معاك فورد اسكورت مكانك معانا

[mr smart]

كل اللى معاه فورد اسكورت يثبت حضور ونشوف ايه المشاكل والحلول وايه التعديلات اللى نفذناها ولو عندك قطع غيار مش محتجها اعرضها معانا ونستفيد من خبرة بعض .

انا معايا اسكورت 1300 كربرتير موديل 99
و اسكورت 1600 كربرتير موديل 99

[mohamede002e]

فكرة ممتازة انا معايا اسكورت انجكشن ١٦٠٠ موديل ٩٨

[mohamede002e]

ابدا باول مشكلة بقا
انا معايا اسكورت ١٦٠٠انجكشن ٩٨ كنت مسافر والعربية راكنة ١٠ ايام المهم دورتها وسخنتها وشيكت عالمية والزيوت العربية زي الفل وخدت بيها مشوار ٢٠٠ كيلو وقرصت عليها العربية ١٠٠ ل ١٥٠ العربية كانت رايقة وزي الفل روحت ركنتها كلو تمام نص ساعة ونزلت خدتها مشوار صغير لاحظت ان الار بي ام عالسلانسيه عالي جدا ٢.٢ بطلت ودورت نفس المشكلة وشامم ريحة سخونة مع ان الحرارة نورمال فتحت الكبوت وبهوي علي غطا المية لقيته بتغلي وتفور ودا مش الطبيعي بتاعها خالص ركنت العربية وتاني يوم زودت مية لتلت تربع القربة وشيكت عالزيت ودورت نفس المشكلة الار بي ام عالي جدا والمكنة صوتها عالي وفي خلال ١٠ دقايق والعربية دايرة المية في القربة غليت والار بي ام نزل ل١.٥ بس دا مش الطبيعي الطبيعي لما ادورها الصبح بيبقي ١.١وبعد العربية تسخن بينزل ل٠.٨
ملاحظة لما اشغل التكيف الار بي ام بينزل ل ١.٤ ولما اطفي يعلي تاني ل٢ وثانيا العربية وهي ماشية الار بي ام نورمال خالص وصوت المكنة عادي اسف عالاطالة ياريت لو حد عندو فكرة يفيدني

[mr smart]

بص يا محمد لازم تروح لأقرب ميكانيكى فورد استنتاجى انا والله اعلم ممكن يكون عندك مشكله فى الرششات بخصوص علو العربيه لوحدها بخصوص غليان الميه 90 % ممكن يكون الثرموستات عندك بايظ او جوان الوش

[mr smart]

كان عندى مشكله ف السنتر وروحت لشيوخ الصنيعية ومحدش فادنى اللى هى انى لما اقفل من الرموت ببان تقفل وببان لاء طبعا مشكله غبيه جدا اقعد الف حولين العربيه اقفل باب باب لحد ما فكيت الفرش بتاع البيبان وفضلت 5 ايام ادور ايه المشكله لحد لما ربنا كرمنى ولقيت الحل اللى بعد عزاب جبار الحل انك تفك الكلون نفسة من الباب هتلاقى اللسان اللى بيقفل المفتاح بتاع الكلون تشيله وتنضفة كويس جدا وبعد كده حطة ف جاز وجرب وادعيلى اللى قابلته المشكلة دى يقولى وانا افسرلو الموضوع كويس واسعده فيه

[mr smart]

عندى 2 مراية جنب فورد اسكورت عاده مش كهرباء وزجاج خلفى يمين وانا عامل عندى بار حوض رياضى مخلى العربيه وهم فى الغرز ومزود حته ف الكبوت زى رمش هصوره وانزل الصور قريب انشاء الله

[mr smart]

ابدا باول مشكلة بقا
انا معايا اسكورت ١٦٠٠انجكشن ٩٨ كنت مسافر والعربية راكنة ١٠ ايام المهم دورتها وسخنتها وشيكت عالمية والزيوت العربية زي الفل وخدت بيها مشوار ٢٠٠ كيلو وقرصت عليها العربية ١٠٠ ل ١٥٠ العربية كانت رايقة وزي الفل روحت ركنتها كلو تمام نص ساعة ونزلت خدتها مشوار صغير لاحظت ان الار بي ام عالسلانسيه عالي جدا ٢.٢ بطلت ودورت نفس المشكلة وشامم ريحة سخونة مع ان الحرارة نورمال فتحت الكبوت وبهوي علي غطا المية لقيته بتغلي وتفور ودا مش الطبيعي بتاعها خالص ركنت العربية وتاني يوم زودت مية لتلت تربع القربة وشيكت عالزيت ودورت نفس المشكلة الار بي ام عالي جدا والمكنة صوتها عالي وفي خلال ١٠ دقايق والعربية دايرة المية في القربة غليت والار بي ام نزل ل١.٥ بس دا مش الطبيعي الطبيعي لما ادورها الصبح بيبقي ١.١وبعد العربية تسخن بينزل ل٠.٨
ملاحظة لما اشغل التكيف الار بي ام بينزل ل ١.٤ ولما اطفي يعلي تاني ل٢ وثانيا العربية وهي ماشية الار بي ام نورمال خالص وصوت المكنة عادي اسف عالاطالة ياريت لو حد عندو فكرة يفيدني

ناس كتير مش بتاخد بالها من الموضوع ده انك تبقى جاى من سفر كبير وتبطل العربية ع طول وده غلط فادح ع الاقل تسيب العربية واقفه ودايره شويه لحد ما المروحة تفصل ومش كل ما تقف تبطلها واللى لفت انتباهى للموضوع ده انت يا محمد ف الغالب مشكلتك جوان الوش وده تجيبة من الحرفيين ب70 جنيه المانى وشوف الميكانيكى بتاعك هيقولك ايه وفدنا معاك وانشاء الله بسيطة

[mohamede002e]

في حاجة سمعت عنها اسمها حساس الايدل بيقولو لو وسخ بيعمل كدا حد يعرف حاجة عنو؟؟؟؟؟؟

[mohamede002e]

وياريت حد يرشحلي ميكانيكي كويس في القاهرة اتعامل معاه وهل في خطر لو سافرت بالعربية كدا من المنصورة؟؟؟؟؟؟

[mr smart]

وياريت حد يرشحلي ميكانيكي كويس في القاهرة اتعامل معاه وهل في خطر لو سافرت بالعربية كدا من المنصورة؟؟؟؟؟؟

طبعا غلط
حساس الايدل يخلى العربيه مش مظبوطه انا بعتلك اضافة ع الفيس بأسم مصطفى بن عمر
الميه لونها عامل ايه وبتسخن وتغلى بعد مده فصيرة ولا لاء

[mr smart]

انت عندك ف ميت غمر صنايعية توب اوى يظبطولك الموضوع بس عايزك تشرحلى بالظبط ايه اللى بيحصل ولون الميه بتاع الريداتير واكد ع الترموستات بتاعت الحراره هتلاقيها داخلها 2 طرف فى كوعة الميه

[دكتور عمرو]

انا معايا فورد اسكورت موديل 99 كربراتير
لسه شاريها من اقل من 3 شهور وبحاول اظبط فيها كل شوية حاجة جديدة والحمد لله العربية ماشية معايا كويس وعامل بيها لحد دلوقتى سفر اكتر من 5 آلاف كيلو فى شهرين ونص

1- كان في مشكلة انها بتسخن بسرعة ... والميا بتنقص ... روحت لفنى رادياتيرات نضفت دورة المياه ... وغيرت طلبمة الميا بواحدة ايطالى جديدة لان القديمة كانت مكسورة وبتسرب ميا بسرعة

2- محتاجة كباس للتكييف وسألت عليه لاقيته بـ 550 جنيه واعتقد انه كدا غالى شوية ياريت لو حد يعرف مكان فيه الكباس بسعر ارخص يقولي عليه فى اى مكان فى الوجه البحري

3- لسه فيها مشكلة الادلر اللى مش نضيف وللاسف احيانا العربية تكون عالية فى السلانسيه .... واحيانا تبطل فى السلانسية بس انا قادر اتعامل معاها لحد ما انضف التانى واركبه

4- صاحبها القديم الله يباركله كان مغير الموتور بواحد جديد المانى ... ولا اشتريت العربية ادانى الموتور كامل والفيتيس هدية على العربية عشان لو احتجت منه اى قطع غيار

اتمنى نكون دايما على تواصل .... وانا موجود فى طنطا لو اى حد محتاج اى مساعدة تحت امره

[mohamede002e]

اهلا بيك ياعمرو احنا جيران بقي ابعتلي اد عالفيس
Mohamede002e@yahoo.com

[mohamede002e]

بص يادرش ملخص مشكلتي ان المية كانت بتنقص بمعدل نص كوباية او اقل يوميا ودا ماكانش عامل مشكلة والمية لونها مش متغير انا فاهم قصدك ماعليهاش زيت يعني المشكلة ظهرت بالظبط بعد المشوار السفر دا جيت ركنتها كانت فل بعدها بنص ساعة رحت مشوار لقيت العربية عالية اوي عالسلانسيه ولما اشغل التكيف توطي شوية من ٢ الي ١.٤ كدا ار بي ام اطفي التكيف تعلي تاني ودا كلو والعربية واقفة وفي ظرف ١٠ دقايق المية ولعت وغليت في القربة بس ملاحظة مع نقص المية اليومي العربية عمرها ماسخت يعني ماكانتش بتعدي حرف الn في normal

[mohamede002e]

انا دورت علي صنايعية فورد كتير في ميت غمر مالقتش ياريت لو تعرف حد تقولي تبقي خدمتني خدمة العمر كل صنايعي ادخل عليه بيها يجيب ورا مع ان العطل بيبقي تافه وبخش عالنت واصلحو لوحدي