مقاس كاوتش اسكورت

[aliabdo]

السلام عليكم
انا معاى اسكورت الكاوتش الى فيها 60\185 و حاسس ان العربيه واطيه قوى بصراحه و ان شاء الله عايز اغير الكاوتش ؛ ممكن اعرف المقاس الاستاندرد للكوتش بتاع الاسكورت 1300 كام و ترشحو ايه نوع كوتش انا الى عندى دلوقتى ميشلان

[meda2711]

لو الاسكورت زى الفيستا ,, فهتبقى 165/70

[aliabdo]

انا فعلا بفكر اجيب كوتش 70 عشان الى عندى تشوفه تحس ان الكوتش نايم على الارض و العربيه واطيه قوى بتحك حتى لو راكب لوحدى العرض بقى لسه مش عارف بالظبط اجيب كام

[alsisiagric]

هو دا المقاس الاستاندرد 14-185/60, لو هتجيب اعلى تجيب 185/65 بالكتير علشان ميحكش فى المساعد او الكارتيره, خلى حد يبصلك على المساعدين علشان ممكن تكون بايظة ف مخليه العربية واطيه زياده عن اللزوم
ويا ريت تقلنا عملت ايه علشان نستفيد

[mido51eg]

فعلا المقاس الاستاندرد هو 185/60/14 وماتحاولش تغير لحاجة تانية علشان ماتأثرش على العفشة وماتخليش العفشجي يركب لك علايات علشان هتأثر على ثبات العربية.

[aliabdo]

طيب ما انا لو جبت الكوتش 60 و محطيتش علايات العربيه حتفضل واطيه و ان شاء الله مظنش ان فى مشاكل فى المساعدين عندى ؛ العربيه واطيه لدرجه انى لو راكب لوحد و اخد مطب بسرعه شويه بتحك من وره

ترشحو ايه نوع كوتش كويس ان عندى دلوقتى ميشلان انرجى ايطالى هو حالته لسه كويسه بس الفردتين الى قدام كل اسبوع لزم يتزودو انا كشفت عليهم و غيرت البلوف و برضو نفس المشكله
بفكر اجيب كومو ايه رائيكم ؟

[alsisiagric]

حاول بس الاول تعرف المساعدين اخبارها ايه ورا وقدام لان لو ورا بايظة بتهبط العربيه
والكاوتش الهانكوك جامد جدا والكومهو بردوه كويس وابقى قلنا تمن الكاوتش عامل ايه علشان عاوز اغير برضوه :)

[egytamer]

انا غيرت الكاوتش وجبت 185-65-14 للامامي و 185-70-14 للخلفي وتمام العربية عليت شوية وبقت احسن في المطبات والميشلان ممتاز حاول تجيب زيو جديد

[aliabdo]

تمام شكر على الردود و ان شاء الله ربنا يسسر و اجيب مشلان
بس اعتقد ان 1 سم زياده مش حيحك و لا حياثر على العفشه فى حاجه امال الناس الى بتركب جنط 15 و 16 دول بيعملو ايه