ماذا نعرف عن الفورد أسكورت

[vooooo]

GamGom باشا
حاجه الموتور متوفره و زى ما انت عايز لأن معظم ال 1600 بيركب على ال 1800 و طبعآ العربيه هتبقى معاك صاروخ

و انا فى رايى العربيه موتور و عفشه اولآ و بعد كده التظبيط الخارجى بس لما ركبت الأسكورت نفسى اظبط فيها كل حاجه

[GamGom]

أية رأيكم نخلى الموضوع دة خاص بكل ملاك الفورد أسكورت
يعنى نوفر كل المعلومات التى تخص المالك وكلنا نتشارك فى كافة المجالات التى تخص الأسكورت من صيانة وقطع غيار وكماليات وماهى مميزات وعيوب السيارة
ياريت كل واحد عندو أضافة يقدر يفيدنا بيها يقدمها لينا كلنا علشان نقدر نفيد أصحاب الأسكورت علشان العربية دى مش واخده حقها الطبيعى عندنا رغم أنى بعتبرها من أفضل الموديلات فى فئتها ولا أنتو أية رأيكو

[GamGom]

أنا ملاحظ ان الفورد أسكورت الأيام دى بدأت تنتشر ولا أنتو أية رأيكم

[Ahmed73]

انا معايا فورد اسكورت 98 والحمد لله رائعة ، وكنت ناوى أغير لفورد فوكاس كنت هادفع فى حدود 40 ألف وبعد كده غيرت رأيى لأنى خوفت إنها ما تكونش بجودة الاسكورت وثباتها أيه رأيكم.

[GamGom]

تكيف الأسكورت

ياجماعة حد جرب يغير تكيف الفورد بتكيف تانى يابانى علشان انا واحد ناصحنى انى أغير الكمبريسور بتاع الفورد بكمبريسور يابانى علشان اليابانى أفضل فى التبريد أخف على الموتور ولا انتوا أيه رأيكم علشان الصيف قرب والتكيف مش مظبوط عندى

:k52:

[aYaBooY]

لو انت معال ال 1300 الي فيها التكييف بمواسير نحاس غيرة بواحد تاني فورد بمواسير الومنيوم كله بيقول بيفرق
علشان النحاس ده مش بتاعها ده افتكاسة من توكيل رجب علشان يبيعوها مكيفة للجيش اما لو المشكلة في التكييف الالومنيوم يبقي ممكن تغير الكمبريسور بس موضوع ياباني ده انا مش متاكد منه

[GamGom]

التكيف اليابانى

شكراً aYaBooy على الرد بس انا معايا 1600 CVH وعلى ما أعتقد أن التكيف الى راكب المواسير بتاعتة نحاس لأنى عرفت أن توكيل رجب هو الى مركبو هنا ومعظم الأسكورت الى عندنا فى مصر متركبلها التكيف هنا فى التوكيل وطبعاً أى حد بيشوف التوصيلات بيعرف على طول أنة مش أصلى وكمان الأصلى بيبان من التابلو من مفتاح تشغيل التكيف
أنا سألت تانى على الكمبريسور اليابانى نصحونى بيه لأن أدائه أحسن وكمان لو غيرت السرفنتينة بوحدة يابانى هتفرق كتير علشان المادة المصنعة منها هيا الى بتحسن أداء التكيف جداً وده السبب الى بيخلى التكيف اليابانى من أفضل الأنواع
أنا بس نفسى أعرف فى حد جرب الموضوع دة قبل كدة

[aYaBooY]

اسف يا مان كان نفسي افيدك بس الي معايا فبريكة العربية و عادتا مبشوفش منه مشاكل كتير غير الشحن كل فترة طيب ممكن تعمل موضوع جديد هنا و في الورشة شوف الناس هتقولك ايه

[GamGom]

رينجات



ياجماعا حد يعرف ممكن أشترى الفوانيس دى منين فى مصر أو مين ممكن يجبهم

[aYaBooY]

لو فوانيس خاصة بالفورد يبقي سامي فخرى او الخليل
لو اصدق الرينجات ديه يبقي في شارع دمشق

[GamGom]

شكراً ياباشا على الرد أنا قصدى الرينجات عند مين فى دمشق

[aYaBooY]

لا معرفش الاسم ايه بالظبط بس اعتقد انه حد بعد عشم و انت رايح ناحية سامي و اخد ناصية و حاطط حاجات كتير في الفاترينات

[johnnagy]

اشكرك يا باشا على المجهود وبجد صور جامدا جدا

[johnnagy]

انا كنت فاكر ان انا معايا اسكورت بس لما شوفت الصور حسيت ان الواحد عندة ســــــــيــات 133

[الطنطاوي]

في عربية اسمها فورد فوكس

ممتازة جدًا وبالنسبة لي أحسن من أسكورت بكتير