استشارة سريعة شباب فى الفوكس 2011 ضروري

[الجنرال]

السلام عليكم ورحمة الله

من غير مقدمات ... قدامي عربية فوكاس 2011 (اخر شكل قبل الجديد خالص)

العربية صيانتها كلها فى التوكيل .. رفعت العربية عند ميكانيكي قالي العربية ولا كأنها مشيت اصلا ونضيفة تماما من تحت فى العفشة

صاحب العربية من النوع اللى بيحافظ عليها بجد .. ومش بيهرج فى الصيانة بتاعتها .. كل الصيانات بتاعتها كانت فى التوكيل وكل قطع الغيار بالكامل جابها من التوكيل لما كانت بتحتاج حاجة .. يعنى حتى الكاوتش بيغيره كل 40 الف تقريبا حتى لو كان كويس وسليم ومفيهوش حاجة .. بس بيغيره علشان يحافظ على العربية

المشكلة واللى مخوفني منها .. انها عاملة 180 الف كيلو !!

العربية هتبقى عاملة حوالي 90 الف جنيه تقريبا

فايه رأيكوا؟؟ هل الكيلو ده بيأثر على العربية .. ولا مش فارقة طالما بيعمل كل الصيانة فى التوكيل وبيجيب قطع الغيار الاصلية ومحافظ عليها؟؟

وخوفي دلوقتى انى لو اخدتها .. كمان ثلاث سنين لما اجي ابيعها وتكون مشيت حوالي 300 الف كيلو .. هتجيبلي ايه كسعر؟؟


افيدونا يا شباب

[a3reda]

كتير ان العربيه تعمل 90 الف كيلو كل سنه ... ده على اساس انها موديل 2011 وعامله 180 الف
سعر مناسب اوى ال 90 الف جنيه فى موديل 2011
قبل ما تشترى العربيه اكشف عليها فى التوكيل
ولو قالوا لك كويسه يبقى ياحظك ويا هناك هترتاح اوى فى الفورد

[egytamer]

اكيد العربية دي يتتاجر لشركة او صاحبها بيطخ بيها كل يوم مشوار محترم علشان يعمل بيها المسافة دي في الوقت القصير دا بصراحة منصحكشي بيها لانها خرجت برا الضمان بسرعة البرق وكمان حتي لو حالتها الظاهرية كويسة الاجزاء الميكانيكية فيها استهلكت بشدة فاكيد هتلاقيها كل شوية حاجة فيها جابت اخرها بدون مقدمات .
والله اعلم

[Eng_Mostafa_89]

الكيلو متر عالى قوى على موديلها
قبل مجيب الفورد اللى معايا كنت هجيب عربية a4 موديل 2007 العربية كانت زيرو بمعنى الكلمة وصيانات توكيل بالفواتير وكانت الكيلو متر برضوا 180
فبصراحة خفت اجيبها لان مع الوقت هيكون فى حاجات كتير عمرها الافتراضى ابتدى ينتهى وعيزة تتغير
بلى عجل طنابير حساسات من الموتور وهكذا