تجربتي فورد فوكس 2014 بعد صيانه الالف كيلو

[مصطفي محمد]

الساده الحضور ,,,

حبيت انقل ليكوا تجربتي مع فورد فوكس2014 خلال اول ألف كيلو
أولا الموتور سحبه جميل جدا مش بتحس باي صوت عالي وانت ماشي بيها و يا سلام لما تشغل العربيه مش هتبقي عارف هيا شغالة وإلا لا ّ العربيه سحابه بطريقة ممتعه يعنى هتحب أنك تجري بيها وتسحب على الطريق من غير قلق إطلاقا. أنا مشيت بيها ع 200 ع طريق السخنه كانت تحفه وثبات عالي جدا ما شاء الله
ثانيا العفشه : الجنوط,16 طاسات والعربية ناعمه جدا في المطبات تقريبا كده مش هتحس بحاجه حتي لو رزعت مطب لا مش هتحس بحاجه والعربيه نازلة بنظام traction control زي ESP هوا هوا ف وأنت ماشي ع سرعات عالية العربيه ماسكه نفسها ومش بتلعب
الفرامل: abs & ebd مخلين العربيه تقف في ثانيه ومش مبالغه أنا بكون بجري بيها ع الدائرة اي لمسه الفرامل بتقف فى مكانها ومفيش أنها تتزحقل ولا الهبل ده
الفتيس: power shift ومش هتحس بنقللته يعنى اركب وانت مطمئن وسالت ف التوكيل والمهندس عرفني الفرق بين. D و S
التقفيل فوق الممتاز يعنى العربيه متقفله كويس جدا لدرجه انك لو بره العربيه وركبت مش هتعرف هيا شغاله ولا لا والخامات ممتازه حتى في الكراسي والتابلوه جلد فخم والطاره جلد والخياطه باللون الآسود حاجه فخمه الصراحه بس في عيب انها ضيقه من ورا اللي. قدام مرتاح جدا انما اللي ورا مش اوي
التكييف أنا اصلا من سوهاج ونزلت القاهره عشان صيانه الألف كيلو وشغلته صوته هادي جدا وتلاجه بالنسبه لجة الصعيد
التوكيل :,آخر شياكه وكل العاملين هناك في خدمتك يعني تدخل العربيه وتسلم الرخصه ويجيلك المهندس وتتكلم معاه في أي حاجة يعني لو حاجة مش مفهومه أو عايز تركب حاجه أو تعدل حاجه الناس هناك متعاونه جدا ومكملتش ساعه وغسلي العربيه جوا وبره انا سافرت بالعربيه من القاهرة لحد سوهاج في 4 ساعات بالظبط يعني حوالي 600 كيلو وفولت مرة واحده في القاهرة وكانت قبل يوم السفر بالليل يعني كنت استهلكت شويه من البنزين باللف في القاهره يعنى مسافر والتنك مش للاخر يعني كان نقص حوالي 5 ,لتر وسافرت بالباقي لحد سوهاج .

أتمنى أكون افادتكم بالعربيه أنا صراحه مبسوط منها اكيد نسيت حاجات كتير لو حد حابب يستفسر انا جاهز ع اد معرفتي

[Mohammad mosta]

الف مبروك على العربيه وربنا يديك خيرها ويكفيك شرها،بالنسبة للفتيس والنتشه اللي كل الناس بتتكلم عنها أخبارها مع حضرتك ايه؟،الفرق بقى بين s,d؟؟

[eng wael]

ربنا يباركلك فيها بس مقلقتش من موضوع الفتيس اللى بيسخن والعربيه بتفصل لحد ما تبرد وترجع تدور تانى انا سمعت الشكوى دى من كذا واحد

[ahm.mega007]

ربنا يبركلك فيها يارب

[msaad701]

ألف مبروك وربنا يعطيك خيرها ويكفيك شرها
سؤالي هنا عن الثبات ، حضرتك ذكرت إن الجنوط 16 ، فهل هناك فارق ملحوظ بينها وبين الجنوط ال17 اللي نازلة في السبورت بلاس

[Mecha]

سوال الموتور اللي فيها zetec اللي مينفعش يتخرط ؟؟؟

[abdulkhaleq]

سوال الموتور اللي فيها zetec اللي مينفعش يتخرط ؟؟؟

يتخرط ؟؟؟
حضرتك ده موضوع عن عربيه زيرو !

الله يهني صاحب الموضوع بيها ويباركله

[Mecha]

يتخرط ؟؟؟
حضرتك ده موضوع عن عربيه زيرو !

الله يهني صاحب الموضوع بيها ويباركله

اكل دا سليم والف مبروك
لكن للمعرفه الفوكس كانت بتنزل بالمكنه zetec
عاوز اعرف عدلوها والا لسه

[monamize4]

ربنا يباركلك فيها

الفوكس مش محتاجة تقييم ,, عربية فوق الممتازة
و هى #1 ف الفئة دى مايعبهاش الا ان ملهاش سوق ف مصر
عشان كدا العربية دى محتاجة واحد ركيب عربيات
و ع فكرة الناس بتشكر ف توكيلها الجديد

الفوكس الجديدة فيها نتشة لو ركزت معاها و دا طبيعى ف الفتيسات ال dct

[مصطفي محمد]

بصوا يا جماعه موضوع الجنوط 16 العربيه ثباتها لا يقارن باي عربية في الفئة وده مخلي العربية ناعمه ع المطبات ومفيش اى ترزيع ع المطبات أو الحفر على عكس أنا كان معايا كيا سيراتو جنوط 17 كان ماشيه طول الطريق اي حفره أو مطب بترزع فيه ودائما كان الناس بتنصحني اني اغير لجنوط 16 عشان انعم ع العربية

وبالنسبه لموضوع النتشه مش موجود لانه بيحصل لما بتقرص ع الغيار يعنى لو بتدي كل غيار حقه مش هيحصل كده ابدا إلا بقى لو انت متعود ع القرص ع الغيار هتتعب معها

[J A G U A R]

ربنا يباركلك فيها

هيا اسعارها ايه دلوقتى ..

[mnashat77]

الف مبروووووك ربنا يباركلك فيهاااا

[khaled80]

السلام عليكم
انا ناوي ان شاء الله اجيب فورد فوكاس 2014
بس محتار بين السبورت و السبورت بلاس
المشكلة اني عايز البلوتوث بس الناس كلها مخوفاني من الجنط ال 17
و سؤال كمان
فتيس الفوكاس فيه مشاكل زي ال dsg ؟؟
و شكرا

[S O P H O S]

ربنا يبارك يا باشا

[hamaad]

الف مبروك بس ياريت يا باشا تقولنا على اسعاره زيرو حاليا