مشكلة في دبرياش الاسكورت حدوعنده فكرة؟

[mohamede002e]

السلام عليكم
انا معايا اسكورت 1600 زيتك شاريها قريب الصبح وانا بطلع بالعربية بدوس دبرياش لقيت الدواسة طلعت في رجلي المهم قلت ممكن مسمار فلت لقيت في ترس بلاستك كدا ماسك سلك الدبياش بالدواسة لقيته اتكسر خليت الميكانيكي وصله اي حاجة علي مانزل القاهرة اشتريها ببص في دفتر الصيانة بتاع العربية لقيت صاحبها لسة مغير الفبرة دي قريب وبصراحة اتفاجات ازاي قطعة عليها حمل زي دا تبقي بلاستك اتصلت بسامي فخري قالي عندي وهي فعلا بلاستك الاصلية وب 120 وقالي لو وصل انها تتكسر يعني محتاج تغير دسك واسطوانة وش ولقيت العملية هتوسع ........... فانا مش عارف بقي اجيبها واركبها وخلاص ولا اصب وحدة المونيوم عند خراط ولا ممكن الدبرياش يتعدل يبقي دايركت علي سلك من غير الفبرة دي ولا فعلا لازم اغير دسك واسطوانة انا لقيت ان صاحبها مغيرهم من سنتين ومغير سلك دبرياش من سنة ؟؟؟؟؟؟؟؟؟ وهل ينفع اعدل دبرياش لاي حاجة تاني أو اخليه دبرياش علي ماستر زي اللانسر كدا؟؟؟؟؟؟ لو حد قابلته المشكلة يارب يفيدني وشكرااااااااا

[mido51eg]

المشكلة دي شائعة جدا في الفورد بسبب الفبرة ، الحل انك تعمل واحدة عند خراط وتنساها للأبد

[mohamede002e]

يعني فعلا الفبرة هي الي ضعيفة ومش قصة ديسك ولا اسطوانة؟ طب معلش اعملها حديد ولا المونيوم وتتكلف كام؟؟؟؟؟

[mido51eg]

روح عند ميكانيكي فورد يديلك واحدة قديمة تعمل زيها عند الخراط ، غالبا هتبقى المونيوم

[mohamede002e]

الف ششكر ياباشا هشوف كدا ولو وصلت لحاجة هكتبها لو سمحت عندي استفسار هو زيت الفتيس بتاع الاسكورت بيتغير او بيتزود ؟؟؟ وامتي اغيره وبالنسبة لزيت الموتور اي الزيت المناسب ليها العربية زيتك انجكشن وشكراااااااااااااااا

[mido51eg]

الف ششكر ياباشا هشوف كدا ولو وصلت لحاجة هكتبها لو سمحت عندي استفسار هو زيت الفتيس بتاع الاسكورت بيتغير او بيتزود ؟؟؟ وامتي اغيره وبالنسبة لزيت الموتور اي الزيت المناسب ليها العربية زيتك انجكشن وشكراااااااااااااااا

المفروض زيت الفتيس يتم الكشف عليه دوريا كل فترة وتزويد الكمية الناقصة ، لكن بعد عدد معين من الكيلومترات لازم تنزل الزيت كله وتغيره ، امتى بأه دي هتلاقيها في كتالوج العربيه ، ممكن تقولي عربيتك عاملة كام الف كيلو وانا هشوف الكتالوج واقولك لو معندكش الكتالوج.
زيت الموتور ثبت بالتجربة في عربيتي وعند اعضاء قسم الفورد ان زيت شل هيلكس الأصفر هو افضل زيت بالنسبة للفورد الأسكورت

نصيحة :
اياك ثم اياك ثم اياك تغير زيت الموتور او تزود زيت الفتيس من محلات تغيير الزيوت المنتشرة في كل مكان دي. دول بيجمعوا الزيوت المتسقطة من العربيات وبيتم تصفيتها واضافة مواد تفتح لونها ويعاد تعبئتها مرة تانية وتتباع ، الزيوت دي ممكن تتسبب ان الموتور او الفتيس يروحوا في داهية.

[mohamede002e]

[QUOTE=mido51eg;3875421595]
المفروض زيت الفتيس يتم الكشف عليه دوريا كل فترة وتزويد الكمية الناقصة ، لكن بعد عدد معين من الكيلومترات لازم تنزل الزيت كله وتغيره ، امتى بأه دي هتلاقيها في كتالوج العربيه ، ممكن تقولي عربيتك عاملة كام الف كيلو وانا هشوف الكتالوج واقولك لو معندكش الكتالوج.
زيت الموتور ثبت بالتجربة في عربيتي وعند اعضاء قسم الفورد ان زيت شل هيلكس الأصفر هو افضل زيت بالنسبة للفورد الأسكورت

نصيحة :
اياك ثم اياك ثم اياك تغير زيت الموتور او تزود زيت الفتيس من محلات تغيير الزيوت المنتشرة في كل مكان دي. دول بيجمعوا الزيوت المتسقطة من العربيات وبيتم تصفيتها واضافة مواد تفتح لونها ويعاد تعبئتها مرة تانية وتتباع ، الزيوت دي ممكن تتسبب ان الموتور او الفتيس يروحوا في داهية.[/Q
والله انا مش عارف اشكرك ازاي عالاهتمام دا متشكر جدا بالنسبة للعربية هي عاملة 84000 بس اكيد قالبة عداد لان العداد عندي 6خانات بس ياريت لو عندك الكاتالوج سوفت تبعتهولي وبالنسبة للزيت الشيل دا اجيبه منين وعامل كام وبالنسبة لزيت الفتيس اي زيت ولال ايه

[mido51eg]

[QUOTE=mohamede002e;3875422937]

[size="4"][color="darkgreen"]
والله انا مش عارف اشكرك ازاي عالاهتمام دا متشكر جدا بالنسبة للعربية هي عاملة 84000 بس اكيد قالبة عداد لان العداد عندي 6خانات بس ياريت لو عندك الكاتالوج سوفت تبعتهولي وبالنسبة للزيت الشيل دا اجيبه منين وعامل كام وبالنسبة لزيت الفتيس اي زيت ولال ايه

الزيت ده تجيبه من اي بنزينة شل ، لو انت قريب من مصر الجديدة فيه عندك بنزينة شل اللي في شارع دمشق ، وعندهم برضه خدمة تزويد وتغيير زيت الفتيس .... غير الزيت عندهم ماتاخدش الجركن وتخلي الميكانيكي يغيره ، لأنهم بيرفعوا العربية وهتبقى فرصة تشوف عربيتك من تحت
خد بالك ان مواتير الأسكورت بتاخد 3.25 لتر زيت لو مش هتغير فلتر
وتاخد 3.5 كيلو زيت لو هتغير الفلتر علشان عامل البنزينة مايفتيش

[waley]

ياجماعة حل مشكلة الترس فى حاجتين الاولى تشترى الترس الاصلى الاسود الى بيتباع فى كيس مغلق مش التركى ثانى حاجة تغيير فبرتيين الداير بتوع البدال نفسة

[jit_service]

بالنسبه للفبره بتاعة الدبرياج
أنا معايا فورد إسكورت وكانت الفبره إتكسرت وغيرتها بفبره تانيه لونها كان أبيض وكانت تقريبا ب100جنيه من عند عبده فورد في صلاح الدين في إسكندريه وشغاله زي الفل من ساعتها
بس لاحظ حاجه تقل الدبرياج غالبا هيكون من الواير حاول تبص عليه بنفسك ممكن يكون في عصره في مكان لان الواير دا متلبس عليه خطا بلاستك غير الجراب الإسود اللي بيمشي فيه الواير ويفضل إنك تطلع الواير ده بره وتمسكه بإيدك وتحاول تحركه في الجراب لو لقيته تقيل يبقى الغطا البلستك إتاكل من جوه وبيحك الواير الصلب في الجراب الخارجي مباشرة ودا طبعا لازم هيتقله
هوا مش غالي عموما تقريبا بردو بيعمل 100 جنيه
بس موضوع تعديل الدبرياج إنه يبقى على ماستر صعب بيتهيقلي لأن الدواسه والوصلات كلها مش متهيأه لكده

اما موضوع الديسك والإسطوانه فإنت الوحيد اللي تقدر تحكم عليهم هل العربيه ما بتسحبش او لما بتيجي تفرك بيها على الأولاني بتحس ان قوة الموتور كلها ضايعه والعربيه مبتطلعش الطلعه اللي إنت عايزها كده ممكن يكون يا دسك يا إسطوانه او الإتنين
أما لو بتحس بضرضره في الطلعه بس السحب كويس يبقى إنت على وشك إنك تحتاج تغيرهم بس ممكن إنت تظبط رجلك وساعتها ممكن تتعامل مع الضرضره لمدة سنه كمان ولا حاجه
انا عربيتي في ضرضره كده بسيطه في اول توصيل الدبرياج داخله في 6شهور بس بقيت بعرف اتفاداها وبتابع السحب بتاعها لو قل ساعتها هروح اغير الدسك وشيك على الإسطوانه

خد بالك إن حاجات الفورد بتعمر شويه حلوين خصوصا لو إختارت الأصلي فمتسمعش كلام اللي يقولك غير الطقم كله مره واحده حاجه حاجه شيك عليها واللي محتاج يتغير هوا دا اللي يتغير بس
مش كتر فلوس هيا مهو الصنايعي مش خاسس عليه حاجه
تحياتي ولو إحتجت اي حاجه كلمني

[mohamede002e]

العربية عايزة نزولة للقاهرة فعلا في شوية حاجات عاوزة تتظبط هفضي نفسي يوم واوديها انت بتتعامل مع صنايعي مين ياباشا انا لسة مش عارف حد

[mohamede002e]

انا صبيت وحدة المونيوم ربنا يستر وتسد بقا دوخت علي ماحد عرف يعملها بس عالاقل احسن من البلاستك الي بتيجي تتكسر في حتت بايخة

[waley]

انا صبيت وحدة المونيوم ربنا يستر وتسد بقا دوخت علي ماحد عرف يعملها بس عالاقل احسن من البلاستك الي بتيجي تتكسر في حتت بايخة

عند مين وكلفتك كام؟

[mohamede002e]

عندنا في المنصورة واحد بتاع مسبك صبها وخد ٣٠ جنيه والخراط خد ٨٠

[aYaBooY]

قرار الصب و الخرط قرار ممتاز
علشان موضوع الثقل بتاع الدبرياج هو انت محتاج تتاكد من حاجة اولا هيا عربية خشنة و دواستها تقيلة
و ده طبيعي فاعتقد تشوف حد معاه اختها من فترة يجربهالك
ثانيا تغير الفبرتين البلاستيك و تشيك على جودة السلك بس
موضوع انها مرتبطة بالديسك مش دايما بيكون صح و نقطة السحب هيا الحكم الفعلي