معروض عليا سيارة فورد كا موديل 2000

[kantofanto]

اولا و قبل اى شئ اشكر هذا المنتدى الرائع و جميع الاعضاء للجهود الكبيرة المبذولة منهم فى هذا المنتدى و ادعو الله ان يجعل لهم الثواب فى ميزان حسانتهم الى يوم الدين ..فهذا علم لاينقطع .

ثانياً بعد قرئتى فى المنتدى عن السيارة الفورد فقد استخرت الله ان تكون ثانى سيارة اركبها بعد الفيات 128 و بالفعل بحثت عن سيارة ووجدت سيارة فورد كا موديل 2000 معروضة للبيع فارجو من سيادتكم إفادتى بالسعر السوقى لهذه السيارة مع العلم ان معظم ميكانيكا الفورد المعروفين رفضوا الذهاب ليروها و اخبرونى ان اقنع البائع للذهاب بالسيارة لهم و ارجو الافادة ماذا افعل لاقناع البائع.

[A.Saad]

اتاكد من توافر قطع غيار ليها
لانها عربية نادرة وممكن تلاقى صعوبة فى قطع غيارها
وعلى فكرة انا بحب شكلها جدا

[kantofanto]

متشكر اوووى ياباشا على الرد السريع ....انا سالت عند بعض التجار على قطع غيارها و قوللى متوافرة بس انا خايف يكون جزء معين فيها مش متوفر و ادور عليه كتير و انا بفكر اشترى فورد فيستا موديل 1996 معروضة على 21000 ايه رايك ياباشا اعمل ايه مع العلم ان الفيستا اوسع و قطع الغيار لها متوفرة اكتر.

[MohamedSotohy]

ابعد عنها وغنيلها
علي حد علمي

[Ahmed Saad]

خليك ياباشا في الاسكورت احسن منها وعملية وحماره شغل وقطع غيارها رخيصة ومرميه بس الكا نادره شويه وممكن برضه الفيستا حلوه وقطع غيارها كويسه بس احسنهم الاسكورت وربنا يوفقك للاصلح

[kantofanto]

خليك ياباشا في الاسكورت احسن منها وعملية وحماره شغل وقطع غيارها رخيصة ومرميه بس الكا نادره شويه وممكن برضه الفيستا حلوه وقطع غيارها كويسه بس احسنهم الاسكورت وربنا يوفقك للاصلح

متشكر جدا لسرعة رد حضرتك اخى العزيز hitmangate و اوفقك تماما الراى ان الاسكورت احسن و عملية بس انا لسا متعلم السواقة قريب و كان معايا فيات 128 و لسا بايعها لانها قرفتنى جدا و لسا كمان مش بعرف اركن فعايز عربية باور سترينج تريحنى فى الركنة و تكون صغيرة شوية و انا فعلا حابب الفورد اووى و رايح اشوف العربية الفيستا النهاردة .

[kantofanto]

ابعد عنها وغنيلها
علي حد علمي

متشكر جدا لرد حضرتك السريع بس ممكن تقنعنى بالاسباب و رشحللى عربية بديلة

[Ahmed Saad]

متشكر جدا لسرعة رد حضرتك اخى العزيز hitmangate و اوفقك تماما الراى ان الاسكورت احسن و عملية بس انا لسا متعلم السواقة قريب و كان معايا فيات 128 و لسا بايعها لانها قرفتنى جدا و لسا كمان مش بعرف اركن فعايز عربية باور سترينج تريحنى فى الركنة و تكون صغيرة شوية و انا فعلا حابب الفورد اووى و رايح اشوف العربية الفيستا النهاردة .

ربنا يوفقك أن شاء الله بس أهم حاجه تكشف على العربيه كويس والأفضل ترفعها في محطه بنزين تكشف على الدواخل والشاسيه من تحت والحوض وتعمل كبس موتور وتشوف فيه ترشيح زيت ولا لا وتجرب الباور كويس يمين وشمال وتشوف كده بعينيك لو فيه أسلاك متعدله أو ملعوب في الضفيره وان شاء الله خير وأبقى طمنا عملت ايه

[kantofanto]

ربنا يوفقك أن شاء الله بس أهم حاجه تكشف على العربيه كويس والأفضل ترفعها في محطه بنزين تكشف على الدواخل والشاسيه من تحت والحوض وتعمل كبس موتور وتشوف فيه ترشيح زيت ولا لا وتجرب الباور كويس يمين وشمال وتشوف كده بعينيك لو فيه أسلاك متعدله أو ملعوب في الضفيره وان شاء الله خير وأبقى طمنا عملت ايه

حقيقى فعلا انا متشكر جداً للنصيحة دى و ربنا يجعله فى ميزان حسانتك إن شاء الله اخى الكريم انا فعلا هاطبق اللى حضرتك قولتهلى عشان انا لسا جديد فى الموضوع ده و كنت افضل ان حد من الميكانيكيا يوافق يشوفللى العربية لكن للاسف معظم ميكانيكيات الفورد بشوات لازم العربيات تروح لهم فان قررت اجيب ميكانيكى عادى يكشف على العربية و بعد كدا اسحبها لحد من الميكانيكيا المتخصصصين زى حمدى او قطب و كمان هارفعها فى بنزينة كمان زيادة إطمئنان.


المفاجأة بقى إنى النهاردة روحت سوق السيارات و اتفرجت على العربيات الفورد المطروحة و وجدت مايلى :-
1- عربية فورد إسكورت موديل 98.... مطلوب 27000ج و العربية محتاجة شغل جامد اوووى و سمكرة كتير و دهان .
2- عربية فرود موديل 99 .....فابريكة برة و جوا و ماتور1600 كربيرتر مش زيتك و مرفعة 11 سنة و معها بطاريتها الاصلية و الماتور الاصلى و الرخصة باسم الماللك شوفته و هو داخل السوق و سالته على سعرها قاللى 33000ج و فضلت معه لحد ما بعها للاحد التجار هناك و كان فاهم اووى فى الفورد و خدها منه على 31000ج بعد مفوضات جامدة اوووى ...يلا بقى الله يباركله فيها.( بصراحة كانت طالعة من عينى بس مش معايا فلوسها و صاحب القرش صياد دايماً)

3- عربية فورد فيستا موديل 98 .. السعر 25500ج و كان عيبها كثرة التوكيلات فيها ، بس كانت عربية حلوة اووى.
4- عربية فورد فيستا موديل 98 .. السعر 27000جو مبالغ فى سعرها اوووى.
و بعد فحص العربيات الفورد فى سوق السيارات مازلت بفكر فى العربية الكا موديل 2000 و حتى الان خايف لا تضيع منى و مش عارف اعمل ايه.

[kantofanto]

تم و الحمد لله شراء فيستا موديل 2001

[lllkldlll]

الف مبروك عليك السيارة الجديدة

ربنا يديك خيرها ويكفيك شرها

ممكن تقلنا حالتها ايه وخلصتها على كام ؟

[kantofanto]

الف مبروك عليك السيارة الجديدة

ربنا يديك خيرها ويكفيك شرها

ممكن تقلنا حالتها ايه وخلصتها على كام ؟

الله يبارك فيك ..اللهم أمين

حالتها كويسة بس محتاجة مساعدين للشنطة و كبالن و شغل سمكرة بسيط
و خلصتها على 35000ج و الحمد لله

[Ahmed.MT911]

مبروك عليك مقدما

جبتها منين دي ياباشا 2001 ده انا دايخ علي موديل زي كده يكون موتور زيتك 1250 قولي الله يبارك لك

[kantofanto]

جبتها منين دي ياباشا 2001 ده انا دايخ علي موديل زي كده يكون موتور زيتك 1250 قولي الله يبارك لك

انا جبتها من واحد فى صلاح سالم فى القاهرة و الماتور فعلا زيتك و لونها زيتى بس بصراحة الموديل ده فعلا نادر فى مصر لان العربية تقفيل المانى مش اسبانى زى موديل 2000
و انا بصراحة انتظرت كتير اوووى عقبال مالقيت عربية اشتريها ماركة فورد و قارنات بين الكا و الاسكورات و الفيستا و فى الاخر ربنا وفقنى فى العربية الفيستا موديل 2001

فى كمان منها موديل 2002 بس بردوا نادر حاول تسأل الميكانيكيا ممكن حد عايز يبيع عربية فورد 2001 او 2002 و ممكن تتابع موقع كونتكت كار ربنا يوفقك يارب و تلاقى اللى انت عايزه ياباشا.

[Ahmed.MT911]

ربنا يبارك لك فيها ويؤتيك خيرها و يكفيك شرها يارب

انا جبتها من واحد فى صلاح سالم فى القاهرة و الماتور فعلا زيتك و لونها زيتى بس بصراحة الموديل ده فعلا نادر فى مصر لان العربية تقفيل المانى مش اسبانى زى موديل 2000
و انا بصراحة انتظرت كتير اوووى عقبال مالقيت عربية اشتريها ماركة فورد و قارنات بين الكا و الاسكورات و الفيستا و فى الاخر ربنا وفقنى فى العربية الفيستا موديل 2001

فى كمان منها موديل 2002 بس بردوا نادر حاول تسأل الميكانيكيا ممكن حد عايز يبيع عربية فورد 2001 او 2002 و ممكن تتابع موقع كونتكت كار ربنا يوفقك يارب و تلاقى اللى انت عايزه ياباشا.