الماتور وقع :)

[aliabdo]

صباح الخير على الجميع
امبارح اكلت مطب جامد حبتين و كان عندى قاعد الماتور مبوشه شويه و عايزه تتغير
المهم الصوبع الى طالع من الماتور عشان يركب فى القاعده اتكسر و فى كوبلن افتك او اتكسر لسه مش عارف و العربيه بايته عند الميكانيكى و حبقى اقول لكم على الجديد

ادوعو لى بالتيسير عشان حاسس ان الموضوع كبير و ممكن الماتور ينزل او اغيره اساسا

[egyptiandiver]

يسترها ربنا معاك و معانا

[aliabdo]

اشتريت قاعده ماتور 4 مسمار ب 240 و قاعد مثلثه ظهر بس معموله بلدى ب 60 و كوتشه كوبلن ب 30 من عند السيد الصعيدى
و الميكانيكى حياخد 50 جنيه مصناعيه و اهو لسه شغال فيها و ربنا ييسر

[Eng_Mostafa_89]

بسيطة ان شاء الله وتتصلح وترجع زى الفل

[monamize4]

خير ان شاء الله ,,,,,,, فداك

[aliabdo]

الحمد لله العربيه اتصلحت و كله تمام نزلت الصبح لقين العلامات الاصلى مسروقه من عليها و البطاريه نايمه
شكل العربيه دى بدات تافل معاى ولا ايه انا شكلى قريت عليها

[Eng_Mostafa_89]

بسيطة واحمد ربنا انت احسن من غيرك :)

[aliabdo]

المشكله شكل الدينمو هيس من الوقعه ولا ايه مش عارف لسه حوديها بكره للكهربائى و ربنا ييسر

[egytamer]

خير العربيات ليها كبوة كل فترة تحسها بتتحمل تتحمل وفجاة تنهار وتلبس الواحد مبلغ محترم

[aliabdo]

الحمد لله عطيتها وصله من عربيتى التانيه و دارت

[alking_2006]

الكلام دا فى الماروتى و لا فى الفورد؟

[aliabdo]

فى الفورد ده لو كانت الماروتى كانت بقى نصين