فورد فييستا 98

[bigbibo]

السلام عليكم ورحمة الله وبركاته ...
كل سنة وانتوا طيبين يا جماعة .. كنت عايز اعرف لو عايز اغير فرش الابواب والتابلوه لعربية فييستا 98 ... الاقيهم فين ؟ وتتكلف اد ايه ؟ .. وهل الموضوع سهل ولا صعب الاقى الحاجات ديه ؟؟؟

[kantofanto]

الاوربية م/ السباعى

وده موجود فى صقر قريش فى المعادى على الاوتوستراد

موبايل 0122695973ده عنده قطع غيار استيراد لكل موديلات الفورد أكيد هتلاقى عنده التابلوه للعربية الفيستا 98

فيه واحد في الحرفيين اسمه الصفا ( محمد ) في شارع الكنيسة و فيه واحد تاني اسمه اوتو 2000 ( المصطفي ) جنب بتوع المرسيدس ممكن تسال عندهم

اوتو ستار 2000 1شـ يوسف صبري ابو طالب - الحرفيين السلام

26975119-0129945745-0101754052-0128118063

شركة الصفا للاستيراد

القاهرة: مدينة الحرفيين شارع عثمان بن عفان (بجوار كنيسة مار جرجس الحرفيين )

0226630139

و ممكن هاتلاقيه فى الوكالة ياما عند مصطفى البطاح ياما عند على

كل المحلات اللى فاتت دى قطع غيار أستيراد خش و أسال و فاصل براحتك و هما هيدلوك على أى شئ تانى انت مش عارفه و ارجو انى اكون عرفت افيدك.

[bigbibo]

متشكر جدا استاذ kantofanto .. ما شاء الله اجابات وافية بالعناوين وارقام التليفونات كمان .. جزاك الله خيراً :)

[kantofanto]

متشكر جدا استاذ kantofanto .. ما شاء الله اجابات وافية بالعناوين وارقام التليفونات كمان .. جزاك الله خيراً :)

العفو ياباشا و تحت امر حضرتك و جزاك الله الخير دائماً و وافقك فى اللى انت تريده.

[msenosy]

ابقى قول لنا عملت ايه
لقيتهم ولا لا وبكام

[bigbibo]

ابقى قول لنا عملت ايه
لقيتهم ولا لا وبكام

الحقيقة محصلش نصيب انى اشترى العربية اللى كنت هغير لها الفرش لأنى اترددت :)


ومش عارف بصراحة ادور على فييستا ولا لآ .. ناس كتير بتخوفنى منها فكنت احب اعرف من الناس اللى معاهم العربية ((فعلاً)) حاجتين ويا ريت تفيدونى لآن قرارى هيتوقف عليه ان شاء الله :

1. اول حاجة ايه العيب الشائع أو المتكرر فى الفييستا او الحاجة اللى ممكن تخليها من الوقت للتانى تعطل (حتى لو على فترات متباعدة) ... لأن فى موقف بتخيل نفسى فيه انى ابقى نازل رايح شعلى مثلا واجى ادور الاقى العربية مبتدورش او معايا اهل بيتى ورايحين مشوار وتعطل فى الطريق (وبم ان خبرتى فى العربيات زيررررو لأن دى هتكون اول عربية ان شاء الله :) فمش متخيل هتصرف ازاى ولا اعمل ايه !!

2. تانى حاجة متوقفة على اول حاجة, لو ان شاء الله هشترى العربية ايه اهم حاجات ابص عليها فى العربية بحيث ان اتأكد ان العربية غعلا خالتها كويسة ومش متهانة فتتعبنى؟؟؟

[kantofanto]

الحقيقة محصلش نصيب انى اشترى العربية اللى كنت هغير لها الفرش لأنى اترددت :)
قدر الله فى مشاء فعل ، محدش عارف الخير فين اكيد ربنا كات لك الاحسن


ومش عارف بصراحة ادور على فييستا ولا لآ .. ناس كتير بتخوفنى منها فكنت احب اعرف من الناس اللى معاهم العربية ((فعلاً)) حاجتين ويا ريت تفيدونى لآن قرارى هيتوقف عليه ان شاء الله :
سيبك من كلام الناس لابيقدم و لا يأخر على رأى جورج وسوف و عمرك ماهترضى جميع لاطراف، كلنا اتقالنا كدا اول مافكرنا نجيب الفورد ( و على فكرة اللى بيجرب الفورد صعب انه يعرف يركب كورى او صينى )

1. اول حاجة ايه العيب الشائع أو المتكرر فى الفييستا او الحاجة اللى ممكن تخليها من الوقت للتانى تعطل (حتى لو على فترات متباعدة) ... لأن فى موقف بتخيل نفسى فيه انى ابقى نازل رايح شعلى مثلا واجى ادور الاقى العربية مبتدورش او معايا اهل بيتى ورايحين مشوار وتعطل فى الطريق (وبم ان خبرتى فى العربيات زيررررو لأن دى هتكون اول عربية ان شاء الله :) فمش متخيل هتصرف ازاى ولا اعمل ايه !!

أخى العزيز اولاً انت مش جايب عربية 128 عشان كل شوية تعطل منك ، ثانيا لو حضرتك جايب عربية حالتها كويسة و نضيفة و حضرتك ايديك فيه على طول فى الصيانة و مش بتجيب قطع غيار مضروبة او صينى وتعمل لها صيانة عند بتوع الفورد يبقى اكيد هاتفضل معاك كويسة و مش هتبهدلك ابداً

2. تانى حاجة متوقفة على اول حاجة, لو ان شاء الله هشترى العربية ايه اهم حاجات ابص عليها فى العربية بحيث ان اتأكد ان العربية غعلا خالتها كويسة ومش متهانة فتتعبنى؟؟؟

حالة الشاسيه طبعاً مايكونش فيه لحامات من تحت و القوايم تكون سليمة و تكون فابريكة من جوا و لو من برة يفضل بس مش شرط ، ضفيرة الكهربا متكونش متبهدلة و الباور لازم يكون كويس و يفضل لو تقدر تكشف عليها عند ميكانيكى فورد يبقى أحسن ،و ربنا يوفقك و عيد سعيد

[bigbibo]

kantofanto شكرا على ردك وكل سنة وانت طيب :) .. بس معلش محتاج توضحلى اكتر المقصود بلحامات فى الشاسيه من تحت .. يعنى فى اماكن معينة فى الفييستا تحديدا بتكون معرضة انها تتلخم اخد بالى منها ؟؟
وتانى حاجة اعرف ازاى موضوع الباور .. يعنى لو زيت الباور بينقط مثلاً ولا ايه ؟؟

[kantofanto]

الاخ bigbibo و حضرتك طيب انا مش بكلم عن الفيستا انا بكلم عن كل العربيات انها متكونش مخبوطة من تحت و مفيش لحامات و لا ساحبة زرجينة ( الشاسيه سليم 100% ) اما بخصوص الزيت اللى بينقط الميكانيكى اللى هايقوللك و حاول متجبيش عربية الماتور بتاعها خفيف.

[Ramadan Kader]

بص يا سيدي انا ركيب مستعمل. وعايزك تسأل نفسك اسأله علشان تقدر تفيد نفسك
1- أنت ساكن فين فالقاهره (لأن معظم بتوع الفورد موجودين فى مناطق معينة حرفيين - مصر الجديده- صقر قريش - وسط البلد) طبعا لو الأماكن دي قريبة منك يبقى تمااااام
2- انت محتاج واسعة ولا مش مهم لأن الفيستا شنطه صغيره نوعا و الصالون لو طولك اكتر من 180سم العربيه هتبقى ضيقه بالنسبه ليك خصوصا لو انت من الأوزان التقيله بس هي عربيه فالثبات و الجري ممتازه
3- العربيه متخافش منها فى موضوع قطع الغيار خاااااااااااااااااااالص موجوده وكتير بالنسبه للصيانه متقلقش من أى حاجه فيها هى سهلة عفشه و موتور جدا يعني اى حتجه فك وتركيب اى ميكانيكي نضيف يعرف يشتغل فيها بس الكنترول و المشكال الخبيثه روح بيها لاى ميكانيكي فورد و ده هيبقى فى حالات قليله جداو بالنسبه للكهرباء لازم تروح لكهربائي محترم

4- بالنسبه لسعر العربيه لو 98-99 الشكل القديم 1300 هاتلاقيها فى حدود 30 الف لو حالتها نضيفه
5-قطع الغيار رخيصه و فى منها الأصل و فى الاقل فالأقل زي اى عربيه و الأصلي طبعا غالي بس هتلاقيه فى سعر الأصلي بتاع الهيونداي و الكيا يعني مش غالي اوى و الغالي فعلا فيها ولازم تشتريه الأصلي هو الحساسات و حاجات الكهرباء
6-بالنسبه لأماكن الصيانه وقطع الغيار هتلاقيهم هنا فالمنتدي بالعناوين و الأسماء و ارقام التليفونات.
7- العربيه فأستهلاك البنزين ممتازه هتعمل معالك فى وسط البلد من 170 ل 200 كيلو فال20ليتر و من 250 الى 275 على السريع فال20ليتر.
العربيه قطع غيارها معمره بس اشتري النضيف منها و يا ريت متشتريش بكل الفلوس الى معاك عربيه و حاول تجنب 5000ج علشان تبقى تصين العربيه بيهم لان مفيش مستعمل مبيصرف و لو هتكشف على فورد نصيحه روح لحد بتاع فور د يكشف عليها افضل هو هيديك المفيد

[bigbibo]

واضح يا استاذ رمضان ان كلام حضرتك من واقع تجربة .. بالنسبة لصغر حجم الشنطة فهى فى الوقت الحالى مناسبة لاحتياجاتى .. حاجة تانية حضرتك طمنتنى لجزئية قطع الغيار .. بالنسبة لى مش هتفرق انها تكون غالية اد ما يهمنى تكون متوافرة وموجودة وانا بالفعل من سكان القاهرة والمناطق اللى حضرتك ذكرتها مش بعيدة عنى الحمد لله ..

نيجى للنقطة الاهم .. انا فعلا سمعت من اكترمن حد ان القلق فى العربية ديه فى الغالب يكون سببه اكنترول او الكهرباء وفى الغالب برده بيبقى نتيجة عك من صنايعية مش فاهميين فيها بس بيفتوا ... فكنت احب اعرف من حضرتك حاجتين :
* ازاى اتأكد وانا بشترى ان كهربه العربية تمام والكنترول تمام ومش هيتعبنى .
* مكان كهربائى فورد يكون فاهم فى العربية يكون فى القاهرة او الجيزة اقدر ارجعله لو لا قدر الله حصل اي حاجة .

*** فى نقطة برده كنت احب اعرف ايه اللى ممكن يكون السبب فى رجرجة خفيفة كده فى العربية احيانا بتيجى عند الغيار لأننى لاحظت الموضوع ده فى عربيتين وانا بجربهم .. وهل الحكاية دي عيب متكرر فى الفيستا وايه اسبابه وهل ليها علاقة بالكنترول او الكهرباء .. لأن الموضوع ده قلقنى الحقيقة واتمنى اصحاب التجربة مع الفييستا يفيدونا فيه .

**** فى نقطة كمان كنت احب اثيرها ليه يبقى حد لسه مسقط متور للعربية استيراد ويبقى عايز يبيعها لأن لاحظت الموضوع ده فى كذا عربية برده .. هل اداء العربية ميبقاش زى ما كان قبل المتور الجديد فعشان كده بيبيع .

[bigbibo]

بص يا سيدي انا ركيب مستعمل. وعايزك تسأل نفسك اسأله علشان تقدر تفيد نفسك
1- أنت ساكن فين فالقاهره (لأن معظم بتوع الفورد موجودين فى مناطق معينة حرفيين - مصر الجديده- صقر قريش - وسط البلد) طبعا لو الأماكن دي قريبة منك يبقى تمااااام
2- انت محتاج واسعة ولا مش مهم لأن الفيستا شنطه صغيره نوعا و الصالون لو طولك اكتر من 180سم العربيه هتبقى ضيقه بالنسبه ليك خصوصا لو انت من الأوزان التقيله بس هي عربيه فالثبات و الجري ممتازه
3- العربيه متخافش منها فى موضوع قطع الغيار خاااااااااااااااااااالص موجوده وكتير بالنسبه للصيانه متقلقش من أى حاجه فيها هى سهلة عفشه و موتور جدا يعني اى حتجه فك وتركيب اى ميكانيكي نضيف يعرف يشتغل فيها بس الكنترول و المشكال الخبيثه روح بيها لاى ميكانيكي فورد و ده هيبقى فى حالات قليله جداو بالنسبه للكهرباء لازم تروح لكهربائي محترم

4- بالنسبه لسعر العربيه لو 98-99 الشكل القديم 1300 هاتلاقيها فى حدود 30 الف لو حالتها نضيفه
5-قطع الغيار رخيصه و فى منها الأصل و فى الاقل فالأقل زي اى عربيه و الأصلي طبعا غالي بس هتلاقيه فى سعر الأصلي بتاع الهيونداي و الكيا يعني مش غالي اوى و الغالي فعلا فيها ولازم تشتريه الأصلي هو الحساسات و حاجات الكهرباء
6-بالنسبه لأماكن الصيانه وقطع الغيار هتلاقيهم هنا فالمنتدي بالعناوين و الأسماء و ارقام التليفونات.
7- العربيه فأستهلاك البنزين ممتازه هتعمل معالك فى وسط البلد من 170 ل 200 كيلو فال20ليتر و من 250 الى 275 على السريع فال20ليتر.
العربيه قطع غيارها معمره بس اشتري النضيف منها و يا ريت متشتريش بكل الفلوس الى معاك عربيه و حاول تجنب 5000ج علشان تبقى تصين العربيه بيهم لان مفيش مستعمل مبيصرف و لو هتكشف على فورد نصيحه روح لحد بتاع فور د يكشف عليها افضل هو هيديك المفيد

واضح يا استاذ رمضان ان كلام حضرتك من واقع تجربة .. بالنسبة لصغر حجم الشنطة فهى فى الوقت الحالى مناسبة لاحتياجاتى .. حاجة تانية حضرتك طمنتنى لجزئية قطع الغيار .. بالنسبة لى مش هتفرق انها تكون غالية اد ما يهمنى تكون متوافرة وموجودة وانا بالفعل من سكان القاهرة والمناطق اللى حضرتك ذكرتها مش بعيدة عنى الحمد لله ..

نيجى للنقطة الاهم .. انا فعلا سمعت من اكترمن حد ان القلق فى العربية ديه فى الغالب يكون سببه اكنترول او الكهرباء وفى الغالب برده بيبقى نتيجة عك من صنايعية مش فاهميين فيها بس بيفتوا ... فكنت احب اعرف من حضرتك حاجتين :
* ازاى اتأكد وانا بشترى ان كهربه العربية تمام والكنترول تمام ومش هيتعبنى .
* مكان كهربائى فورد يكون فاهم فى العربية يكون فى القاهرة او الجيزة اقدر ارجعله لو لا قدر الله حصل اي حاجة .

*** فى نقطة برده كنت احب اعرف ايه اللى ممكن يكون السبب فى رجرجة خفيفة كده فى العربية احيانا بتيجى عند الغيار لأننى لاحظت الموضوع ده فى عربيتين وانا بجربهم .. وهل الحكاية دي عيب متكرر فى الفيستا وايه اسبابه وهل ليها علاقة بالكنترول او الكهرباء .. لأن الموضوع ده قلقنى الحقيقة واتمنى اصحاب التجربة مع الفييستا يفيدونا فيه .

**** فى نقطة كمان كنت احب اثيرها ليه يبقى حد لسه مسقط متور للعربية استيراد ويبقى عايز يبيعها لأن لاحظت الموضوع ده فى كذا عربية برده .. هل اداء العربية ميبقاش زى ما كان قبل المتور الجديد فعشان كده بيبيع .

[Ramadan Kader]

واضح يا استاذ رمضان ان كلام حضرتك من واقع تجربة .. بالنسبة لصغر حجم الشنطة فهى فى الوقت الحالى مناسبة لاحتياجاتى .. حاجة تانية حضرتك طمنتنى لجزئية قطع الغيار .. بالنسبة لى مش هتفرق انها تكون غالية اد ما يهمنى تكون متوافرة وموجودة وانا بالفعل من سكان القاهرة والمناطق اللى حضرتك ذكرتها مش بعيدة عنى الحمد لله ..

نيجى للنقطة الاهم .. انا فعلا سمعت من اكترمن حد ان القلق فى العربية ديه فى الغالب يكون سببه اكنترول او الكهرباء وفى الغالب برده بيبقى نتيجة عك من صنايعية مش فاهميين فيها بس بيفتوا ... فكنت احب اعرف من حضرتك حاجتين :
* ازاى اتأكد وانا بشترى ان كهربه العربية تمام والكنترول تمام ومش هيتعبنى .
فيه مركز متخصصه ف فورد و نصيحه أكشف عندهم و أتاكد من ألى بتشتري منه انه كان بيكشف أصلا على العربيه هناك ولا لأ. و العناوين هتلاقيها فاللينك ده

http://www.nilemotors.net/nile/428810-2002.html

* مكان كهربائى فورد يكون فاهم فى العربية يكون فى القاهرة او الجيزة اقدر ارجعله لو لا قدر الله حصل اي حاجة .

*** فى نقطة برده كنت احب اعرف ايه اللى ممكن يكون السبب فى رجرجة خفيفة كده فى العربية احيانا بتيجى عند الغيار لأننى لاحظت الموضوع ده فى عربيتين وانا بجربهم .. وهل الحكاية دي عيب متكرر فى الفيستا وايه اسبابه وهل ليها علاقة بالكنترول او الكهرباء .. لأن الموضوع ده قلقنى الحقيقة واتمنى اصحاب التجربة مع الفييستا يفيدونا فيه .

الرجه دي موجوده فى 99% من عربيات مصر بسبب الاسطوانه او قواعد الفتيس او الموتور و 90% منهم بيستخسر يغير الأسطوانه او القواعد انا عربيتي مفيهاش الرجه دي بس كان فيها من ست شهور و غير الأسطوانه. دي ملاهش علاقه بالعربيه و زي ما قلتلك روح أكشف فى مركز من الى تبع فورد او أكشف فالتوكيل و أظن مش هتلاقيه مبلغ كبير ايام فكري كان الكشف 250جنيه مش عارف اوتو جميل ممكن يبقى بكام والرقم عندك ممكن تكلمهم.

**** فى نقطة كمان كنت احب اثيرها ليه يبقى حد لسه مسقط متور للعربية استيراد ويبقى عايز يبيعها لأن لاحظت الموضوع ده فى كذا عربية برده .. هل اداء العربية ميبقاش زى ما كان قبل المتور الجديد فعشان كده بيبيع .

ده بردك موجود فى 99% من المصرين حديثى العهد بالمستعمل بيجيب عربيه و ممكن تكون اول تجربه ليه فبيدور يلاقى الفورد رخيصه و فبيجبها او مثلا راكب 128 او 127 عايز يرقي نفسه و لاقى الفورد قريبه و قال أشتريها و طبعا وقع فالمحظور و اشترها عمياني فبيعامل العربيه على انها 128 و ده بدايه الكارثه فبتجيب منه مورتور لأسباب كتير من ضمنها نوع الزيت او التبريد بيلعب قالدايره بتاعته او بعامل الريداتير زي 128و اشياء من هذا القبيل فبتجيب منه موتور ويقوم جايب موتور أستيراد بعد ما يعك الدنيا لانه بيروح لمميكانيكي لادا وفيات فيعك العربيه فيقول اتخلص منها.......
نهايتا فى شعارممتاز هنا على المنتدي بيقول الفورد عربيه البشوات متشتريهاش من شحاااااااااات