٠٠ كيلو تعمل كام؟

[Mohamed Fawzy]

ياجماعه كنت عايز ابيع فورد فوكس و واحد قريبي هايخدها المهم انا مش عارف تعمل كام هي ٢٠١٢ هاي لين فبريكه بره و جوه ماشيه ١٠٨٠٠ كيلو تعمل كام؟

تعمل 160000 تقريبا بس قولي انت عايز تبيعها ليه لقيت فيها مشكلة معينة؟

[egfire]

مش مرتاح فيها الجير و النقل بتاعه غريب بيتاخر ف النقل و ساعات كنت مره ماشي و بافادي عربيه و طالع من البطيئ و بعمل كيك داون حسيت ان العربيه فصلت و لولا ستر ربنا كنت هانزل تحت عربيه نقل و لما رحت التوكيل قعد يهبل ويقول ان استخدامي غلط لدواسه البنزين و قال هاعملت تحديث للسوفت وير بتاع الجير و برضه نفس المشكله ظهرت تاني مع ان skoda fantasia برقبتها عمرها ماشتكت ولا عملت اي حاجه ف الجير و برضه نفس الاستخدام و تاني عيب فيها sound system ردئ جدا و التوكيل مش بيعرف يركب فيها اى حاجه يادوب الحاجات اللى حافظينها

[Mohamed Fawzy]

مش مرتاح فيها الجير و النقل بتاعه غريب بيتاخر ف النقل و ساعات كنت مره ماشي و بافادي عربيه و طالع من البطيئ و بعمل كيك داون حسيت ان العربيه فصلت و لولا ستر ربنا كنت هانزل تحت عربيه نقل و لما رحت التوكيل قعد يهبل ويقول ان استخدامي غلط لدواسه البنزين و قال هاعملت تحديث للسوفت وير بتاع الجير و برضه نفس المشكله ظهرت تاني مع ان skoda fantasia برقبتها عمرها ماشتكت ولا عملت اي حاجه ف الجير و برضه نفس الاستخدام و تاني عيب فيها sound system ردئ جدا و التوكيل مش بيعرف يركب فيها اى حاجه يادوب الحاجات اللى حافظينها

طبعا انا مقدر كلام حضرتك بس انا حاسس انك ظلمت العربية شوية هي مش سيئة قوي كده هي النتشة دي موجودة فعلا انما مش ظاهرة قوي كده وكانت واضحة اكتر في اول 2000 كم انما بعد كده قلت جدا تكاد تكون ما بتحصلش مع ملاحظة اني عامل حاليا حوالي 18000 كم وفيه كمان عربيات ما فيهاش النتشة دي خالص زي بتاعة الاستاذ يحيى هو جايب الهاتش باك وموضوع الكيك داون اللي فصل معاك ده ممكن يكون من تفويلة البنزين ساعتها كان فيها مشكلة ولا حاجة لأن الموضوع ده محصلش معايا خالص
وبالنسبة للتوكيل انا بصراحة محصلش معايا مشكلة معاهم لحد دلوقتي بالعكس انا شايفهم كويسين وبيتابعو معاك بعد الصيانات ويسألوك لو فيه مشكلة في العربية ولا حاجة وبالنسبة للساوند سيستم انا شايفه هايل معرفش حضرتك بتقول وحش ازاي بس طبعا هي وجهات نظر عموما انا كان رأيي تدي نفسك فرصة تاني تفكر وممكن يكون في عيب في عربية حضرتك تحديدا روح الوكيل تاني واضغط عليهم لحد ما يشوفولك فيها ايه وبالتوفيق في اي قرار تاخده ان شاء الله

[egfire]

شكرا علي المتابعه واهتمام حضرتك انا كنت بفكر اغير السوند سيستم بس المشكله طلعت فى الوصلات usb bluetooth and aux هي مشكله النتشه دي ظهرت لما فولت في بنزينه من مطروح و كمان انا بسافر بيها كتير عشان الدراسه و كده و كمان علي الصحراوي فبقلق اوي و ممكن تكون العربيه واخده عين عشان اول ماجبتها كنت بركن و مش كانت راضيه تمسك فرامل بس وقفت لوحدها وكان فيه بنها و بين الحيطه سنتي و بلنسبه للسوند انا بقارن بنها و بين سماعات اسمها beats by dr.dre studio السماعات دي جباره تسمع فيها احسن كوالتي للصوت. انا رايح التوكيل الاسبوع دا و هاقولك علي كل حاجه بإذن الله. اشكرك علي اهتمامك مره تانيه

[yehiaseg]

شكرا علي المتابعه واهتمام حضرتك انا كنت بفكر اغير السوند سيستم بس المشكله طلعت فى الوصلات usb bluetooth and aux هي مشكله النتشه دي ظهرت لما فولت في بنزينه من مطروح و كمان انا بسافر بيها كتير عشان الدراسه و كده و كمان علي الصحراوي فبقلق اوي و ممكن تكون العربيه واخده عين عشان اول ماجبتها كنت بركن و مش كانت راضيه تمسك فرامل بس وقفت لوحدها وكان فيه بنها و بين الحيطه سنتي و بلنسبه للسوند انا بقارن بنها و بين سماعات اسمها beats by dr.dre studio السماعات دي جباره تسمع فيها احسن كوالتي للصوت. انا رايح التوكيل الاسبوع دا و هاقولك علي كل حاجه بإذن الله. اشكرك علي اهتمامك مره تانيه

العربيه دي حساسه من البنزين بطريقه غبيه. انا مره فولت ٩٥ وكان مغشوش العربيه كانت بترقص تحت رجلي. بس انا من رأي العربيه ممتازه في كل حاجه بس لازم تصبر واعمل تحديث للسوفت وير. انا عندي مش بتنتش خالص وكمان انا بدأت اشتكي انها بتسحب بطريقه اني مش بلحق اوقفها يمكن انا رجلي تقيله شويه، بس ال ٩٥ النضيف غير عادي معاها

[egfire]

والله انتم حبيبتوني في العربيه اكتر. بس ناو ال ٩٥ غلي و انا كل ٤ ايام بافول العمل ايه و فيه واحد بيقول الاوكتان امبروفير بيكون فيه نسبه زيت الكلام ده صح ولا غلط وكمان كنت عايز رائيكم لو ركبت سوند سيستيم من غير قص ف الصاج و كمان فرش للعربيه و زينون ولا هاتتقلب ميكروبص؟

[egfire]

وصيانه ل ١٠٠٠٠ هاتتكلف كام؟

[egytamer]

اول مرة اسمع ان سوند سيستم الفوكس وحش دا سوني و6 سماعات ومزاج المزاج اكيد في حاجة غلط عندك في العربية دي خصوصا
كمان نتشة الفتيس حلها تحديث السوفت وير والتعود علي العربية لان تكنولوجيا الفتيس جديدة ولسة مبقتشي سليمة 100 في 100 في كل الماركات بس الفورد من اقلهم واقراء عن الدي اس جي في الفولكس وانتا تحمد ربنا

[egfire]

مانا كنت هاجيب فولكس بس مش راضيت عشان موضوع الدي اس جي. جرب بس تسمع في سماعات beats studio هاتحس ان سوني دي ولا حاجه جامبها شوفها ف فيرجن ميجا ستور beats studio by dr.dre

[dede_dodo88]

كنت سمعت مرة قبل كده الساوند سيستم في الفوكاس الشكل اللي قبل الجديدة.. هو سوني برضه.. معجبنيش خالص الصراحة.. ضعيف أوي..
معرفش هل الجديدة الموضوع أتغير و للا زي ما هو!!.. بس الساوند سيستم ده من أهم الحاجات بالنسبالي في العربية :)

[Mohamed Fawzy]

والله انتم حبيبتوني في العربيه اكتر. بس ناو ال ٩٥ غلي و انا كل ٤ ايام بافول العمل ايه و فيه واحد بيقول الاوكتان امبروفير بيكون فيه نسبه زيت الكلام ده صح ولا غلط وكمان كنت عايز رائيكم لو ركبت سوند سيستيم من غير قص ف الصاج و كمان فرش للعربيه و زينون ولا هاتتقلب ميكروبص؟

بص يا سيدي موضوع البنزين ده انا قتلته بحثا سواء مع الوكيل او مع بعض الاصدقاء او مع بعض الاعضاء هنا في المنتدى وطلعت بالنتائج التالية ... حضرتك عندك 3 اوبشن

1 - تفضل زي مانت بتحط ال 95 بالسعر الجديد و طبعا لو انت بتقطع كيلو مترات أد اللي انا بقطعها يبقى هاتبيع اللي وراك واللي قدامك

2 - تحط 92 عادي وتضيفله الاضافات التالية:
-Toluene------------------600mL
-Xylene-------------------300mL
-Isopropyl Alcohol--100 mL

طبعا الاضافات دي لو حسبتها هاتلاقي مجموعهم واحد لتر الواحد لتر ده يضاف على تانك 60 لتر يبقى انت هاتحسب التفويلة بتاعتك كام وتنسب النسب على اساسها والتانك عندك بيبقى متوسط التفويلة بتاعته حوالي 40 لتر يبقى تحسب على هذا الاساس ... الكلام ده بقى بيعمل ايه بيرفع الاوكتان من 92 ل 93.5 ودي هي اقصى حاجة ممكن تعملها وفي الحالة دي مش هاتحس تقريبا باي فرق في الاداء

3 - تحط 92 من غير اي اضافات وفي الحالة دي العربية هاتقل في القدرة حوالي 5 حصان يعني هاتفرق معاك حاجة بسيطة في السحب واستهلاك البنزين هايزيد شوية

وبالنسبة للساوند سيستم هاسألك على الموضوع ده واقولك مع اني مش مقتنع خالص ان الساوند سيستم وحش او ضعيف يمكن انا ودني بقى فيها صراصير ولا حاجة

[Mohamed Fawzy]

وصيانه ل ١٠٠٠٠ هاتتكلف كام؟

حوالي 700 جنيه بالزيت والفلتر طبعا

[yehiaseg]

والحاجات دي نجيبها منين

[egfire]

انا رايح التوكيل بكره في ٦ اكتوبر العربيه فيها حاجات عايزه تتعمل الكاوتش عايز يترصص و فيه صوت هوا جوه العربيه علي سرعه ١٤٠