كبس الماتور للعربيات المستعملة... هتجنن

[shagystorm]

السلام عليكم يا شباب
أنا بدور على عربية فورد فيستا أو كا بقالي فترة وكل ما أشوف واحدة واكبس ماتورها ألاقيه حاجة وستين في المية ويتقالي إنه ضعيف.

الطبيعي تبقى حالة الماتور كام؟ وهل ممكن يتعمله عمرة وللا عمرة الفورد بتكلف علشان كده معظم الناس بتغير الماتور وتجيب واحد استيراد؟

أرجوا الإفادة ومعرفة سعر العمرة وسعر الماتور الجديد كام 1300 سي سي للفيستا أو للكا

شكرا ليكم قوي

[mkmaly]

يا باشا اذيك بقولك لما تيجى تقيس كابس اى ماتور ايسه بوجيه بوجيه كل واحد لوحده والماتور بتاع الكا بيعمل فى حدود 3500 وخد بالك العربيه دى قليل اووى الى هتلاقى ماتوره كويس بس ممكن تلقيها فبريكه كتيرر
وكنت عايز استفسر العربيه دى اسعارها ايه دلوقتى
وبالتوفيق

[aYaBooY]

اولا سيبك من موضوع الكبس في مواتير الفورد
انا لما اشتريت العربية كان كبس الموتور 77% و لما روحت في اول صيانة و ما بعدها كله اجمع ان الموتور خفيف
سعر الموتور فاضي ( وش على بلوك ) من 2200 حتى 2700
موتور كامل بالفتيس اعتقد بيكون حولين الـ 5000
تركيب الموتور مصنعيات من 400 لـ 600 حسب الورشة
سعر العمرة من 3000 نعاك لـ 7000 حسب الخامات و الصنيعي الي هايشتغلها
دور شوية لو انت عاوز العربية ديه على حاجة تكون كويسة صاج و موتور و عفشة حتى لو اغلى علشان انت الي هاترتاح
طبعا تبيه اخير الي يكشف على العربية يكون ميكانيكي فورد مش اي بنزينة او مركز

[egytamer]

انا كمان لما اشتريت عربيتي كان كبس المتور 85% والراجل بتاع البنزيمة قالي الله يباركلك متور جامد وقعد ينخع والمتور باظ خالص بعد اسبوعين.
فالاحسن زي مجو قالك روح لميكانيكي فورد بيبقي عارف خبايا العربية والمشكلات الي فيها كوبس