حراااام 3000 جنيه فى طلعة واحدة

[maheralsisi]

النهاردة الصبح و انا رايح الشغل العربية سخنت جامد نزلت ابص ع المروحة مش راضية تشتغل
اعمل قفلة مش راضية تنطق برضك
خدت بعضى و رحت لحمدى من شبرا لحد مدينة نصر فى 4 ساعات و نص كل شوية اقف لحد ما تبرد
ساعتين تلاتة ما بين حمدى و الكهربائى مافيش فايدة ماتور المروحة محمل و كل شوية الفيوز يضرب
المهم المروحة لازم هاتتغير
قلت اغير التيل الامامى بالمرة فك
لازم الطنابير تتخرط
و الاستابليزر لازم يتغيروا
و علبة الدريكسيون بتجيب زيت و هاتتغير
و كاوتش الكوبلن الخارجى يعنى هى جت على كمبريسور التكييف غيره بالمرة و كتاوت المروحة الكبيرة هاتتغير (دى معايا من الاول هو كان قايلى عليها و اشترتها من 3 شهور و ما غيرتهاش )
و جلب المقصات (مع انى مغير المقصات كلها فى شهر 2)
و بعد كل ده هى جت يعنى على شحن التكييف اشحن بالمرة
و ربكم يسترها بقى بعد كل ده ما تحتاجش لحاجة تانى عشان انا كده خلااااص استويت
ادعولى بالستر بقى

[maheralsisi]

معلش نسيت اقول الاسعار عشان تقولولى كده كويس و لا غالية
علبة الدريكسيون 500
البارات الاسبانى 2 ب 120 الواحد ب 110
كمبريسور التكييف 500 كاوتشتين كوبلن خارجى 30
مروحة بالقميص 400 ؟؟؟؟؟؟ و مافيش جنيه راضى ينزل
تيل امامى 110
الجلب لسة ما جبتهاش بس قالولى لازم التوكيل مش من برة و هاتعمل فى حدود 280
و لسة المصنعيات و شحن التكييف بكرة ان شاء الله لما اروح استلم العربية

[J A G U A R]

ربنا يعيينك عليها وتكون اخر التصليحات

[kantofanto]

يعوض عليك ربنا ،و ربنا يستر طريقك ان شاء الله و يكفيك شرها و مصاريفها ، معلش هى العربيات المستعملة كلها كدا ، ربنا يرزقك ان شاء الله و يفتح عليك و تجيب حاجة جديدة ، و شكراً على المشاركة و الاسعار.

[Ramadan Kader]

ربنا يسترها معاك و معنا بس انا عندي ملحوظه ليك بما انى ركيب مستعمل من 12 سنه.
كل المستعمل بيصرف كل شهر (ده فى فئات العربيات إلى معانا ) من 300 ل 400ج شهريا صيانات و أعمل حسابك لو مصرفتهومش كل شهر هتصرفهم مره واحده متجمعين زي المره دي فخلى إيدك فالعربيه على طول أفضل و ربنا يباركلك فيها .