لمبة الزيت في الفورد اسكورت

[pepo1]

بعد التحية ..............
انا معايا فورد اسكورت 1600 كربراتير وعندي مشكلة في لمبة الزيت انها بتنور في السلانسية وعند الدوس علي الفرامل مهما كانت سرعتها سواء كانت العربية سخنة او باردة وللصراحة وهي سخنة اكتر مع العلم اني عملت عمرة للماتور كاملة و مغير طرمبة الزيت و ساعة الزيت و فلتر الزيت و الزيت و لسه اللمبة بتنور ارجو الافادة


ارجو معرفة رقم وحجم فلتر الزيت الاصلي لها لان عندما ذهبت لشراء الفلتر سالني الكبير ولا الصغير.

ولكم جزيل الشكر

[mido51eg]

ضغط الزيت ضعيف ... برجاء التأكد من مدى كفاءة طرمبة الزيت

[pepo1]

لا يا عزيزي طرمبة الزيت سليمة وتم تحضيرها قبل التركيب للتاكد من سلامتها ومدي قوتها

[gomri]

ممكن لديك التماس اسلاك الكهرباء
افحص الفيزيبل ...الكتوات

[pepo1]

ممكن توضحلي افحص اي الفيزيبل ...الكتوات واي اسلاك هي اللي ممكن تكون عامله ماس

[jit_service]

متشغلش بالك كتير بفلتر الزيت
انا عن نفسي بغيره بفلتر الشاهين وشغال زي الفل ونفس السن وكله تمام التمام ولضمان خلو الزيت من الشوائب بغيره مع كل تغيرة زيت كل 5000كيلو وتمنه 20جنيه وولا تشغل بالك بموضوع الكبير ولا الصغير طالما بتغيره مع كل غيار زيت

ثانيا موضوع لمبة الزيت إنت محتاج كهربائي يمشيلك على الأسلاك وخصوصا ضهر علبة الفيوزات
انا واجهتني مشاكل مختلفه لحد ما إكتشفت إن في أسلاك بتكون مقشره (غالبا عمرها الإفتراضي) خصوصا إن السلك كان بيبقى سليم بس العازل اللي عليه نشف وبدأيتكسر وبقيت مع الكهربائي نمشي عليهم واحد واحد ونعزله

غالبا هوا دا العيب
إنت محتاج كهربائي فورد يعد عليها ساعتين كده يراجع على الأسلاك وإن شاء الله يكون عيب بسيط
تحياتي