عودة فورد مصر مع اوتو جميل ... فعلا بداية جديدة لفورد في مصر (مالك فوكس 2013)

[Mido_falconxv2]

.................................................. .................................................. ................*
اول حاجة احب اقول حمد الله على السلامة يا فورد مصر و طالت الغيبة .. :)
.................................................. .................................................. ................*
احب اقول اني اقول كلمة حق عن أوتو جميل.. الوكيل الجديد لفورد مصر بعد عمل صيانة 10,000 كم امس 30-11-2013 في ابورواش
------------------------------------------------------------------------------------------------------------------------
الوكيل ممتاز من حيث الاستقبال .. السرعة .. النصائح بعد الصيانة .. حتى اشتريت قطع غيار لعربيتي زي لمبات اشارة و غيرها بخليها معايا احتياطي .. وكانت موجودة كلها

مدير الصيانة و مهندسي الصيانة ممتازين و انا فعلا اتمنى يفضلوا كده و نشوف تحسن في الخدمة المقدمة و كمان الرعاية بالملاك القدامى و الجدد

ونشوف فورد زي ما هي علامة رقم واحد او اتنين في العالم .. مش زي قبل كده تيجي بعد كل الياباني و الكوري ...

أحمد هجرس . فوكس 2013

[saddam]

صديقي المواطن
حلم حياتي أشوف مصر تركب عربيات نظيفة أمربكاني مش أشباه ولا كسر العربيات بدل منشوف كام رام في مصر عايزين نشوف ألافات الرام والدينالي واﻹسكاليد والكاديلاك والكابريس واﻹمبالا
ونسأل الله الثبات
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[olver]

طيب الحمدلله ان التوكيل الجديد كويس زى ما حضرتك شوفت وربنا يكرم وتفضل الدنيا كده
معلش سوال بسيط مخدتش بالك بيغيرو زيت ايه ؟

[Mido_falconxv2]

بيغيروا موبيل 1 5w-30
وؤاي المتواضع و اللي شفته من المراجعات انه ممتاز ومش لازم موتور كرافت وهتلاحظ ان الموتور صوته هادي ومش بيعلى زي ما ناس بتقول. اهم حاجة حافظ على عربيتك ومتحطتش اقب من موبيل 1 لو شل هيليكس او موتور كرافت

[Maghraby1987]

الف مبروك يا باشا
هو مركز ابو رواش مكانه فين بالضبط؟
وهل مركز اكتوبر اللي كان عند المصانع لسه موجود وللا قفلوه؟

[olver]

انا سالتك على نوع الزيت عشان اقول على حاجه ريبة طول الوقت بعمل صيانة فى التتوكيل و العربية عاملة 30,000 و لما التوكيل قفل يرت زيت شل الترا هيلكس و الله العربية بقت احسن كتير وانعم و صوت الموتور وطى فده حصل معايا و انا مش ناوى اير بعد كده غير شل

[egytamer]

الف مبروك يارب تكون بداية جديدة لتوكيل كويس يرفع ويحسن من اسم فورد في مصر
وشكرا لصاحب الموضوع

[K.Ossama]

ألف مبروك التوكيل الجديد
و يا رب يبقى أحسن من فكرى جروب

[emam abdallah]

ألف مبروك
ويا ترى ممكن نلاقى عند الوكيل قطع غيار للموديلات القديمة زى المونديو 98

[Mido_falconxv2]

الف مبروك يا باشا
هو مركز ابو رواش مكانه فين بالضبط؟
وهل مركز اكتوبر اللي كان عند المصانع لسه موجود وللا قفلوه؟

مركز ابورواش : بعد ما تدخل طريق ابورواش ... لما تول بنزينة التعاون تدخل شمال من ناصيتها و تالت فتحة شمال هتلاقي دايهاتسو جميل اوتو... هتلاقي اغلب العربيات هناك فورد :) تحويشة كام شهر بقى ..

مركز اكتوبر مش هياخده الوكيل الجديد .. مراكز الخدمة بتاعته هي في ابورواش و العبور فقط

بالتوفيق

[youssef1967]

مركز ابورواش : بعد ما تدخل طريق ابورواش ... لما تول بنزينة التعاون تدخل شمال من ناصيتها و تالت فتحة شمال هتلاقي دايهاتسو جميل اوتو... هتلاقي اغلب العربيات هناك فورد :) تحويشة كام شهر بقى ..

مركز اكتوبر مش هياخده الوكيل الجديد .. مراكز الخدمة بتاعته هي في ابورواش و العبور فقط

بالتوفيق

السلام عليكم ممكن اعرف مركز صيانة فورد فى العبور فين بالظبط