محتار فى اختيار نوع الكاوتيش

[a3reda]

نهاركم سعيد

معى فورد فوكاس 2005 وعايز اغير الكاوتيش

هل من نصيحه لاختيار نوع الكاوتش

مع العلم ان الكاوتش عندى مقاس 16

وايه رائيكم لو اشتريت طقم جنوط مقاس 17

[aliabdo]

خليك زى ما انت عشان العفشه متبقاش نشفه

[a3reda]

فعلا استاذى انا سمعت ان العفشه بتكون ناشفه ومتردد فى الموضوع ده

هبقى اشترى كاوتش وخلاص ومنتظر اراء الاخوه عن افضل نوع كاوتش

[egytamer]

ممكن تجيب جنوط الفورد الاصلية ال 16 استيراد هتبقي احسن لان الفورد عربية تقيلة والجنوط الصيني متكلشي معاها الاستيراد بيكونو انضف واحسن

[olver]

حضرتك لو ناوى على كاوتش بس لازم تحدد سعر الفرده اللى ناوى تتفعوا عشان نقدر نساعدك لان ممكن تجيب فرده بسعر 4 فياريت تقولنا انت ناوى تتفع كام

[emad_2020]

اسف ليا استفسار
انا معايا 131 بردو غير الكاوتش انا عندى 13 اوك صحبى قالى طلما هتغير هات 14 بيكون احسن كنت عايز اسئل ينفع ولا بيكون غلط على العفشة وشكرا

[a3reda]

حضرتك لو ناوى على كاوتش بس لازم تحدد سعر الفرده اللى ناوى تتفعوا عشان نقدر نساعدك لان ممكن تجيب فرده بسعر 4 فياريت تقولنا انت ناوى تتفع كام

اهم حاجتين فى نظرى بالعربيه الكاوتش والفرامل وخصوصا انا على الطريق السريع وبجرى 150 محتاج كاوتش احسن حاجه محتار بين الكونتنتال والبريد جستون
انا معرفش عربيات الفورد الجديده بينزل فيها اى نوع من الكاوتش

[a3reda]

ممكن تجيب جنوط الفورد الاصلية ال 16 استيراد هتبقي احسن لان الفورد عربية تقيلة والجنوط الصيني متكلشي معاها الاستيراد بيكونو انضف واحسن

تعمل كم جنوط الفورد الاستيراد وطبعا اكيد لازم اجيبها من بور سعيد لان الاسعار فى الحرفيين وبتوع الاستيراد مبالغ فيها اوى

[a3reda]

اسف ليا استفسار
انا معايا 131 بردو غير الكاوتش انا عندى 13 اوك صحبى قالى طلما هتغير هات 14 بيكون احسن كنت عايز اسئل ينفع ولا بيكون غلط على العفشة وشكرا

اتمنى الاخوه هنا يفيدوك بمعلومه صحيحه ... مع ان سمعت ان العفشه بتكون ناشفه

[emad_2020]

اتمنى الاخوه هنا يفيدوك بمعلومه صحيحه ... مع ان سمعت ان العفشه بتكون ناشفه

شكرا على اهتمامك
ومستنى الرد

[aliabdo]

اساسا مش اى جنط يركب على الفورد ميكربش عليها غير الجنط بتاعها الى هو مقاس 108\4 و ده فورد بس
البريدج ستون كويس و الميشلان كويس لو عايز حاجه رخيصه انا كنت جايب الكومهو الفيتنامى معقول برضو

[Eng_Mostafa_89]

خليك زى ما انت يا باشا ودة علشان طرق بلدنا الحلوة هتخلى الكاوتش مع كل مطب ولا نقرة تاخدها على السريع هتلاقى الكاوتش طلع فية بلونة وهتضر تغير الكاوتش طبعا
موضوع ان الجنط التقيل بيقى غلط على العفشة ودة لان الجنط بيبقى لية وزن لما بينزل فى حفرة او بيطلع مطب بياثر على المساعد فكل لما وزن الجنط زاد كل لما القوة اللى بتاثر على العفشة تزيد وطبعا هتقلل عمرها

انا كنت لسة مركب فى عربيتى kumho ecsta spt كورى سعر الفردة معقول ومواصفات الفردة ممتازة جدا

[a3reda]

اساسا مش اى جنط يركب على الفورد ميكربش عليها غير الجنط بتاعها الى هو مقاس 108\4 و ده فورد بس
البريدج ستون كويس و الميشلان كويس لو عايز حاجه رخيصه انا كنت جايب الكومهو الفيتنامى معقول برضو

كلامك صح الصح حاولت اركب فرده كاوتش بتاعه متسوبيشى او تويوتا لعربيتى الفورد مركبتش مع ان اربع مسامير انما فيه فرق فى مسافه المسامير

[Eng_Mostafa_89]

كلامك صح الصح حاولت اركب فرده كاوتش بتاعه متسوبيشى او تويوتا لعربيتى الفورد مركبتش مع ان اربع مسامير انما فيه فرق فى مسافه المسامير

كل عربية وليها ابعاد بتاعت المسامير
ولو حضرتك عايز جنط 15 او 16 او 17 هتلاقى بابعاد المسامير اللى موجودة عند حضرتك

[a3reda]

تم شراء كاوتش بيردجستون يابانى انتاج يناير 2013
195/65/15 v
1360 للجوز