Ford Escort

[dobi2003@yahoo.com]

السلام عليكم يا جماعة انا مبسوط قوى من المنتدى ده وديه اول مشارك ليه هنا
انا كان عندى تسأول بخصوص escort هل هيا عربية كويسة ولا لا وهل قطع الغيار بتاعتها متوفرة ولا لا انى بفكر اشترى واحدة وايه الفرق بين الموديل ال1300 و ال 1600 ومتشكر مقدما

[Nader]

اولا اهلاً بيك في NileMotoes.

اما بالنسبة للفورد الاسكورت 1300 هي عاماً عربية ممتازة لمة نفسها تسارعها جيد جداً وسباتها على الارض ممتاز لحد 130 معرفش بعد كدة اية معدناش ال130, " يمتلكها صديق لي " المهم هي مشكلتها الوحيدة ان قطع غيارها مش منتشرة اوي عند بتوع قطع الغيار غير التوكيل بس صحبي بيجيب قطع غيارها اصتيراد من الحرفيين بسهولة بس الـ1600 قطع غيارها اصعب شوية انك تلاقيها وبخاصاً قطع الغيار الجوهرية مثل هذة المتعلقة بالموتور وهكذا. لو لقيت واحدة 1300 مش راشة دواخل وبحالة جيدة في حدود 39 ,40 الف (حسب الحالة يعني) ينقى كويس اوى لكن منصحكش بال1600cc علشان انا بصراحة انا متعقد من حكاية عدم توافر قطع الغيار دي وانا شايف ان دة هو عيبها الوحيد البيقلل من سعرها هتلاقيها بنفس سعر الـ1300 تقريباً.

نسيت اقولك ان اسعار التوكيل غالية جداً بالنسبة لقطع الغيار و الصيانة علشان كدة صحبي بيجبها من الحرفيين.

[dobi2003@yahoo.com]

متشكر جدا يا استاذ نادر على الاستجابة السريعة

انا سألت على ال1300 ففى ناس قالت ان العربية تقيلة علة الموتور ده لكن ال1600 احسن شوية فا مش عارف اقرر اى واحدة احسن

[Nader]

لو عندك حل لمشكلة قطع الغيار يبقى اكيد الـ1600 افضل :D

بس الـ 1300 مش وحشة خالص، الا لو انت من هواة الجري على 150 و 160، ساعتها استحمل الـ1600.









ممكن تفكر في لانوس في نفس الحدود.