رابطة ملاك فورد اسكورت

[mr smart]

اسكورت موديل 1999 كربرتير 1300
2 اسكورت 1600 موديل 99 كربرتير


مشكلنا وحلولها وقطع غيار اوفضل الأخصائيين واماكن بيع قطع الغيار


اثبت حضورك ببيانات عربيتك

[دكتور عمرو]

انا معايا فورد اسكورت موديل 99 كربراتير
لسه شاريها من اقل من 3 شهور وبحاول اظبط فيها كل شوية حاجة جديدة والحمد لله العربية ماشية معايا كويس وعامل بيها لحد دلوقتى سفر اكتر من 5 آلاف كيلو فى شهرين ونص

1- كان في مشكلة انها بتسخن بسرعة ... والميا بتنقص ... روحت لفنى رادياتيرات نضفت دورة المياه ... وغيرت طلبمة الميا بواحدة ايطالى جديدة لان القديمة كانت مكسورة وبتسرب ميا بسرعة

2- محتاجة كباس للتكييف وسألت عليه لاقيته بـ 550 جنيه واعتقد انه كدا غالى شوية ياريت لو حد يعرف مكان فيه الكباس بسعر ارخص يقولي عليه فى اى مكان فى الوجه البحري

3- لسه فيها مشكلة الادلر اللى مش نضيف وللاسف احيانا العربية تكون عالية فى السلانسيه .... واحيانا تبطل فى السلانسية بس انا قادر اتعامل معاها لحد ما انضف التانى واركبه

4- صاحبها القديم الله يباركله كان مغير الموتور بواحد جديد المانى ... ولا اشتريت العربية ادانى الموتور كامل والفيتيس هدية على العربية عشان لو احتجت منه اى قطع غيار

اتمنى نكون دايما على تواصل .... وانا موجود فى طنطا لو اى حد محتاج اى مساعدة تحت امره

[atefosman]

السلام عليكم ورحمة الله
تحياتي لكل اعضاء المنتدي الكرام
دي اول مشاركة ليا بالمنتدي
انا شاري فورد اسكورت لفت باك 1600 والحمد لله خلصت ورقها ونقلت ملكية وعملت الرخصة يعني كلو تمام
الي محتاجة من خبراء الفورد
اولا انا عاوز اظبط العربية ,بمعني اننا عاوز اظبط الميكانيكا والعفشة والكهرباء
وبعد كدة نبقا ندخل علي السمكرة والفرش , وبعد كدة الدكو ان شاء الله
معلوماتي عن السيارات صفر ودي اول عربية اشتريها ,
ارجو من الاعضاء الكرام ينصحوني اعمل اية واروح لمين عشان طبعا فية ميكانيكية اي كلام وفي تاس جامدة
وبردو لو الافضل اروح مركز صيانة , فيكون مين
وبردو قطع الغيار مين افضلهم وارخصهم
عذرا للاطالة
تحياتي

[mr smart]

السلام عليكم ورحمة الله
تحياتي لكل اعضاء المنتدي الكرام
دي اول مشاركة ليا بالمنتدي
انا شاري فورد اسكورت لفت باك 1600 والحمد لله خلصت ورقها ونقلت ملكية وعملت الرخصة يعني كلو تمام
الي محتاجة من خبراء الفورد
اولا انا عاوز اظبط العربية ,بمعني اننا عاوز اظبط الميكانيكا والعفشة والكهرباء
وبعد كدة نبقا ندخل علي السمكرة والفرش , وبعد كدة الدكو ان شاء الله
معلوماتي عن السيارات صفر ودي اول عربية اشتريها ,
ارجو من الاعضاء الكرام ينصحوني اعمل اية واروح لمين عشان طبعا فية ميكانيكية اي كلام وفي تاس جامدة
وبردو لو الافضل اروح مركز صيانة , فيكون مين
وبردو قطع الغيار مين افضلهم وارخصهم
عذرا للاطالة
تحياتي

انت بتشتكى من ايه ده اول كلامك تانى حاجه معلوماتك قليله ممكن تخلى صديق ليك كويس وبيفهم كان عندو عربيات من زمان قديمه يعنى واتطور هتلقيه وخليه يسوقها واسمع منو ايه مش مظبوط ف العفشة والسحب اخباره ايه والمكنه عامله ايه دى اهم حاجه بخوص الفرش والدوكو مفيش اكتر واسهل منه بس نتكلم ف اسسيات اولا ومبروك عليك والفورد اسكورت محترمه وانضف من اى حاجه كورى ف فئتها

[atefosman]

شكرا جزيلا مستر سمارت
بخصوص الموتور انا لما اشتريتها كان لسة متركب ليها موتور استيراد
اولا , العربية واطيه جدا
ثانيا الصبح وانا بدور بتدور من ثالث او رابع مرة
ثالثا .وانا ماشي ببط بحس ان العربية بتتهز انما لما بزود بتثبت نسبيا
رابعا . بتحدف يمين لو سبت الدركسيون وكمان الدركسيون تقيل شوية
فعلا جبت واحد صحبي بيفهم في العربيات قالي العفشة ضايعة وبدل ما نجيب مساعدين نجيب جنبين عفشة كاملين
بالنسبة للسحب الحمد لله تمام
تحياتي
atef osman

[mr smart]

شكرا جزيلا مستر سمارت
بخصوص الموتور انا لما اشتريتها كان لسة متركب ليها موتور استيراد
اولا , العربية واطيه جدا
تعليها عند العفشجى
ثانيا الصبح وانا بدور بتدور من ثالث او رابع مرة
العربية بتعلى وتوطى معاك ع الار ب ام

ثالثا .وانا ماشي ببط بحس ان العربية بتتهز انما لما بزود بتثبت نسبيا
ممكن تعلى الموتور شوية او ف مشكلة ف الايرماس
رابعا . بتحدف يمين لو سبت الدركسيون وكمان الدركسيون تقيل شوية
شغل عفشجى
فعلا جبت واحد صحبي بيفهم في العربيات قالي العفشة ضايعة وبدل ما نجيب مساعدين نجيب جنبين عفشة كاملين
العفشجى اللى يحدد وتقولوش انك عايز تغير قله اركب وشوف وخليك هادى
بالنسبة للسحب الحمد لله تمام
تحياتي
atef osman

[atefosman]

السلام عليكم ورحمة الله
تحياتي لحضرتك واشكرك علي النصائح
انا ناوي ان شاء الله اشوف ميكانيكي بتاع فورد يظبط الكلام دة لان العدادات مش شغالة الي شغال بس الحرارة والبنزين ( لو في حد حضرتك ترشحو يكون فاهم في الفورد اكون شاكر جدا )
موضوع العفشة هشوفو بعد ما اعمل سمكرة لان للاسف واحد ابن حلال خبط الجنب اليمين والعربية راكنة في الشارع فخلي الباب اليمين مش بيقفل بسهولة والشنطة مش بتفتح وكسر الفانوس الخلفي
تحياتي
عاطف عثمان

[مصطفى توفيق]

لو سمحت سعر فورد اسكورت حالة جيدة جدا في رنج كام دلوقتي

[مصطفى توفيق]

لو سمحت يا جماعة كنت عايز اشتري فورد اسكورت وكنت عايز اعرف متوسط سعرها
واهم مشاكلها الان