رأيكم يا جماعة في الفوكس هاتشباك

[وائل الجندي]

السلام عليكم
ازيكم يا شباب ويا خبرا المنتدى انامحتاج مساعدتكم لاني بشتري عربية جديدة وفي قمة الحيرة لأني كنت عايز أشتري فورد فوكس هاتشباك بس ف ناس خوفتني منها فياريت حد يتكرم علينا ويعملنا تقرير شامل عليها من كل النواحي وياريت تقولولي اسعارها أيه في مصر يعني الستاندر كام وكل فئاتها كام
بانتظار ردودكم وشكرا

[وائل الجندي]

أيه يا جماعة مفيش ولا حد عنده معلومات ولا معاه الفورد فوكس
فانتظار ردودكم

[h_soly]

أنا كنت في المعرض النهارده
الفوكس الهاشباك ب 205,000 زاي السيدان ال Titanium

[وائل الجندي]

ممكن أعرف من حضرتك هي حجمها قد أيه يعني هي اصغر من السيدان بكتير و لا فحجم أي سيارة لأني مشفتهاش غير فالصور بس

[h_soly]

والله أنا مبستش على الهاتشباك بس من بره شكلها مش صغيره يعني معقولا
بس لازم تشوفها بنفسك

[وائل الجندي]

يعني اكبر من الريو الهاتشباك بكتير ولا لا يذكر الفرق بينهم

[وائل الجندي]

يا جماعة ينكم معقول محدش معاه فوكس ولا يعرفها يقولنا رأيه

[yehiaseg]

ياباشا حضرتك تؤمر، الهاتش باك معايا بقلها حوالي ٤ شهور، نفس حجم السيدان من ناحيه الكراسي بالضبط، الشنطه طبعا مختلفه ، سواقتها ممتعه جدا ماشآءالله، انا كنت جيبها ب ١٨٥٠٠٠ كان عليها اوفر علشان محدش بيقرب من الهاتش وده احسن بيني وبينك علشان تفضل منفرد شويه، لو انت غاوي هاتشباك وحابب تدوس في الفورد اسأل واحنا تحت امرك!!

[mohamedkordy]

احسن عربيه فى الفورد الهاتش باك ياريس هما خوفوك منها ازاى ؟؟؟؟
الاستنادرد للفوكس بره هاتش باك اصلا

[وائل الجندي]

ياباشا حضرتك تؤمر، الهاتش باك معايا بقلها حوالي ٤ شهور، نفس حجم السيدان من ناحيه الكراسي بالضبط، الشنطه طبعا مختلفه ، سواقتها ممتعه جدا ماشآءالله، انا كنت جيبها ب ١٨٥٠٠٠ كان عليها اوفر علشان محدش بيقرب من الهاتش وده احسن بيني وبينك علشان تفضل منفرد شويه، لو انت غاوي هاتشباك وحابب تدوس في الفورد اسأل واحنا تحت امرك!!

ممكن تقولي مميزات وعيوب العربية يا باشا من كل النواحي ومعلش هتعبك معايا
وبالنسبة لوسعه وكبرها قد ايه كدة هي اكبر ولا الريو الهاتشباك لاني انا مشفتهاش على الطبيعة بصراحة

[yehiaseg]

انا مش شوفت الريو فمش اقدر اقارن، العربيه الحمدلله مش شايف ليها عيوب لاسره صغيره من اربع افراد كمساحه داخليه، في عيب كمان انها حساسه للبنزين جدا لو كان مغشوش ، غير كده ماشاءالله ثبات وتحكم وفرامل وعزل وتسارع وتكييف، انا شايف انها مظلومه لسوء دعايه او ثقافه ،

[egytamer]

عربية تحفة بصراحا شيك جدا وبالنسبة للشنطة فين وفين لما الواحد بيسافر ويحتاج يحط شنط كتير استخير وتوكل

[olver]

ممكن تقولي مميزات وعيوب العربية يا باشا من كل النواحي ومعلش هتعبك معايا
وبالنسبة لوسعه وكبرها قد ايه كدة هي اكبر ولا الريو الهاتشباك لاني انا مشفتهاش على الطبيعة بصراحة

انا بقالى فتره شايف الموضوع بتاع حضرتك دلوقتى المقارنة بين الكيا الريو و الفورد الفوكاس مستحيله لاسباب كتير اولها ازاى اقارن عربيه كورى بعربيه المانى و كمان فرق السعر الكبير الى ممكن يوصل ل 70 الف جنيه بين الهاى لاين بتاع الكيا و الفورد فازاى نقارن انا شايف انو مستحيل
و اى حاجه عن الفوكاس انا تحت امرك

[Formulator]

بالإضافة ان الفوكاس تتقارن بالسيراتو (كـ فئة) C-segment كومباكت.. مش الريو!

وتتفوق كمان Technically عـ السيراتو الشكل الجديد؛
موتور وفتيس وعفشة.. ومؤخرا: سعر و value-for-money أفضل من السيراتو -فـ رأيى!

- شاسيه متطور وعفشة خلفية Control-blade MlutiLink
- موتور Ti-VCT 125hp
- فتيس PoweShift

ومش محتاج أتكلم عـ الهاندلينج والثبات، ودلوقتى الجرى بعد الموتور الجديد؛
(الـZetec القديم كان 100 حصان فقط.. فـ كان قليل عـ العربية الثقيلة نوعا ما)!!

Rgds،