سؤال لأصحاب المونديو اشتريها وللا لأ ارجو الرد

[Dr.Taher]

بفكر اشتريها اغلبها موديل 97 او 96 بيكون اوتوماتيك وسعره مناسب وشكلها جميل.السؤال كل الصنايعية يعرفو يشتغلوا فيها زى الكورى كده وللا ليها ناس معينين؟ هل قطع الغيار رخيصة ومتوفرة وللا لأ.انا كان عندى ميجان وهبيعها عشان كده فياريت الرد بدقة على اسألتى عشان اقرر.وشكرا لكم

[hugan]

عربيه نادره الوجود في الشارع

[Dr.Taher]

عربيه نادره الوجود في الشارع

شكرا للرد لكن السؤال ده مدح فيها وللا ذم؟

[hugan]

شكرا للرد لكن السؤال ده مدح فيها وللا ذم؟
:oc_sun1[1]:

يعتبر ذم
لانك اكيد هاتتعب في صيانتها

[J A G U A R]

عربيه هاتتعبك طبعا فى صيانتها وقطع غيارها مش منتشره

[egytamer]

مع احترامي لاراء الناس الي ردت عليك بس المنديو عربية جميلة جدا ومحترمة وقطع غيارها موجودة جديد واستيراد اهم حاجة تشوف عربية حالتها نضيفة ومتتعاملشي غير مع متخصص فورد بس.

[kantofanto]

مع احترامى الكامل لكافة الاعضاء الى قالوا رايهم فى المونديو قالوا الكلام ده عن حد ركبها او جربها او حد من القريبين منه مع فورد اساسا و لا مجرد بالسمع و خلاص هى عربية مش نادرة ولا حاجة و الفورد له زبونه و بيسال عليه و بيدور عليه ، العربية المونديو جميلة و مريحة و الميكانكيا بتوع الفورد مثبته فى الجروب و تقدر حضرك تتصل بيهم و تسالهم و تسال كمان تجار قطع الغيار عن اسعارها و كل القطع متوفرة ان شاء الله و قطع الغيار مش غالية مقارنة ان حضرتك معاك ميجان اوربى ، اهم حاجة انك تشترى عربية حالتها كويسة عشان مش تمرمطك ، عشان لو اشترتها متهانة هتتعبك جدا جدا ، و ربنا يوفقك فى الشراء ان شاء الله و يكتبللك الخير .

[Dr.Taher]

أشكر الجميع على ردهم واهتمامهم وآرائكم هامة جدا بالنسبة لى واسأل الله ان يدلنى على الصواب.الميجان عندى مشكلتها الاساسية انها لو عطلت فى اى مكان محدش يعرف يمد ايديه فيها والحل الوحيد-وده حصل اكتر من مرة- انى احملها على ونش واوديها للناس بتوع الرينو.انا اقصد المونديو هل لو عطلت محدش يقدر يصلحها مؤقتا ويمشينى بيه وتبقى الصيانات الدورية مع متخصصى الفورد؟

[ibrahiiimooo]

بص يا سيدي
هناك امران
الاول و باختصار شديد ان مش هتعرف تركب اي عربية في مصر تتمتع بمميزات المونديو بنفس سعرها ( اتحدى ان اي واحد يقدر يجيب عربية بنفس المميزات بنفس السعر ٤٠-٤٦ الف جنيه) ده بالاضافة ان العربية دلوقتي قدمت و بقت مهروسة لكتير من صنايعية الفورد و غير الفورد لان برده التكنولوجيا اللي في المكنة بقت قديمة و محفوظة ده برده غير ان قطع غيارها جديد و استيراد مرمية عند بتوع قطع غيار الفورد و ماتورها و فتيسها مش غاليين و بتلتلي هي صفقة رابحة جدا لكل من يفكر في اقتنائها
الامر الاخر و هو ده الوحش ان ركوب المونديو بعد الميجان غريب شوية ( لو ميجان ١ فتلك مصيبة و لو ميجان ٢ فذلك اعظم) لان المونديو ما تعتبرش نقلة من الميجان ١ و فيهم تقريبا نفس العيوب اللي انتا اتعودت عليها خلاص في الميجان ( فيما عدا اعتمادية اعلى للمونديو)
اما لو ميجان ٢ فدي ركوبة اعلى بكتييير من المونديو ( بحكم فرق الموديل و التكنولوجي) لان اصلا الميجان سابقة كتير من العربيات بنات جيلها اصلا

[Ramadan Kader]

المنديو عربيه حلوه جدا ثبات و قوه و فخامه داخليه و قطع غيار متوافره جديد و أستيراد و مفيش فيها مشكله. و البنسبه للصيانه و قطع الغيار اللينك ده فيه اسماء محلات و مركز خدمه فى القاهره و الأسكندريه و المنصوره الى انا اعرفه و لميتهم ممكن تسأل عن قطع الغيار و أسعارها في اللينك ده.

http://www.nilemotors.net/Nile/428810-2002.html

[Dr.Taher]

والله يا جماعة انا شاكر جدا اهتمامكم وربنا يدلنى على الصواب

[a3reda]

موديلات كتير فى المونديو اعلى موديل الجيا بصراحه عربية ولا فى الاحلام كرسى كهربائى وتكيف تاتش وامكانيات كتيرى جداااااااااااااااااااااا ..... انصحك عند الاختيار ان تختار عربية سليمة ... كان معى مونديو 1997 جيا 2000 سىسى وبعتها ........... المكانيكية كتير ال بيشتغلوا فى الفورد ده لو حضرتك مقيم فى القاهره وقطع الغيار متوفره فى القاهره والاسكندرية .......... اى حد هيقولك عربيه مش كويسة يبقى مش بيفهم فى الفورد وعموما مش اى حد يحب الفورد

[ashalabi69]

أنا ركبت مونديو موديل 2003 زيرو في الخليج لمدة 4 سنين عربيه روعه ثبات و أمان و مش ح تلاقي عربيه بسعرها و إمكانياتها بس مشكلتها في مصر مش منتشره ووكيلها مضيعها و اللي يقول فورد مشاكله كتير على أي أساس بيتكلم؟؟
عربية قطع غيارها رخيصة (ع الأقل في الخليج و عن تجربه) و موتورها مفرود خصوصا الموديلات الأمريكي بمعنى الميكانيكي شايف كل حاجه قدامه عكس الأوروبي الحديث عشان توصل لحاجه لازم تفك نص الموتور

حاجه أخيرة و مهمه أي عربيه إذا التوكيل كان قوي و محترم و تقدر تعمل صيانتك عنده بانتظام يبقى إطمن و ما تقلقش خاصة الأنواع النظيقه من العربيات.

و ربنا يوففقكم لما فيه الخير