عربيتى للبيع اطلب فيها كام؟

[Eng_Mostafa_89]

السلام عليكم ورحمة الله وبركاتة
عربيتى الاسكورت للبيع موديل 1998 موتور 1300 سي سي العربية مكيفة صاجها من الخارج كلة مظبوط وكويس ومش معموج وراشة برة وحالة صالونها ممتازة وكل حاجة فيها شغالة وفيها فاتحة سقف اطلب كام فيها ؟؟ مع العلم ان كل العربيات المستعملة سعرها على

[mido51eg]

مبدأياً اذا كانت العربية كويسة ومريحاك يبقى اصرف تظر عن موضوع البيع دلوقتي ، لأن كل الأسعار عليت سواء زيرو او مستعمل. ثانيا ياريت بيانات العربية كاملة يعني حالة الموتور والميكانيكا بصفة عامة والعفشة وعاملة كام كيلو متر ويفضل تنزل صور كمان للعربية.

[aliabdo]

بص اصرف نظر عن موضوع البيع ده دلوقتى خالص ولا حتعرف تبيع ولا حتعرف تشترى

[Eng_Mostafa_89]

مبدأياً اذا كانت العربية كويسة ومريحاك يبقى اصرف تظر عن موضوع البيع دلوقتي ، لأن كل الأسعار عليت سواء زيرو او مستعمل. ثانيا ياريت بيانات العربية كاملة يعني حالة الموتور والميكانيكا بصفة عامة والعفشة وعاملة كام كيلو متر ويفضل تنزل صور كمان للعربية.

هى كويسة ومريحانى بس العربية علية عين وحشة وفى كذا واحد عيزين يشتروها وعملت حادثتين فى شهر واحد ونفس الخساير ونفس الحادثة بلمللى فانا ووالدى قفلنا من ناحيتها
العربية موتورها متفكش فية مسمار ولغاية دلوقتى والحمد لله الموتور بيعرق
العربية انا شاريها من اربع شهور عدادها كان 93000 وحاليا 98000 "مش متاكد اذا كان عدادها قلب قبل كدة ولا لا للامانة"
العفشة كويسة وكنت مغير المقصات الامامى اول لما اشتريتها وحاليا عايزة تربيطة عفشة وفردتين كاوتش
والعربية انا كنت بظبط فيها على اساس انى هأنيها وكنت جايبلها 4 مساعدين وبطاحات لان المساعدين اللى ورا بيشاورو عقلهم بس مركبتهمش علشان جت تانى حادثة وناوينا على بيع العربية
الصالون مش محتاج اى حاجة غير تظبط بسيط لفرش فتحت السقف
التكيف شغال بس عايز فريون

وكدة كدة الزيادة فى السعر مش هتفرق معايا لانى هبيع الاسكورت وهجيب اسكورت تانى او مونديو بس خايف من المونديو شوية من اسعار قطع غيارها

العربية للامانة مغيرة الكابوت والستارة والرفرف الامامى يمين غير كدة الدواخل كلها مفيهاش اى حاجة وفى الحادثتين الحمد لله فرد الشاسية متلمستش

[Eng_Mostafa_89]

بص اصرف نظر عن موضوع البيع ده دلوقتى خالص ولا حتعرف تبيع ولا حتعرف تشترى

مش هتفرق معايا كتير لانى هبيع اسكورت واشترى اسكورت برضوا

[aliabdo]

طالما قفلت منها بيعها و ربنا يرزقك باحسن منها ان شاء الله بس خلى بالك كله بيتكلم فى كتير دلوقتى فمتبعش رخيص عشان تعرف تشترى و خليك فى اسكورت احسن

[Eng_Mostafa_89]

طالما قفلت منها بيعها و ربنا يرزقك باحسن منها ان شاء الله بس خلى بالك كله بيتكلم فى كتير دلوقتى فمتبعش رخيص عشان تعرف تشترى و خليك فى اسكورت احسن

منا هنزل اربط على وحدة الاول وبعد كدة ابيع اللى معايا وغالبا زى ماهشترى زى ما هبيع

[Eng_Mostafa_89]

فينكم يا رجالة الفورد؟؟

[aliabdo]

و الله يا ريس ما حد فاهم السوق اليومين دول انا شوفت اعلانات لاسكورت على 41 و 35 و 25 فمش عارف احكم على حاجه بصراحه عموما شوف اعلانات النت و قرر و ربنا يوفقك

[Eng_Mostafa_89]

متشكر لرد حضرتك :)

[aliabdo]

فابريكا - نتائج بحث السيارات المستعملة

http://www........cars.com/usedcars_...-1&steering=-1
شوف كده الحاجات دى

[Eng_Mostafa_89]

تسلم يا باشا