تيجوا نظبط الفورد اسكورت؟؟؟؟؟؟

[dr_meteor]

الف شكر يا أحمد ...

عموما توكلت على الله و ربنا يقدرني لى المانيوال ان شاء الله ...

[dr_meteor]

في مشكلة تانية ... اما جيت اجربها ...
كنت لازم ادوس على الدبرياج للاخر = عشان انقل و حاسس ان الفتيس تقيل و بيرفض ينقل الا اما ادوس على الدبرياج للاخر ...

معلش اصل انا معايا اساسا بولونيز و مش عاوز ادفع مبلغ زيادة في عربية و افاجأ بأنها اتقل منها في النقلات و كده !

يا ريت تفيدوني ...

[wkisho2005]

طب يادكتور ماهو بيتهيئلي انو في الطبيعي اصلا ان الواحد لازم بيدوس علي الدبرياج للاخر عشان تبقي النقلة مفيهاش مشاكل وعموما متعتمدش علي تجربتك انت بس للعربية خد ميكانيكي فاهم معاك خليه يجربها طالما هتدفع فلوس يبقي لازم تبقي مطمن ان العربية مفيهاش مشاكل وربنا يوفقك ان شاء الله ومبروك مقدما

[ahmad--ezzat]

لا العربية اصلا كدة
كل الفورد اسكورت لازم تدوس الدبرياج على الاخر
وتدوس بنزين جامد شوية عشان تقوم وتمشى

[wkisho2005]

لا يااحمد باشا مانا معايا اسكورت 99 بس مش بالصعوبة دي عادي يعني هو ممكن يروح للميكانيكي يخليه يعليله الفصل بتاع الدبرياج شوية

بالمناسبة كنت عايز اسالك انت اشتريت اسكورت ولا لا؟؟اصلي شفت مواضيع كتير ليك كنت بتسال فيها علي الاسكورت عشان عايز تشتريها

[ahmad--ezzat]

لا يا استاذ wkisho للاسف محصلش نصيب لانى خفت من المستعمل والصراحة مش بثق فى الرجل اللى ساقت العربية قابلى ودة كان سبب انى مجبش العربية بالاضافة ان الناس خوفونى منها بطريقة غير عادية وميكنيكية كتير قالولى مش هتعرف تصلحها وتتعامل معاها (فكرت فى الكا بس طلعت صغيرة جدا)
انا بينى وبينك اشتريت دماغى مش عشان كلام الناس لا عشان موضوع المستعمل
لكن لو العربية كانت بتنزل زيرو كنت جبتها بدون تفكير
العربية دى ممتازة ممتازة سواء موتور او تكييف او ثبات

[ahmad--ezzat]

ممكن يبقى موجود فى اللوحة الحديد اللى عليها صنع العربية والاكواد

[wkisho2005]

عندك حق هي الاسكورت كعربية جميلة لكن فعلا المشكلة في اللي كان سايق العربية قبلك سواء في الاسكورت او غيرها يلا ربنا يوفقك لعربية حلوة وتريحك ان شاء الله بس متنساش تعزمنا بئي علي حاجة ساقعة بمناسبة العربية الجديدة ان شاء الله(معلش اصلي لاجيء اوي في المواضيع دي هههههههههه)

والله دوخت علي كود اللون دا في كل الارقام اللي مكتوبة في العربية بس كل مالاقي رقم والواد يجربه علي الكمبيوتر ميطلعش في لون الكود اللي مكتوب دا فقلت اسال بئي يمكن ربنا يسهل وحد هنا يعرف

[ahmad--ezzat]

على فكرة يا باشا انا جبت بفلوس الاسكورت نوبيرا 2008 حطيت ال 40 اللف مقدم (اللى هما فلوس الاسكورت المفروض) وعزمت المنتدى على الحاجة الساقعة وحضرتك مكنت موجود ههههه

[wkisho2005]

هههههههههههههه طب خبي عليا انك عزمت الناس علي الحاجة الساقعة-يلا عموما الف الف مبروك وربنا يباركلك في العربية ويجعلها وش خير عليك ان شاء الله

[Ahmed73]

بصراحة العربية الاسكورت عربية ممتازة أنا كان معايا ريجاتا وبعتها واشتريت الفورد اسكورت 98 - 1300 عربية ممتازة - وبصراحة أنا حاسس ان العربية دى لو اتباعت أنا هاخسرها - أنا عايز اركبلها فوانيس شبورة ومالهاش مكان فى الاكصدام ولو فتحتله هيبقى شكله وحش - حد يعرف الاكصدام اللى فيه فتحات لفوانيس شبورة سعره كام وكمان المرايتين يمين وشمال وياريت يكونوا بيتقفلوا لأنهم لو ما بيتإفلوش يبقى ما اغيرهمش احسن وأوفر - وبالنسبة لموضوع السنسور باركنج ازاى يركب فى السيارة بيحتاج خرم فى الصاج وبيركب فى فى التابلوه - واضح ان التظبيط هيبقى تحفة (فتحتوا نفسى للشغل ده) - وربنا يبارك للجميع فى عربياتهم.

[wkisho2005]

بالنسبة للسنسور انا اتشتريته خلاص وان شاء الله يومين ولا حاجة واكون مركبه وهابقي اصوره واحط صوره هنا ولما اركبه هابقي اقولك علي اللي حصل والراجل عمل ايه بالظبط

[ahmad--ezzat]

بصراحة العربية الاسكورت عربية ممتازة أنا كان معايا ريجاتا وبعتها واشتريت الفورد اسكورت 98 - 1300 عربية ممتازة - وبصراحة أنا حاسس ان العربية دى لو اتباعت أنا هاخسرها - أنا عايز اركبلها فوانيس شبورة ومالهاش مكان فى الاكصدام ولو فتحتله هيبقى شكله وحش - حد يعرف الاكصدام اللى فيه فتحات لفوانيس شبورة سعره كام وكمان المرايتين يمين وشمال وياريت يكونوا بيتقفلوا لأنهم لو ما بيتإفلوش يبقى ما اغيرهمش احسن وأوفر - وبالنسبة لموضوع السنسور باركنج ازاى يركب فى السيارة بيحتاج خرم فى الصاج وبيركب فى فى التابلوه - واضح ان التظبيط هيبقى تحفة (فتحتوا نفسى للشغل ده) - وربنا يبارك للجميع فى عربياتهم.

لا طبعا يا معلم (لمؤخذة هههههه)
الفوانيس الشابورة فيها جامدة جدا انا شوفت عربية حاطة الفوانيس دى فى الشارع قولت اصورها عشان تشوف النظام اية

[Ahmed73]

كلامك تمام يا باشمهندس/ أحمد عزت - وأنا باسأل على الاكصدام اللى يكون فيه فتحات لفوانيس شبورة لإن الاكصدام اللى راكب عندى مافيهوش فتحات لفوانيس الشبورة - ولو حبيت افتح فيه أكيد هيتشوه :laugh2:

[GamGom]

أسكورت

فعلاً ياجماعة العرية دى من أحسن العربيات فى التظبيط وأنا معايا أسكورت مو 99 وموتورها 1600 وانا نفسى أغير الكشفات الأمامية وأركب زينون وكمان جنوط وشوية تظبيطات تانية كدة زى الصور دى الى حطيطتها فى الموضوع بتاعى الخاص بالفورد أسكورت وانا بجد نفسى تبقى فى أسكورت عندنا فى مصر بالشكل دة زى الى فى الصور دى ودة الينك
http://www.nilemotors.net/Nile/showthread.php?t=43357

وأنا بتمنى أن أحنا نشجع بعض كلنا ونقدر نشوف أسكورت زى دول فى شوارع مصر