تركيب مثبت سرعه فوكاس ٢٠٠٦

[Maghraby1987]

سؤال فني لوحوش فورد
أنا معايا فوكاس ٢٠٠٦ زي ماهو واضح من العنوان و كنت عايز اركب كروز كونترول اصلي في التوكيل زي ما كل التوكيلات اللي في الدنيا بتعمل فكلمت فرع اكتوبر عشان اسأل علي الموضوع ده وكانت الاجابة الصادمة "مينفعش يركب لفورد يافندم" مع ان اوبل مثلا كان بيركبوه للاسترا عادي جدا
السؤال هل هو فعلا مينفعش يركب وللا التوكيل بيكبر دماغه؟
ولو الاصلي مينفعش هل في بديل؟
وشكراً

[ENG\AHMED]

بص هو التوكيل فى الطراوه شوية
ممكن تدور على النت بس خلى بالك انك هنا هتغير تارة الدريكسون لأن الكنترول فى التارة مش زى الاوبل

[Maghraby1987]

بص هو التوكيل فى الطراوه شوية
ممكن تدور على النت بس خلى بالك انك هنا هتغير تارة الدريكسون لأن الكنترول فى التارة مش زى الاوبل

الف شكر يا باشا علي سرعة الرد هو فعلا في ناس بتركبو بره مصر عادي و اصلا كان في من فتره مثبت كده شفت إعلانه علي النت يركب علي اي عربية فا أكيد الاصلي ممكن يركب ومنتظر رد باقي الفورداويه وحد يكون ركبه بالفعل و ياريت السعر و مكان الشراء و التركيب
بعيدا بقي عن موضوع المثبت ده و كان عندي سؤال لحضرتك بما انك راكب نفس العربيتين اللي عندنا، انهي عربيه احسن فيهم الفيكترا بي ٢٠٠٠ اوتوماتيك وللا الفوكاس؟ و ليه؟
وآسف علي الإطالة و الف شكر :)

[ENG\AHMED]

الف شكر يا باشا علي سرعة الرد هو فعلا في ناس بتركبو بره مصر عادي و اصلا كان في من فتره مثبت كده شفت إعلانه علي النت يركب علي اي عربية فا أكيد الاصلي ممكن يركب ومنتظر رد باقي الفورداويه وحد يكون ركبه بالفعل و ياريت السعر و مكان الشراء و التركيب
بعيدا بقي عن موضوع المثبت ده و كان عندي سؤال لحضرتك بما انك راكب نفس العربيتين اللي عندنا، انهي عربيه احسن فيهم الفيكترا بي ٢٠٠٠ اوتوماتيك وللا الفوكاس؟ و ليه؟
وآسف علي الإطالة و الف شكر :)

ميزة الفكترا عن الفوكاس صاجها اتقل , بالرغم من ان صاج الفوكاس مش خفيف سمكه تقريبا +0.95 ملم بس الفكترا اتقل تقريبا الصاج كان ببلاش على ايامها , تحسها جرار
وكصيانة الفكترا اسهل من الفوكاس , الفوكاس فى حاجات تحس ان اللى عامل الديزاين كان ضارب حاجة وان كان مشاكل الفوكاس اقل

شنطة الفكترا اوسع , درج التابلوة اوسع

تانى حاجة هتلاقى سحب الفكترا عندك احسن لأنك 2.0 عربيتى الفكترا 1.6

مميزات الفوكاس
- عزل احسن سواء صوت او حرارة
- ثبات اعلى
- handling احسن من الفكترا
- لو هنتكلم عن الفكترا 1.6 فاسحب الفوكاس احسن
- كماليات الفوكاس احسن
- العربية بوجه عام انعم من الفكترا
- العربية اريح من الفكترا
- تقفيل احسن , الفكترا تقفيل مصرى
- اماكن تخزين اكتر
- شكل احسن
- افخم
- الاضاءة بوجه عام احسن
- تكييفها احسن
- موضوع الكابوت بالمفتاح بالرغم من انه خنيق بس أءمن

سواء الفكترا او الفوكاس مش بتوع عك صنايعية وقطع غيار مضروبة

ده اللى فى دماغى دلوقتى لو افتكرت حاجة هقولهالك , ولو عايز ت
سأل على حاجة اتفضل
اخبار الاسعار ايه دلوقتى؟

[ENG\AHMED]

طالما انت 2006 تبقى خليجى
حاجة على جنب اتأكد عندك انذار ولا لأ

خلى بالك ان فى ناس معاهم العربية ومش عارفين الحوار ده

المفتاح ممكن تبرمجة بحيث تفتح باب السواق بس مع اول دوسة والتانية تفتح باقى العربية او انك تفتح العربية كلها بدوسة واحدة

[Maghraby1987]

طالما انت 2006 تبقى خليجى
حاجة على جنب اتأكد عندك انذار ولا لأ

خلى بالك ان فى ناس معاهم العربية ومش عارفين الحوار ده

المفتاح ممكن تبرمجة بحيث تفتح باب السواق بس مع اول دوسة والتانية تفتح باقى العربية او انك تفتح العربية كلها بدوسة واحدة

هي فعلا خليجي لقيت ستيكر مكتوب عليه مطابق للمواصفات الخليجية و السعودية علي القايم جنب بتاع ضغط العجل
هي خليجي دي حاجه حلوه ولا ... ؟
عندي مفتاح ريموت بس مفيش انذار و كله بيفتح مرة واحده

[Maghraby1987]

اخبار الاسعار ايه دلوقتى؟

حضرتك تقصد اسعار ايه بالضبط؟

[Maghraby1987]

هو قسم الفورد نايم كده ليه؟ 59 مشاهدة و محدش رد غير واحد بس؟
هو غريبه ان الواحد يركب كروز كنترول وللا ايه :)

[ENG\AHMED]

حضرتك تقصد اسعار ايه بالضبط؟

سعر العربية

[ENG\AHMED]

هو قسم الفورد نايم كده ليه؟ 59 مشاهدة و محدش رد غير واحد بس؟
هو غريبه ان الواحد يركب كروز كنترول وللا ايه :)

متقلقش انت كده فى قسم فورد

[ENG\AHMED]

هي فعلا خليجي لقيت ستيكر مكتوب عليه مطابق للمواصفات الخليجية و السعودية علي القايم جنب بتاع ضغط العجل
هي خليجي دي حاجه حلوه ولا ... ؟
عندي مفتاح ريموت بس مفيش انذار و كله بيفتح مرة واحده

مفيش مصرى 2006 , التوكيل بدأ من 2007

بالنسبة لجهاز الانذار غالبا هتلاقى فيها " ده مش موجود فى المصرى هو وال esp " وممكن يكون صاحبها الاول مش عارف
المهم علشان تتأكد افتح الكابوت بالمفتاح من غير ماتكون فاتح العربية (بس تكون قافل العربية بقالك شوية بالكتير دقيقة)

بالنسبة لفتح العربية مرحلتين او مرحلة
لو عايز تشغلها على مرحلتين دوس على زرار الفتح والقفل فى الريموت فى نفس الوقت وافضل دايس لحد لما تلاقى العربية قفلت وفتحت لوحدها ...... وبنفس الطريقة تخليها مرحلة واحدة تانى

[ENG\AHMED]

على فكرة جهاز الانذار لو فيها ليه كلاكس لوحدة غير كلاكس العربية وصوتة مختلف , علشان متستغربش بس
لأن انا لما اكتشفته بالصدفة وقفت حوالى 30 ثانية مش فاهم ايه بيحصل ومش مجمع ان الصوت من العربية وخصوصا انى سألت صاحب العربية وانا بشترى قالى لأ مفهاش انذار

[Maghraby1987]

العربيه جبتها ب ٨٠ أنا عارف ان السعر كتير شويه بس حالتها ما شاء الله هايله ٥٩٠٠٠ كم فبريكه و فتحة سقف
أنا مش قلقان بس عايز حد يرد عليا :)
علي كده بقي قسم اوبل يستحق لقب العصابة ؛)

[ENG\AHMED]

العربيه جبتها ب ٨٠ أنا عارف ان السعر كتير شويه بس حالتها ما شاء الله هايله ٥٩٠٠٠ كم فبريكه و فتحة سقف
أنا مش قلقان بس عايز حد يرد عليا :)
علي كده بقي قسم اوبل يستحق لقب العصابة ؛)

ماشاء الله ربنا يبارك لك فيها ويكفيك شرها , اوتو ولا مانيوال؟
اعتقد دى كده هاتشباك طالما فتحة سقف و 2006


متقارنش علشان متتعبش :)

[Maghraby1987]

اوتوماتيك هاتشباك فعلا