الاستفسار عن فورد مونديو

[زهير فكري]

السلام عليكم

انوي شراء فورد مونديو و ارغب من الساده الاعضاء مساعدتي في اتخاذ القرار من حيث اداء السياره و مدي توافر قطع غيارها خارج التوكيل و اسعارها ؟ و ايضا خلفيه عن متوسط الاسعار للسياره و خاصه من موديلات 1993 الي 2000 و خاصه سعه 2000 سي سي و ايضا عن عيوب السياره التي ظهرت للبعض

[ahmad--ezzat]

1993
مفيش مونديو الموديل دة
العربية اقدم موديل ليها 97 اللى فى مصر
العربية قوية جدا عضم ناشف جدا
ثبات رهيب
سحب خرافة
صالون تحفة
برستيج رهيييب
قطع غيار مش غالية زى ما الناس متخيلة
قطع الغيار فى شارع هارون قبل ميدان الجامع محل مشهور مش فاكر اسمو بس هو محل كبير جدا ومخصص لفورد ومضمون
الالفين سى سى سعرها واطى جدا ودة لانها 2000 (ضرايب وبنزين وكدة )
ال 1600 النضيفة تعمل حوالى 50 اللف جنية
وسيبك من الناس اللى تقولك 60 و 65 والكلام الهبل دة
العربية بجد تحفة
بس طبعا هتتعبك فى البيع وبالنسبة للعيوب صوت الماتور عالى نسبيا بالنسبة للجديد
يعنى مثلا هتلاقيها زى الفكتر ال 97 لو ركبتها
بالنسسبة للتكيف تلاجة
انا راى بدل ما تجيب حاجة من العربيات الورق الجديدة
هتلكك فورد وتوكل على الله

[ehab_gman]

السلام عليكم
انا عندي فورد مونديو 1600 سي سي الحاله العامه فبريكه بالكامل
العربيه جميله جدا هبيع عشان التغير
العربيه مش محتاجه مصاريف داخليه
من الخارج محتاجه سمكره بسيطه ورش الأجناب وتكون 100%
لوعايزه رد ونتفاهم

[ihab]

فعلا العربية دى من العربيات الجميلة جدا ثبات و نعومة و قوة صاج بس اللى كان مموتها التوكيل ( رجب )
بس هى مش بياعة يعنى مش سهل تخلص منها و سعرها بالنسبة لموديل 98 النضيفة فى حدود ال 50 الف تقريبا

[wkisho2005]

لو مش ناوي تتاجر فيها يبقي توكل علي الله واشتريها عربية جميلة ومحترمة

[scorpion1000]

عزيزى:م/أحمد
حقيقى أنت السبب فى اقتناعى واعجابى بالفورد من كلامك عنها وعلشان كده أسمحلى أتقل عليك:لو قدامك واحده مونديو جيا 2000cc كراسى كهربا وسخانات وابانوس وسعرها واقعى دلنى عليها لانى بصراحه هأثق فى كلامك وتزكيتك ليها مع خالص تقديرى

[ahmad--ezzat]

تم الرد على الخاص