مشكلتين مع فورد اسكورت 99 لسه شاريها

[دكتور عمرو]

السلام عليكم جميعا
انا اشتريت فورد اسكورت موديل 99
الموتور 1600cc كربراتير
مشكلتى مع العربية دي حاجتين
اولها انها بتسخن بدرجة مش معقولة .... برغم اننا يعتبر فى الشتا لكن لو وقفت فى زحمة شوية ولا مشيت بيها على الاول والتانى ( على الكورنيش او زحمة الطريق بين قليوب والدائري مثلا ) الاقيها تسخن ومؤشر الحرارة يوصل لحرف الـ a ويمكن الـ l على كلمة normal
لما اشتريت العربية لاحظت انها بتنزل ميا من عند طلمبة الميا وغيرتها واشتريت واحدة جديدة ايطالى وركبتها والحمد لله العربية معادتش بتجيب اى ميا من تحت لكن برضوا بتسخن .. الميا مش بتقل والمروحة بتشتغل قبل حرف الـ o والرادياتير نضيف
افيدوني يا خبراء الاسكورت

المشكلة التانية
جهاز الـ ideal spead اللى المفروض انه بيخلى العربية تفضل واطية ومش تعلى وهي واقفة ... مشكلتى ان الجهاز ده لما بيشتغل بيخلى العربية تبطل فى السلانسيه او لما ادوس دبرياج ... وساعات بيخلى العربية عالية اوى فى السلانسيه ... ومش عارف اعمل فيه ايه برغم انى مغيره من اسبوعين والميكانيكي قالى اصبر عليه شوية

معلش طولت عليكما بس العربية عاجباني اوى خصوصا انها فبريكة جوة وحاسس فيها برفاهية عالية ومش عايز اضطر ابيعها عشان مشاكل فوردية

[waley]

طبيعة العربية دى انها بتكون اسخن من باقى العربيات عشان الترموستات بتاعتها الاصليه بتشتغل بعد درجة حرارة عالية شوية طلما انها مش بتعدى حرف ال l مافيش مشكلة ولو مش عاجبك القصة دى فى ناس بتعدل وتركب ترموستات فيات ولا احبذ هذا

[jit_service]

مظبوط موضوع الحراره بس خد بالك من توقيتات دوران المروحه ممكن تكون المشكله مش في دورة التبريد وبعدين إتأكد إن المروحه راكبه صح
يعني ببساطه القميص بتاع المروحه ميكونش بعيد عن الريداتير
وفي حاجه مهمه جدا ممكن تكون هيا اللي بتسخنلك العربيه وهيا إنك ممكن تكون ما بتاخدش هوا من دائرة التبريد بعد ما بتزود الميه والطريقه هقولهالك ببساطه
بعد ما تملا القربه لحد علامة الماكس إقفل الغطا وسيب العربيه دايره لحد المروحه ما تشتغل وتفصل
وواحده واحده هوي الغطا بتاع القربه هتلاقيه يطلع هوا سخن(إحترس وإوعى تفتحه على اخره ليحرقك)
بعد ما الهوا المضغوط كله يطلع هتقدر تهوي الغطا واحده واحده بردو لحد ما يتفتح بص على مستوى الميه غالبا هتلاقيه قل عن الماكس زود الميه وإقفل الغطا وسيبها دايره لحد ما تشتغل المروحه وتفصل وكرر الموضوع دا كذا مره لحد ما تهوي الغطا في مره هتلاقيه ما بيطلعش هوا وبكدا دورة التبريد مش هيكون فيها اي هوا وهتظبط معاك الحراره

بالنسبه لموضوع الأيدل مطلوب منك حاجه مهمه
بلاش تخلي الصنايعي ينضفه خده معاك البيت وفي صينيه حلوه كده كبيره وحبة بنزين والإسبراي بتاع تنضيف الكربراتير وبص يعني خليه بيبرق وبقطنة تنضيف الودان وإفضل طلع البلوي السوده اللي هتلاقيها جواه
وإن شاء الله هتركبه هيظبطلك العربيه
جرب وأي إستفسار انا تحت أمرك

[دكتور عمرو]

شكرا يا فندم انا متشكر جدا جدا على النصايح الغالية دي
انا بس كان عندي استفسار بخصوص الحرارة برضوا
قريت موضوع هنا على المنتدى عن ترموستات الكوعة فهل العربية الفورد اسكورت فيها ترموستات كوعة برضوا ؟
وهل ممكن يكون احد اسباب السخونية لو كان بايظ خصوصا ان العربية كانت مركونة 5 شهور بدون اى تشغيل لدرجة ان مياه الرادياتير لما اشتريتها كان لونها نحاسي جدا من كتر الصدا فيها
وعموما انا هجرب كل اللى حضرتك قلت عليه ومتشكر جدا جدا مرة تانية

[aYaBooY]

موضوع الحرارة هيا الطبيعي بتاع العربية ديه انها توصل لاخر العداد و بعد كدة المروحة تشتغل و برده هاتفضل الحرارة عالية المشكلة لو دخلت في الاحمر
موضوع الهواء هو غطاء القربة بيطلع الهواء لوحدة مش محتاج تفتح و تنفس
و بخصوص الادلر نظفة جيدا الاول و اتاكد من خراطيم البي سي في و البلف بتعاهم كويس و لو مظبتطش بعد
كدة يبقي تغير خرطوم و بلف ولو العيب فضل يبقي تغير ادلر كمان و يفضل تجيب جديد بلاش استيراد

[mohamede002e]

الف مبروك يادكتوروربنا يباركلك فيها انا برضو لسة جايب اسكورت 98 بس انجكشن انا عندي العكس بقا المية بتنقص بمعدل كوباية كل يوم بس الحرارة مش بترفع ههههههه حد عنده تفسير لكدا وبالنسبة لاستهلاك البنزين انت اي الاخبار عندك انا هندي حاسو عالي

[دكتور عمرو]

والله يا فندم انا عربيتي عشان كربراتير فانا بحطلها بنزين 80 وبرغم كدا اقتصادية معايا جدا فى البنزين
كان معايا فيات 132 قبلها وكنت بروح من طنطا لاسماعيلية بـ 15 جنيه بنزين فوجئت ان الاسكورت بتاخد اقل من كدا بكتير ... ولسه مجربتش احط 92 واشوف هيبقى ايه النظام
كمان بالنسبة للحرارة الحمد لله روحت لبتاع رادياتيرات ونظفت دورة التبريد بمية نار وسلكت كل الحاجات اللى كانت مسدودة والحمد لله من ساعتها العربية تمام ومش بتسخن زي الاول خالص
وبالنسبة للادلر فانا مازلت صابر على اللى موجود فى العربية وحاسس انه مع الوقت بيتحسن والعربية بتتظبط اكتر واكتر والمشكلة بتقل بالتدريج والحمد لله
وبكدا العربية الحمد لله معايا بقيت كأنها لسه جديدة من الصالة وربنا يبارك فيها وتفضل كدا على طول

[fawzy ford]

الحمد لله ان العطل راح
لكن ده ميمنعش انك تتابع الحراره والميه خصوصا لاننا داخلين على الصيف والعربيات بتسخن طبيعى
وبالتوفيق

[maheralsisi]

الغطا الأصلى بتاع القربة بيخرج الهواء لوحده لكن من سنة كان عامل 100 جنيه
جبت بتاع لانوس و ركبته ب 20 جنيه و بصراحة مالقيتش فرق
(الكلام ده قبل الحادثة ) عشان انا بعتها بحادثتها ادعولى بقى ارجع فورداوى او اوبلاوى تانى لأن بصراحة العربيات دى حقها مهضوم و لة ظبطها صح تضرب اى عربية زيرو بالجزمة
و يا سلام لو مونديو بقى بس غالية عليا حبتين

[mr smart]

ايه يا شباب ايه هو اللى عادى حرارة العربيه تيجى لحد ال l ازاى يعنى فيها مشكله وياريت تراجع مختص مش عادى ابدا

[HADEDA]

السلام عليكم جميعا
انا اشتريت فورد اسكورت موديل 99
الموتور 1600cc كربراتير
مشكلتى مع العربية دي حاجتين
اولها انها بتسخن بدرجة مش معقولة .... برغم اننا يعتبر فى الشتا لكن لو وقفت فى زحمة شوية ولا مشيت بيها على الاول والتانى ( على الكورنيش او زحمة الطريق بين قليوب والدائري مثلا ) الاقيها تسخن ومؤشر الحرارة يوصل لحرف الـ a ويمكن الـ l على كلمة normal
لما اشتريت العربية لاحظت انها بتنزل ميا من عند طلمبة الميا وغيرتها واشتريت واحدة جديدة ايطالى وركبتها والحمد لله العربية معادتش بتجيب اى ميا من تحت لكن برضوا بتسخن .. الميا مش بتقل والمروحة بتشتغل قبل حرف الـ o والرادياتير نضيف
افيدوني يا خبراء الاسكورت

المشكلة التانية
جهاز الـ ideal spead اللى المفروض انه بيخلى العربية تفضل واطية ومش تعلى وهي واقفة ... مشكلتى ان الجهاز ده لما بيشتغل بيخلى العربية تبطل فى السلانسيه او لما ادوس دبرياج ... وساعات بيخلى العربية عالية اوى فى السلانسيه ... ومش عارف اعمل فيه ايه برغم انى مغيره من اسبوعين والميكانيكي قالى اصبر عليه شوية

معلش طولت عليكما بس العربية عاجباني اوى خصوصا انها فبريكة جوة وحاسس فيها برفاهية عالية ومش عايز اضطر ابيعها عشان مشاكل فوردية

هو إيه جهاز ال ideal speadومكان فين بالظبط

[Colin Chapman]

السلام عليكم جميعا
انا اشتريت فورد اسكورت موديل 99
الموتور 1600cc كربراتير
مشكلتى مع العربية دي حاجتين
اولها انها بتسخن بدرجة مش معقولة ..

ده بسبب ان اغلب الميكانيكية مبيفهموش فى دورة الماء المغلقة للرينو وعلشان كده دايما كانت تسخن لدرجة الغليان وقربة الماء تنفجر ده كان اغلب الفويجو بموتور رينو 20 او 18

الفويجو ديه كانت عربية سحر وابداع من رينو
فى الحالة ديه بيتاخد وش هواء من دايرة سائل التبريد وكاءنك بتاخود وش هواء من دايرة الفرامل!!!

https://www.youtube.com/watch?v=tdldWequ4t4

https://www.youtube.com/watch?v=gcCkGiaWN-I

.. برغم اننا يعتبر فى الشتا لكن لو وقفت فى زحمة شوية ولا مشيت بيها على الاول والتانى ( على الكورنيش او زحمة الطريق بين قليوب والدائري مثلا ) الاقيها تسخن ومؤشر الحرارة يوصل لحرف الـ a ويمكن الـ l على كلمة normal
لما اشتريت العربية لاحظت انها بتنزل ميا من عند طلمبة الميا وغيرتها واشتريت واحدة جديدة ايطالى وركبتها والحمد لله العربية معادتش بتجيب اى ميا من تحت لكن برضوا بتسخن .. الميا مش بتقل والمروحة بتشتغل قبل حرف الـ o والرادياتير نضيف
افيدوني يا خبراء الاسكورت

المشكلة التانية
جهاز الـ ideal spead اللى المفروض انه بيخلى العربية تفضل واطية ومش تعلى وهي واقفة ... مشكلتى ان الجهاز ده لما بيشتغل بيخلى العربية تبطل فى السلانسيه او لما ادوس دبرياج ... وساعات بيخلى العربية عالية اوى فى السلانسيه ... ومش عارف اعمل فيه ايه برغم انى مغيره من اسبوعين والميكانيكي قالى اصبر عليه شوية

معلش طولت عليكما بس العربية عاجباني اوى خصوصا انها فبريكة جوة وحاسس فيها برفاهية عالية ومش عايز اضطر ابيعها عشان مشاكل فوردية