مشكلة فى كهرباء فورد مونديو جيا 98

[fawzyloza]

السلام عليكم اخوانى الافاضل كنت عايز حد يفيدنى ضرورى في المشكلة دية انا الحمد لله اشتريت فورد مونديو جيا 98 وهى 2000 سى سى اتوماتيك اول ما شتريتها وجيت ادورها الصبح لقيتها ما بتعلاش لوحدها ولازم افضل ساندها لحد ما تسخن اخدتها ورحت كشفت بالكمبيوتر قالى ان العربيه فيها مشكلة حساس الايدل مش واصل له كهرباء كما ان حساس الحرارة متعدل بترمستات 128 وده بيخليها تاكل بنزيين فرجعها زى ما كانت رحت اشتريت كوعه بالحساس بتعها وركبتها عند الميكانيكى وقالى روح كهربائى علشان يوصل الكهرباء وهنا كانت المشكلة الكهربائى قالى ان في مشكلة اما في الكنترول او الضفيرة رحت سايبه ورايح عند كهربائى تانى راجع على الضفيرة وقال ان الضفيرة حد لاعب فيها ولازم تتغير وسالته هل الكنترول فيه مشكلة قال انه مش مستبعد ولكن انا شاكك في الضفيرة اكثر فكنت عايز اعرف هو ممكن الكنترول يكون بايظ ويشغل العربية عادى وممكن حد يكون نازل الحرفيين او حد يدينى رقم واحد بتاع قطع غيار علشان اسأل على ضفيرة المكنه 2000 سى سى اتوماتيك عاملة كام ولكم جزيل الشكر

[aliabdo]

بص ريح نفسك و متروحش الا لكهربائى فورد عشان الكهرباء بتاعت العربيه دى غريبه شويه و اى صنايعى بيفتى فيها و يخرب الدنيا

[fawzyloza]

والقيه فين الكهربائي ده ومكان لو عارف واحد ثقه

[MAHERELTAHAWY]

جسر السويس عند محطه الجراج اسمو سليمان بجوار احمد فرج . سليمان ده كهربائي واحمد فرج ميكانيكي بتوع فورد ويريت تؤلي جبتها بكام وحلتها ايه عشان بابيع عربيتي

[mkmaly]

وفيه كمان عونى ده كان توكيل فورد وحافظ العربيات دى عملى نص دفيره امامى فى فورد كا ماشاء الله كويسه وفاهم اووى كمان ورقمه 01222189081 كلمه وان شاء الله خير

[fawzyloza]

وفيه كمان عونى ده كان توكيل فورد وحافظ العربيات دى عملى نص دفيره امامى فى فورد كا ماشاء الله كويسه وفاهم اووى كمان ورقمه 01222189081 كلمه وان شاء الله خير

الف الف شكر يا اخى العزيز بس ان ممكن اغير الضفيرة بتاعت المكنة خالص علشان اريح نفسى هو ممكن القى عنده الضفيرة بتاعت المكنة ولو امكن هو مصناعيته غالية ولا في حدود المعقول

[fawzyloza]

معلش يا اخوانى الافاضل كان ليا طلب من الاخوة ال في القاهرة علشان لو امكن حد يسئلى على سعر ضفيرة المكنة استعمال الخارج الجيا 98 واكون شاكر فضلكوا

[MohamedSotohy]

كلم عوني هوا راجل كويس وهو ممكن يجبلك اللي انتا عايزه بسعر كويس ويركبهولك كمان

[fawzyloza]

كلم عوني هوا راجل كويس وهو ممكن يجبلك اللي انتا عايزه بسعر كويس ويركبهولك كمان

الف الف شكر يا اخى العزيز وتم الاتصال به وان شاء الله بكره بعد الساعة الخامسة وبارك الله فيك

[fawzyloza]

بصوا بقى يا جماعة انا اتعمل عليا شغل خلانى كرهت الفورد ويمكن العربيات اساسا على الرغم انى قعدت ورا اخويا لحد ما اقتنع واشترى فورد مونديو جيا اخت بتعتى انا اتصلت بى عونى ورحتله الورشة اللى في الزاوية وكان صاحب الورشة اسمه ياسر وقالى انا العربية فيها شغل كهرباء جامد علشان هى عليها مكنة موديل 2000 والعربية موديل 98 وعلشان تزبط لازم تتحول كهربتها ل 98 والعملية ديه هتتكلف منفو كامل بكل حاجته وضفيرة مكنة 98 وموبينه 2500 جنيه بالمصناعية وبعد كده لو مظبطش يبقى عيب كنترول وده ليا سعر تانى لانه بيجى طقم ضواره كده فكرت اجيب مكنة 98 كاملة بالضفيرة وطقم الضواره وده هيكلفنى 5000 جنيه غير المصناعية بس واحد نصنحنى ان مفرطش في المكنة بتعتى لانها فوكس وممتازة رحت عند سيلمان وقبلت صناعيى اسمه عبد الحميد قالى سيب العربية يومين او ثلاثة وسالته على التكلفه قالى لما اشوف انا هحتاج ايه رحت سايبه ورحت امبارح الحرفيين قالولى ان في واحد بتاع فورد كويس جدا اسمه مصطفى قابلته قالى انا عايز ضفيرة 2000 وديه عندى سالته العربية هدور قالى ان شاء الله وقالى عايز ضفيرة رشاشات وهى عندى وركبها البرنس وقفل تمام ودور العربية ومن فرحتى حسبته على طول من غير ما اجرب العربية وكانت الكارثة جاي برجع ورا المرشادير فصل قولته الفتيس فصل قالى وانا مالى انا عملت شغل كهرباء المهم جاب طقم ضواره موديل 2000 العربية اشتغلت كويس المهم بكام ده قالى علشان خاطرك 2000 جنيه قلته لا شكر وسبته وسفرت بالعربية من الحرفين للإسماعيلية والفتيس بينقل للتانى بس يعنى كنت ماشى بسرعة 30 كم تخيلوا انت راكب عربية 2000 سى سى و تاخد طريق اقل من 100 كم في 3 ساعات وبالصراحة كده ركنت العربية و بسأل ليه الجشع ده اللى عند التجار والصنيعه على الرغم ان قطمة العربية لا تتعدى 10000 جنيه ارجو من الاخوة الافاضل النصيحة لو كنت مكانى بعد الشر كنت عملت ايه لو امكن اقل الاسعار للمنفو كامل والضفيرة المكنة 98 وكمان طقم الضوارة موديل 2000

[mkmaly]

يا باشا ربنا معاك فى المعاناه الى انت بتعنيها .. بص يا باشا العربيات الفود والامانى بصفه عامه عربيات ممتازه على فبركيتها بمعنى لما بيتلعب فيها سواء كهربا او ميكانيكا العبيه بتتبرجل المهم قدر الله وما شاء فعل بص با كبير لوا انت شفت ان العيوب كلها اتصلحت بعد تغير طقم ضواره والمرشدير اشتغل ومبقاش فى عيوب تانى غيره وخلاص لكن لو لقيت الدنيا برده مش مظبطه رجع العربيه لاصلها احسن وعلى فكره الناس الى انت رحتلهم دول شيوخ الصنايعيه فى الفورد ... وربنا يكون فى العون وبالتوفيق

[fawzyloza]

يا باشا ربنا معاك فى المعاناه الى انت بتعنيها .. بص يا باشا العربيات الفود والامانى بصفه عامه عربيات ممتازه على فبركيتها بمعنى لما بيتلعب فيها سواء كهربا او ميكانيكا العبيه بتتبرجل المهم قدر الله وما شاء فعل بص با كبير لوا انت شفت ان العيوب كلها اتصلحت بعد تغير طقم ضواره والمرشدير اشتغل ومبقاش فى عيوب تانى غيره وخلاص لكن لو لقيت الدنيا برده مش مظبطه رجع العربيه لاصلها احسن وعلى فكره الناس الى انت رحتلهم دول شيوخ الصنايعيه فى الفورد ... وربنا يكون فى العون وبالتوفيق

هو انا لحد دلوقتى مش عارف اعمل ايه لان الميكانيكى قال بالنسبة للمكنة والفتيس تمام على طقم الضوارة اما بالنسبة للكهربائى قال ان هيبقى فيه بعض المشاكل زى عداد السرعة مش هيشتغل وبعض الاعطال ممكن تظهر بالكشف لان ضفيرة العربية 98 وخايف اجيب طقم منفولد كامل وضفيرة مكنة وبعد ما يركبهم يقول عايز طقم ضوارة وفعلا انا راكن العربية لحد مفضى من شغلى وروح تانى الحرفيين وبرضو مستنى اراء الزملاء في الكهربائية والميكانيكية الموجودين في الحرفيين لانها اقرب مكان ليا وكمان فيها قطع الغيار

[اسامه نور الدي]

علي فكره مشكله ميكانيكيه فورد بصراحه ان اسعارهم مغالي فيها بصورة جشعه لانهم بيحسو ان الزبون مايقدرش يعمل حاجه من غيرهم و ده انا لاحظته لما اتعاملت مع سباعي الي في صقر قريش و برضه مع محمد رجب الي في الهرم بيطلبو عالي قوي رغم ان في ميكانيكيه مش فورد بيعرفو يشتغلو في العربيه الفورد كويس و بتاخد من تحت ايديهم شغل نضيف و انا جربت واحد في الهرم مش متخصص فورد و اتعاملت معاه لما لاقيته فاكك عربيه زي بتاعتي بيعملها عمره كامله وبصراحه الواد بسرعه فهم العربيه وبقي اسطي فيها و خليته يعملها طقم شنبر و اخر حلاوة و لا استغلال ميكانيكيه فورد

[Colin Chapman]

مركز عسكر لتكنولوجيا وكهرباء السيارات
مركز الحاج محمد عسكر و أولادة لتكنولوجيا وكهرباء السيارات

الحرفيين – بلوك 21

ت: 01001211508 – 011405911112