انا معايا ford escort 89 ممكن بنزين 80

[mezo_2003]

السلام عليكم

انا معايا فود اسكورت 98 1300 سى سى انا بستخدم بنزين 92 وكلو تمام

السؤال للاهل الخبره هو ممكن امون بنزين 80 ولا غلط على الماتور عشان انا مش عارف طبعا عارفين الفرق فى التوفير بس لو فى ضرر يبقى بلاش انا يهمنى الماتور برضو ياريت كل الى معاه نفس النوع يشارك معايا

[Eng_Mostafa_89]

انا ماشي بيها 80 مفيش اى مشاكل الحمد لله
انا عربيتى 1300 كربراتير

[mezo_2003]

انا ماشي بيها 80 مفيش اى مشاكل الحمد لله
انا عربيتى 1300 كربراتير

شكرا على الرد طيب العربيه بتجرى معاك كويس وصوت المكنه عالى ولا كويس من وجهه نظرك

[aliabdo]

انا اول ما جبت الاسكورت 99 1300 كنت بحط 92 لحد ما اخويا مره اخدها و حط 80 و العربيه ما شاء الله زى الفل و لا فى اى حاجه تماما

[mezo_2003]

يا جماعه انا جربت بنزين 80 فى عربيتى اسكورت 98 الفرق بجد الى حسيته فى طلعت العربيه حاسس بتكون العربيه بطئه شويه بس وانا ماشى العربيه زى الفل ومش حاسس بفرق خالص وكمان بتجرى عادى يا ترى حد تانى بيحط بنزين 80 عشان اطمن وشكراا ليكو

[aliabdo]

العربيه دى اصيله لو حكيت لها بنزين 60 مش حتقول لا و تمشى زى الفل

[mido51eg]

انا عربيتي اسكورت 1300 موديل 98 وبحط بنزين 92
اللي بيحدد نوعية البنزين اللي ممكن العربية تقبلها هي حاجة اسمها "نسبة انضغاط المحرك" ، كل لما النسبة دي تعلى يبقى لازم تستعمل بنزين عالي الاوكتين. محرك الفورد نسبة انضغاطه عالية ولو عندكم كتالوج العربية هتلاقوا البنزين الموصى بيه 91 اوكتين وده موجود بره مصر. مفيش داعي تغامر بعمر موتور عربيتك حتى ولو كانت العربية ماشية كويس بالبنزين ال 80 ، هي ماشية بيه كويس دلوقتي انما بدون شك هيأثر على الموتور فيما بعد.