استفسار عن فورد فيستا

[hoodhod]

معروض عليا عربيه فورد فيستا موديل1996 1100cc
ب23 ألف تبقى كده دى كويسة و لا عتتعبنى يا ريت تقولولى بصراحة عشان اشوف اشتريها و لا لأ
و هل فورد فيستا بشكل عام متعبة و هل قطع غيارها متوفرة و بتعيش
ارجوكم ردوا بسرعة عشان لو كويسة الفرصة متضعش

[hoodhod]

أنا مستنية ردوركم و أرائكم
:k38:

[medo20000]

انا معايا فيستا موديل 2000وعارضها للبيع هى عربيه قويه جدا وفيها اضافات كتير مقارنه باى موديل او ماركه تانى بس اكيد حضرتك عارفه ان بلدنا بلد النوكيا وبس (الهيونداى والدايو...)لكن السيمينز (الفورد والفاروميووالاودى..)دى عربيات مظلومه شويه
على العموم هى قطع غيارها غاليه شويه بس معمرة جدا جدا ودى صورة عربيتى
ولو حضرتك عايزة تعرفى اى تفاصيل انا عارضها فى قسم البيع والشراء...مع الشكر

[samyt]

ممكن اعرف بكام

ممكن اعرف حضرتك عرضها بكام وايه حالة العربية.
شكراَ

[reamoz]

انا معايا فيستا 1100cc موديل 1997 بقالها حوالي 3 سنين
أول ماشتريها كلفتني شوية علشان غيرت العفشة كلها تقريبا لكن بصراحة قطع الغيار بتاعتها بتعيش وبالسعر ده اظن تكون معقولة جدا لو انتي بتدوري على عربية تركبيها شكلها كويس وادائها كويس وصيانتها سهلة بس تكون سليمة علشان متتعبكيش خصوصا ان انتي بنت.
انا عن نفسي كنت شاريها ب 30000 .