سؤال في فورد منديو أرجو المساعدة

[أشرف العدوي]

أريد شراء سيارة فورد منديو 1600 أوتوماتيك
ياريت لو حد يعرف عيوب السيارة يوضحها
و انا كنت بقارن بينها و بين الهوندا سيفك 94 أوتوماتيك ( si )
ياريت توضحولي انهي الاحسن
لو في اراء عن سيارة اوتوماتيك كويسة و تستحمل سفر و معدل استهلاك بنزين و قطعه غيار قليل يقولي
المبلغ المتاح ( 60000 )
و شكراً لتعاونكم

[أشرف العدوي]

شكلكم كدة محدش يعرف عنها حاجة

[ahmad--ezzat]

لا طبعا العربية دى بيتبقى من موديل 98 ل 2000 العربية جميلة جدا فى كل حاجة كثبات وسرعة وفخامة وعلى فكرة قطع غيارها مش صعبة للدرجة بس غالية حبتين العربية كانت مع عمى بس الله ما شاء الله مش بتبوظ منو ابدا بس اكيد لو هتقارنها بالسيفيك يبقى السيفيك 94 افضل كتجميع وشبابية اكثر بالاضافى الى انك صعب تلاقى 1600 اتزماتيك هتلاقى 2000 الاكتر وكمان تقيلة فبيعها عن السيفيك

[feec]

طبعا أنا معايا عربية فورد مونديو موديل 97 مانيوال و بصراحة العربية أبهة أقوى و أشيك من السيفيك بكتييييييييييييييير و قطع غيارها موجودة و متوفرة جديد أو استيراد و لو ناوى تشترى أنا مستعد و لمزيد من التفصيل كلمنى 0115208403 و هنتفق ان شاء الله و ما تقلقش من أى حاجة يا سيدى-

[gklhso]

mafeesh 1600 automatic ya gama3aaaaaaaaaaa

[esloob]

كلام صح

1600 اتوماتك؟؟ ( أنت متأكد؟)

المهم لو انت شاب يبقى الهوندا

لو أسرة يبقى الفورد

المهم الحالة العامة للسيارة ؟

[memobeeh]

الفورد المونديو يصعب أو بالأحرى يستحيل مقارنتها بسيارة أخرى لا هوندا ولا غيرها...لكن المهم تكون سيارة سليمة بمعنى لم تهن أو تتعرض -لاقدر الله- لحادثة أو ما الى ذلك. وهي مظلومة في مصر بسبب سمعة وكيلها الأول..وأنا معي واحدة مونديو 1600 موديل 1998 منذ ثلاث سنوات ويسم الله ما شاء الله ولا أفكر مطلقا في بيعها لأني سأقع عندها في حيص ليص بشأن السيارة التي سأركبها بعدها حين أقارنها بها اللهم الا المونديو الجديدة وثمنها طبعا 200 ألف جنيه. وهذه شهادة لوجه الله سأسأل عنها يوم الدين.

[aYaBooY]

سيدي الفاضل صاحب السؤال طبعا جالك اجابات انا شايف انها وافية
بس احب اوكد على نقطة لو في نيتك المكسب او التجارة الفورد لا
المنديو الاتوماتيك مفيش غير الـ 2000 سي سي و ده حسب معلوماتي
و بما انك بتقول انها 1600 اوتوماتيك ديه يا اما مواصفات غير مصرية او متغيرلها موتور من 2000 لـ 1600
و ده موضوع شائع في سيارات كتير انك بدل ما تعمر تغير موتور بواحد استيراد
تقدر بسهولة تعرف الموضوع ده من الرخصة الفورد رقم الشاسيه و الموتور واحد و لما بيكون فيه رقمين يبقي مغير
بس طبعا لازم حضرتك تكشف على العربية في التوكيل مش اى بنزينة علشان من التوكيل تقدر تعرف حالة الفتيس ايه علشان لو فيه مشكلة في حساس الاتوماتيك هاتكلفك كتير
و ربنا يوفقك