عامل كام كمبرسور تكييف مونديو ٩٨ وينفع اركبه من غير ما يطلع الفريون ؟

[hmghamry]

الكومبرسور باظ عندي في مونديو ٩٨ كنت شاحن قبل ما يبوظ فريون وكان عامل ٢٠٠ جنيه ..
فعندي سؤالين يا جماعه ..
١- بكام الكمبرسور عشان سمعت فيه اسعار متفاونه ؟
٢- انا سمعت ان لازم يكون في حد عنده مكنه بتسحب الفريون عشان يشحنه تاني فمين بيعمل القصه دي ؟
٣- سعر شحن الفريون كان وفين ؟

وجزاكم الله خيرا

[egytamer]

السلام عليكم
سعر كباس الاسكورت في الوكالة 350 اول كلام ممكن يخلي 270 الي 300 واعتقد المنديو يفرق حاجة بسيطة..
موضوع سحب الفريون معرفوش بصراحة بس اعتقد اغلب الناس هتطنش وتقلك اشحن تاني والشحن وتركيب الكمبريسور عوني كان قالي 350 جنية

[MohamedSotohy]

الكومبرسور باظ عندي في مونديو ٩٨ كنت شاحن قبل ما يبوظ فريون وكان عامل ٢٠٠ جنيه ..
فعندي سؤالين يا جماعه ..
١- بكام الكمبرسور عشان سمعت فيه اسعار متفاونه ؟
٢- انا سمعت ان لازم يكون في حد عنده مكنه بتسحب الفريون عشان يشحنه تاني فمين بيعمل القصه دي ؟
٣- سعر شحن الفريون كان وفين ؟

وجزاكم الله خيرا

قولي انتا قريب من فين وانا هاسعدك
وحكايه الفريون
لو حد عنده مكنه اوتوماتيك ها يسحبه ويرجعهولك
قولي بس بياناتك وانا بأذن الله ها سعدك
بس عالفكره الموضوع ده لو كان حصل بعد ما عملت الفريون
يبقا يا برنس اللي عامله هوا اللي بوظه لك

[a_ali]

انا اشتريته السنه الي فاتت كان بحوالي ٤٥٠ من الوكاله ولازم تشتري على تجربه طبعا وكده او كده ح تشحن الدايره كلها بحوالي ١٧٠ غير تركيبه عند الميكانيكي

[fawzyloza]

يا جماعة ممكن افهم حاجة انا بصراحة عندى التكييف بدون سربنتينة وناوى اشتريها قريب علشان الصيف ورمضان كل سنة وانتم طيبين ايه موضوع سحب الفريون اصل اللى انا فهمه ان خلاص كدة الفريون كله طار وعايز شحن كامل وكنت ناوى اروح عند واحد بتاع تكييف عادى مش متخصص فورد وانا معايا مونديو جيا

[hegazi_arc]

بص انا كان معايا مونديو و جبت كباس بس جديد من عند سامي فخري(حرامي شويه) ب 2000 جنيه من 3 سنين و كان بتاع فوكاس...انا شايف ان المشكبه انك تشحن تامي..الشحن كله ب 180..الفكره في تغيير الكباس عشان ده جديد غالي

[forzatotti]

بص يا باشا انا دوخت في الحرفيين عشان اجيب كباس محترم مابيسربش هوا
غيرت بتاع اربعة وكله بيسرب .......وفي الاخر استنضفت واحد فيهم وبتاع تكييفات قالي هيعملوا طقم اصلاح ب 250
و الكباس كان ب 400 ولسه مستني النتيجة
فا نصحك تجرب الكباس قبل ما تمشي
وحسبي الله ونعم الوكيل

[forzatotti]

معلش نسيييت اقولك ابعد عن الفرسان اللي في الحرفيين حاجته خربانة