تغير زيوت للفورد فيستا ( الماتور - الباور - الفتيس- الفرامل )

[kantofanto]

ياريت تساعدونى عايز اغير زيوت عربيتى الفيستا موديل 2001 و مش عارف اغيرها انواع ايه و ذلك ( الماتور - الباور - الفتيس- الفرامل )؟؟

أرجو سرعة الرد من الاخوة الاعضاء.

[himabmw]

أفضل زيوت بشكل عام للفورد وموصى بها من فورد هي كاسترول ماجنيتك وليهم بادج عالفيس بوك بيوصلوا الزيوت للبيت مجانا وعندهم زيوت فرامل وممكن تستفسر من كل التفاصيل ونمرتهم ٢٧٩٦٠١٠١

[kantofanto]

متشكر لسرعة رد حضرتك بس ممكن تقوللى الفرق بين زيت الماجنتيك وكاسترول ايدج و ياريت تفدنى بباقى الزيوت عشان عايز اغيرها كمان زى الفتيس - الباور - الفرامل.

[kantofanto]

يرجى الافادة من الاعضاء بزيت الباور و الفتيس و الفرامل للسيارة الفورد الفيستا

[himabmw]

الماجنيتك افضل كتير ليك علشان العربية تعتبر مش جديدة لانه واخد براءة اختراع لوجود حبيبات زكية تساعد على منع التسريب فى المحرك وبالنسبة لزيوت الفتيس والباور والفرامل فى بنزينة طاقة فى المريوطية عندهم بردوا كل الزيوت وممكن تستفسر من تليفوناتهم واى استفسار انا فى الخدمة

[kantofanto]

الماجنيتك افضل كتير ليك علشان العربية تعتبر مش جديدة لانه واخد براءة اختراع لوجود حبيبات زكية تساعد على منع التسريب فى المحرك وبالنسبة لزيوت الفتيس والباور والفرامل فى بنزينة طاقة فى المريوطية عندهم بردوا كل الزيوت وممكن تستفسر من تليفوناتهم واى استفسار انا فى الخدمة

ياباشا و الله انا متشكر جداً جداً على المساعدة انا فعلا طلباته امبارح بعد ماتم الرد عليا و استلامته اليوم فعلا الماجنيتك هو المناسب لعربيتى و حاولت اعرف منهم على زيت الفيتس و الباور مش عارفين و طالبوا الكتالوج بتاع العربية و انا مش معايا كتالوجها و لازم زيت الفيتس يزود عندى ضرورى هو و الباور و مش عارف اعمل ايه و بفكر اروح البنزية و احط اى نوع و امرى الى الله

[himabmw]

هاقولك على حاجة كويسة بص عالموضوع بتاع ولفر بتاع ورشة نايل موتورز واعتقد كريم منير هايفيدك برده هو واخد توكيل وولفر جديد وده براند كويس على تجارب الاعضاء واولهم كريم معاه بي ام ابعتله فى الموضوع وهو ان شاء الله يفيدك هو عنده زيت فرامل مش عارف عنده باور وفرامل ولا لا ويارب اكون فيدتك على القدر المطلوب ولكم جزيل الشكر

[kantofanto]

هاقولك على حاجة كويسة بص عالموضوع بتاع ولفر بتاع ورشة نايل موتورز واعتقد كريم منير هايفيدك برده هو واخد توكيل وولفر جديد وده براند كويس على تجارب الاعضاء واولهم كريم معاه بي ام ابعتله فى الموضوع وهو ان شاء الله يفيدك هو عنده زيت فرامل مش عارف عنده باور وفرامل ولا لا ويارب اكون فيدتك على القدر المطلوب ولكم جزيل الشكر

متشكر لذوقك و ردك السريع كالمعتاد انا غيرت زيت الماتور امبارح زى ماقولت لى كاستروا ماجنتيك و غيرت كمان الباور موبيل و زودت زيت الفتيس موبيل أيضاً ، اما بالنسبة لزيت الباكم لسا و واحد نصحنى عند بتاع الزيت أخلى الميكاميكى بتاعى يغيره و بيرشح ليا أغيره بنديكس( مصرى ) أه رايك فيه.

أما بالنسبة للاخ كريم منير فانا قراءت له كذا موضوع فى المنتدى و بيساند الاعضاء بشكل كويس اوووى هاحاول اتواصل معه ممكن يفيدنى فى موضوع زيت الفرامل. و شكراً جزيلا ياباشا.

[himabmw]

انت لو ساكن قريب من جسر السويس فى الصيرفى عنده زيت باكم ممتاز جربته عندى زى الفل هو بوش اعتقد اسبانى هو هايبقى اغلى شويتين من الى فى السوق بس دوت فور الى ينصح بيه فى كل الفورد بشكل عام واساسا نظام الفرامل من شركة فورد بشكل عام مصمم من شركة بوش وهاتلاقى مكتوب على غطاء ماستر الفرامل الى بتزود منها الزيت Bosch يارب اكون افدتك واللهم انفعك بما تعلمنا وعلمنا ولك وافر الاحترام

[kantofanto]

انت لو ساكن قريب من جسر السويس فى الصيرفى عنده زيت باكم ممتاز جربته عندى زى الفل هو بوش اعتقد اسبانى هو هايبقى اغلى شويتين من الى فى السوق بس دوت فور الى ينصح بيه فى كل الفورد بشكل عام واساسا نظام الفرامل من شركة فورد بشكل عام مصمم من شركة بوش وهاتلاقى مكتوب على غطاء ماستر الفرامل الى بتزود منها الزيت bosch يارب اكون افدتك واللهم انفعك بما تعلمنا وعلمنا ولك وافر الاحترام

انا بصراحة مش عارف اشكر حضرتك أزى على مساعدتك ليا و ردك السريع جداً عليا ، جزائك الله خيراً و جعله فى ميزان حسانتك يوم الدين ، أخى العزيز انا اشتريت سير الكاتينا و الدينمو من الصيرفى و رايح يوم الجمعة اشترى مساعدين شنطة و بالمرة أشترى زيت الباكم .

أحمد فرج ممكن يغيرى زيت الفرامل و لا أروح لبتاع فرامل متخصص.

[himabmw]

بص ياسيدى هو أحمد كويس بس لو رحت لمحمد فورد الى فى نفس الشارع قدام شويتين أعتقد هايبقى مناسب وأكتر خبرة من أحمد عن تجربة فعلية وهذا ملزم التنويه للامانة أخى فى الله ولك وافر التقدير والاحترام

[kantofanto]

انا متشكر لذوق حضرتك يأخى اللكريم و متشكور كمان على رقم موبيللك و ربنا يجعله فى ميزان حسانتك لانك لم تبخل على أحد بعلمك، انا ان شاء الله هاروح لمحمد فورد و اكلم حضرتك و انا فى الطريق. جزاك الله خيراً