استشارة لملاك فورد 2008 ال شكل الجديد

[mido140]

السلام عليكم
يا جماعة محتاج رأيكم انا كنت ناوي اشتري مازدا 3 او اوبل فيكترا و قدامي دلوقتي فوكس 2008 الشكل الجديد ماشية 140 الف كيلو العربية نضيفة دواخلها زيرو و رشة حزام نضافة , فايه رأيكم اشتريها ولا العداد كثير و هتتعبني ؟؟
يا ريت تردوا عليا علطول علشان انا محتاج اخلص في عربية بسرعة بسبب ظروف شغلي
شكرا و اسف علي الاطالة

[mido140]

يا جماعة افيدوني افادكم الله

[TOOLA]

بص يا باشا، هوا طبعا العداد عليه عامل كبير، بس الاهم هوا حاله العربيه و محافظه صاحبها عليها، و كمان ظروف استخدامك، و هحاول اوضحلك على قد مقدر لانى بكتب من على الموبايل.

الاول لو انتى بتغير كتير زى حالاتى، يبقى لازم تفكر سهوله بيع العربيه بعد سنه و مع زياده رقم العداد.

ثانيا بردو انتا استهلاكك قد ايه فى السنه، ده معيار مهم عشان تحدد العربيه ديه فى سنتين معاك عدادها هيبقى كام.

ثالثا بالنسبه للعربيه باه، لو استخدامها نظيف و صيانتها بتتعمل اول باول، فاغلب الظن هتلاقى حالاتها كويسه، اللاحظته ان العربيه معمره و عربيات كتير ماشيه عدادات عاليه من غير شكاوى. و كنت بدردش مع فرج (و ده من اشهر ميكانيكيه فورد) قالى بتجيلى عربيات ٣٠٠ الف كيلو و مفيهاش مشاكل.

انطباعى العام، عربيتى م ٢٠٠٩ الكامله، عدادها الحالى ٩٥ الف ك تقريبا، مفيش اى شكاوى الحمد لله من كهرباء و ميكانيكا، العربيه معايا من شهر يناير، الحمد لله تقريبا مبفتحش الكابوت، مبحتجش ازود ولا بحس بنقصان لا فى مياه ولا اى زيوت، كل البعمله الصيانات، تغيير زيوت و غيرت السيور، و البوجيهات و الفلاتر. تقريبا مقابلتش مشاكل فى الدواره او برجله فى الماكينه.

التكييف اداءه شبه الكورى جدا و افضل من عربيات اوروبى كتير و بيسد فى اغلب الاجواء الحاره و السفر لمسافات طويله.

الصالون محافظ على نفسه بنسبه كبيره، و نادر ظهور اصوات من الصاج او التابلوه او الزجاج زى ملاحظت فى عربيات اوكتافيا و جيتا كتير.

طبعا اى عربيه ليها عيوب، بالنسبه ليا، اول مشكله العفشه، مش طريه او نعمه، و طبعا جزء من المشكله نابع من ااجنط ال ١٦ و محتاج اركب اوكتافيا او جيتا جنط ١٦ حاليا عشان اقدر اقارن (بقالى مده مسقتهمش). غير ان انا محسوك حباين ثلاثه فى موضوعً العفشه.

العربيه ثقيله على الماتور الفيها، و خصوصاً لما تشغل التكييف و تحمل بيبقى الموضوع صعب على السرعات الهاديه، و طبعا لان الماتور ده كمان مفروض يمشى ببنزين ٩٥، و طبعا كله ماشى ب ٩٢، بس عموما مبتحسش بالمشكله ديه فىً السفر او على سرعات عاليه، لغايه ١٨٠ الدنيا تمام.

الثبات زى الفل لغايه ١٦٠ ، بعد كده بتبتدى تركز شويه.

بشكل عام العربيه صفقه رابحه و راضى عنها تماما الحمد لله، و من افضل الصفقات فى الفءه السعريه ديه.

[TOOLA]

العربيه تعتبر افخم و اكبر من المازدا ٣ و اسعار قطع غيار اقل المفروض، المازدا اخف فطبيعى تديك اداء احسن.

الاوبل عربيه جميله، بس معرفش انتى كنت ناوى على اى موديل، بس عموما فو قلق كبير فى السوق من الفتيس الافتكاسه الفيها