كلاكيت تاني مرة حادثة في وش العربية

[maheralsisi]

يا جماعة بصراحة انا مخنوق قوي
تاني مرة حادثة في وش العربية ع الدائري
سواق جامبو لبس السور اللي ع الشمال و العربية عرضت منه و انا نزلت تحتيه
هي مش جامدة زي المرة اللي فأتت صحيح يعني المرة دي صاج بس كبوت و رفرف شمال و فانوس شمال و رادياتير و اللي يغيظك ان الاكصدام سليم و كل حاجة سليمة بس كأن الحادثة عاوزة الكبوت بس ماعرفش ازاي كل حاجة سليمة ما عدا الكبوت
انا طبعا مش هاحط رجلي فيها تاني ابداااا بس عاوز اعرف لو بعتها علي كده تجيب كام العربية دايرة و بتمشي زي الفل بس الرادياتير ما بيحفظش مية فطبعا رفعتها
عاوز اعرف تجيب كام لو اتباعت علي كده ؟؟؟؟

[Eng_Mostafa_89]

نفس اللى حصل معايا بالظبط اشتريت عربية فورد اسكورت يوم 15/10/2012 يوم 30/11/2012 عملت حادثة على الدائرى فى اسماعيلية خبط فى تروسيكل صينى وغيرت كبوت ورفرف يمين وفانوس يمين وستارة وقربة مياة اسلمت العربية من السمكرى 15/12/2012 يوم 20/1/2013 العربية اخدت نفس الخبط على الدائرى تانى فى اسماعيلية مع تروسيكل ونفس الخساير بالمللى
الحمد لله على كل حل
انا كنت جبت القطعية الامامية فاضية ب350 جنية والكبوت جبتة ب400 جنية والاكصدام جديد تيوانى ب350 الفانوس جبت ديبو ب200 جنية كاتيرة العجل جبتها ب75 جنية

الكبوت دة اقل سعر وصلتلة من واحد فى اسماعيلية غير كدة كل الناس فى الحرفيين وفى الاسماعيلية بيكون رينج اسعارهم من 500 جنية لغاية 800 جنية
وربنا معاك والعربية ترجع احسن من الاول