Tweet
انا مقيم فى الامارات وشوفت عند وكيل الفورد هنا عربية جديدة لسه نازلة من اسبوع بس اسمها فورد ايكو سبورت العربية دى من فئة الكروس اوفر هى شبييها بالديهاتسو تيروس بس افخم منها وسعرها ممتاز بتبتدى من 53 الف درهم يعنى حوالى 90 الف جنيه العربية عملية جدا لمصر لانها عالية عن الارض بس سؤالى حد عنده فكرة عن العربية دى نزلت مصر ولا لسه وايه ظروف خدمة الوكيل فى مصر واسعار قطع الغيار معقولة ولا مرتفعه لانى ناوى اجيبها وانزلها مصر
-
-
صديقي المواطن
اللي أنا أعرفه عن العربية دي عندك إنها 2000 سي سي وبما إنها كده فممكن رجال الجمارك اﻷشاوس يدفعوك ما لا يقل عن 190 ألف جنيه جمارك قولا واحدا
والشعب المصري مش مغفل لو هو عارف إن عربية بالمستوى ده ممكن تنزل مصر وتكون أرخص من تيريوس كان إننشرت زي الرز وبتتباع مع كل كيلو طماطم تاخد وحده ولكن أكيد عشان 2000 سي سي حتتحط جمارك 260 % ولو حضرتك نزل منها 1800 فالموضوع بسيط يعني ممكن يدفعوك بتاع 80 ألف جنيه وتدخلها وتستمتع بيها
ولكن مش حابب أحبطك لا الوكيل ولا قطع الغيار حيسعفك ببساطة ﻷنك حتكون الوحيد في مصر راكبها وجايز معاك نفر أو نفرين جابوها معاهم من بره زي حضرتك وكمان لو رحت لبأع مبيعات فورد في مصر حيطلع حتى مش عارف العربية وحيقللك بعد إذنك يت أفندم ال إيكو دي عربية صغيرة من إنتاج شركة تويوتا
والنصيحة تركب العربية في اﻹمارات وتستمتع بيها سنتين أو ثلاث ثم تبيعها وطبعا بريع ثمنها وتنزل مصر وتشتري عربية أي كلام من اللي محسوبة علينا عربيات ﻷن أي عربية موجودة في مصر لو جبتها من بره حتوقف عليك بمبلغ أعلى بسبب قوانين الجمارك الكرتونية بتاعتنا
وهذا ما لزم بيانه ودمتم
وبالتوفيق وإلى اﻷمام
ومن نصر إلى نصر
ودمتم للنضال -
شكرا على ردك لكن العربية اللى باتكلم عنها 1500 سى سى اللى انت بتتكلم عنها اسمها escape هى نفس الشكل تقريبا بس اكبر منها شوية وهى فعلا بتنزل 2000 و 2500 سى سى ومن الواضح ان العربية دى ما نزلتش مصر لسه لان مفيش حد رد بس انا سؤالى هل توكيل الفورد فى مصر عموما توكيل محترم وقطع الغيار سعرها معقول ولا لأالمشاركة الأصلية كتبت بواسطة saddam مشاهدة المشاركةComment
-
باشا المتور ال1500 اعتقد دا من المواتير الايكوبوست الجديدة الموفرة الي فورد عملتها جديد وبيبتدي من 1000 سي سي وواخدا جوايز كتير اوي منها متور العام في اكتر من بلد .
العربية الي انتا بتقول عليها لسة مش معروف التوكيل الجديد جميل اتو هينزلها مصر ولا لا بس اعتقد غالبا ممكن تنزل مصر لان سعرها منافس جدا ممكن بالجمارك والسرقة والطمع تعمل في حدود 150 الف وتغطي علي عربيات كتير جدا فلو انتا لسة قدامك 3 او 4 سنين علي ماتنزل مصر توكل علي الله واشتريها واتمتع بيها لو التوكيل نزلها مصر ادفع جماركها وانزل بيها مصر وانتا مطمئن لو منزلتشي مصر بيعها في الامارات وريح دماغك.[FONT=Tahoma][SIZE=6][COLOR=purple][COLOR=purple][FONT=Tahoma]'[/FONT][/COLOR][COLOR=purple][FONT=Tahoma]المرأة لم تخلق لتكون محط إعجاب [COLOR=#FF7F00] الرجال[/COLOR][/FONT][/COLOR][/COLOR][/SIZE][/FONT][FONT=Tahoma][SIZE=6][COLOR=purple][COLOR=#FF7F00][FONT=Tahoma] [/FONT] [FONT=Tahoma] جميعاً[/FONT][FONT=Tahoma]
[/FONT] [FONT=Tahoma] بل لتكون مصدراً لسعادة رجل واحد[/FONT][/COLOR][/COLOR][/SIZE][/FONT][FONT=Tahoma][SIZE=6][COLOR=purple][COLOR=purple][FONT=Tahoma]
[/FONT][/COLOR][/COLOR][/SIZE][/FONT]Comment
-
أنا في قطر ...Ecosport 2016
سعرها عامل 75000ريال قطرى full option يعنى تقريبا بالمصرى بدون الجمارك جنيه 120,000
نفس سعر الكيا كارينز2016 والهايونداى كريتا 2016......محتاره أجيب إيه ؟Comment
-
وعلى فكره في السعوديه عامله 50000ريال سعودىComment
-
لو عاوز سيارة تستخدمها فى قطر وتنزلها مصر بعدين يبقى هات الكريتا افضل فورد ايكو سبورت عن تجربة سحبها ضعيف وسيارة تقفيل هندى وخاماتها مش قد كده غير كده انها لحد الوقتى ما نزلتش مصر ويعالم تنزل ولا ما تنزلش ولو نزلت هيبقى ليها انتشار ولا لا انا بعد ما اشتريتها ندمت انى اشتريتها وبعتهاالمشاركة الأصلية كتبت بواسطة hanan majic مشاهدة المشاركة
وعاوز نصيحتى ما تفكرش فى سيارة وحاطط فى بالك تنزلها مصر الواحد يتمتع بسيارة كويسة فى البلد اللى هو فيها ويعيش حياته ولما ييجى ينزل مصر يبقى ساعتها ربنا يفرجهاComment
Comment