ريحة عادم في الكابينه

[LinuxMan]

السلام عليكم
بشم ريحة عادم في الكابينه بصورة عشوائيه يعني ساعات وزانا ماشي بسرعة بشم وساعات لا وساعات وانا ماشي براحة بردوه بشم

انا لسه مظبط الكربراتير عند احمد فرج و غيرلي طقم بوجيهات وسالتوه قالي عشان الموتور خفيف ... بصراحة مش مقتنع لان العربيه مكنتها تمام ومش بتنقص في الزيت ولا حاجه

في اسباب تانيه تخلي العادم يخش جوه

[mido51eg]

صباح الخير

بص ياباشا ، خلي الميكانيكي يراجع لك على جوانات المانفول ، يعني يغيرها اذا كانت محتاجة تغيير ويقرط على رباط المنافول ، دي اول نقطة
النقطة التانية افتح شنطة العربية وشيل الموكيت هتلاقي طبب كاوتش لو فيه طبة منهم ناقصة هتدخل لك ريحة العادم جوه برضه خصوصا ان عربيتك هاتشباك والشنطة في الصالون على طول.

[TAMERMEGAHED]

السلام عليكم انا واحد صاحبى كان عنده نفس المشكله وطلعت الكاوتش الى عند الشنطه من ورا مفكوك وفى دخان الشكمان كان بيدخله منه لما ثبت الكاوتشه ده كويس اتظبط الموضوع