برجاء الأفادة عن أيرباج الفوكاس

[helfoll]

أنا ناوى أشترى فورد فوكاس وبدور على كونتكات لاحظت حاجة فى المعروض أن السيارة فاتحة ايرباج بدون خبطة أو فاتحة اليرباج معلق او بخبطة بسيطة وغيرها ,,,,,
هل دى مشكلة فى الفوكاس عامة طيب وماهى الموديلات والسنوات اللى فيها ايرباج بيعلق ؟
مع الشكر ,,,

[egytamer]

اول مرة اسمع الموضوع دا وعمري مسمعت ان الفوكاس فيها مشكلة ايرباج خالص ممكن تكون العربيات دي خدت خبطة والموضوع اتصلح وصاحب العربية بيحاول يعمل ناصح ويكتب الكلام دا اعتقد كدا وان بعض الظن اثم علشان مظلموش

[olver]

بص يا ريس انا كنت شغال فى شركة و كان معظم عربيات الشركة فورد فوكاس كان فيه حوالى 13 واحده مكنش فيه اى مشكلة من الى حضرتك بتقولها ده وكل العربيات عادى مكنش فيها مشكلة ايرباج زى الى حضرتك بتقولها ده

[dr.hazem]

وانا برضو معمريش سمعت عن مشكلة فيها....
تحياتي

Sent from my Xperia Arc S using Forum Runner

[AmericanMuscle]

أنا معايا فوكس سيدان 2012 الفئة التانية و مفيش اللي حضرتك بتقول عليه ده. العربية جميلة جدا و ثابتة على الأرض, مشكلتها فقط في الجير الجديد اللي طورته فورد "Dual Clutch" بيبقى في تردد كده لمدة ثانية أو ثانيتين في العربية لما تيجي تطلع من الجير الأول للتاني أو التالت لكن على الطرق السريعة العربية مفيهاش مشكلة خالص.

[helfoll]

أشكركم شكرا جزيلا لسرعة الرد والأفادة وتحياتى لقسم فورد وكل عام وأنتم بخير

[MohamedSotohy]

بص فعلا ده حقيقي العربيات دي مفيهاش مشكله ف الاير باجات
انا فاكر وانا بادور علي عربيه لاقيت الحكايه دي ( يقولك اصلها فتحت في بلاعه او في مطب ) وده موش حقيقي
ده عاوز يبيع العربيه بعد ما عمل بيهل حادثه وموش قادر يغير القشره اللي فيها الاير باجات لان تمنها غالي ( حوالي 16000جنيه)