محتاج رايكم ضروري

[shekosabbah]

قدامي عربيه فورد اسكورت 99
العربيه كويسه وعجبني بس لما التكيف بيشتغل العربيه بتدخن بسيط الميكانيكي قالي هتعوز طقم شنبر
فا كذا حد يقولي كويسه وعربيه حلوه وحد تاني يقولي بلاش العربيه تقيله في بيعها وقطع غيراها غاليه فا ياريت الرد بسرعه هلي العربيه فعلا كده ولا لا؟؟؟؟؟؟؟؟؟؟؟؟؟

[mido51eg]

الفورد عموما من العربيات اللي لازم تشتريها نضيفة والا هتتعبك
ثانيا لازم تكشف عليها كويس جدا كأساسيات وعفشة وميكانيكا
ثالثا لو اشتريتها لازم تتعامل مع ميكانيكي فورد مش مجرد ميكانيكي عادي والسلام
رابعا العربية قطع غيارها متوفرة سواء جديد او استيراد ومش غالية زي ما اللي بيفتوا قالولك

[shekosabbah]

الفورد عموما من العربيات اللي لازم تشتريها نضيفة والا هتتعبك
ثانيا لازم تكشف عليها كويس جدا كأساسيات وعفشة وميكانيكا
ثالثا لو اشتريتها لازم تتعامل مع ميكانيكي فورد مش مجرد ميكانيكي عادي والسلام
رابعا العربية قطع غيارها متوفرة سواء جديد او استيراد ومش غالية زي ما اللي بيفتوا قالولك

العربيه مغيره عافشه كامله وميزان وكاوتش وكل حاجه فيها ولسه راشه بره بس هي حتت الشنبر دي اللي قلقاني وحتت البيع لاني لو حبيت اغير بيقولي ممكن تبيع فيها شهوووووووووووووووور فا ده طبيعي ولا كلام

[mido51eg]

طيب وباقي اساسيات العربية كشفت عليها عند سمكري ولا لأ
الشنبر مفيهوش مشكلة خالص لو عملته عند ميكانيكي فورد
وبالنسبة للبيع فهي تقيلة شوية في البيع لكن مش لدرجة شهور يعني وده بيعتمد على حالتها وانت بتبيعها وسعرها
العربية معروضة عليك بكام ؟

[shekosabbah]

هي عامله 24 الف وهي فبريكه جوه بالكامل ماعدا جزء صغير جدا قبل الكارتيره

[shekosabbah]

مقولتليش رايك يا استاذ ميدو ؟؟؟؟

[mido51eg]

بص ، هو سعر العربية حلو اوي لدرجة تقلق ، ال 1300 النضيفة المكيفة بتعمل حوالي 29-32 الف
لازم تفحصها فحص دقيق جدا لأنك لو اشتريتها وهي مش مظبوطة ومعيوبة هتقرفك جدا

[shekosabbah]

بص ، هو سعر العربية حلو اوي لدرجة تقلق ، ال 1300 النضيفة المكيفة بتعمل حوالي 29-32 الف
لازم تفحصها فحص دقيق جدا لأنك لو اشتريتها وهي مش مظبوطة ومعيوبة هتقرفك جدا

معلش هتقل عليك يا استاذ ميدو بس هي العربيه كل اللي فيها انها عايز طقم شنبر علشان تشغل التكيف وانا بصيت عليها ملقتش فيها حاجه وكان معايا واحد صحبي بيفهم في العربيات
فا لو ممكن حضرتك تشرحلي اخليه يبص علي ايه بالظبط المهم في العربيه
هي عفشه جديده وطقم كوتش جديد
بس رخصه شهرين وتخلص
تاني حاجه عايزه طقم الشنبر
وكمان انا مجربتش التكيف لانه فصله علشان الماتور
فا يريت تقولي اعرف ايه بالظبط او ابص علي ايه انا قولتله المره الجايه هنزل اخلص فا هجري العربيه في المشي وهرفعها ابص عليها من تحت لو في حاجه غير دول ياريت تقولي ضروري بالله عليك

[mido51eg]

معلش هتقل عليك يا استاذ ميدو بس هي العربيه كل اللي فيها انها عايز طقم شنبر علشان تشغل التكيف وانا بصيت عليها ملقتش فيها حاجه وكان معايا واحد صحبي بيفهم في العربيات
فا لو ممكن حضرتك تشرحلي اخليه يبص علي ايه بالظبط المهم في العربيه
هي عفشه جديده وطقم كوتش جديد
بس رخصه شهرين وتخلص
تاني حاجه عايزه طقم الشنبر
وكمان انا مجربتش التكيف لانه فصله علشان الماتور
فا يريت تقولي اعرف ايه بالظبط او ابص علي ايه انا قولتله المره الجايه هنزل اخلص فا هجري العربيه في المشي وهرفعها ابص عليها من تحت لو في حاجه غير دول ياريت تقولي ضروري بالله عليك

ياسيدي الفاضل انت مش هتعرف تبص على العربية بنفسك ولا حتى صاحبك اللي بيفهم في العربيات مع احترامي لشخصكم الكريم. لازم متخصصين هما اللي يفحصوها لأن زي ماقولتلك الفورد لو اشتريتها معيوبة هتكرهك في ركوب العربيات
ثانيا انا فاكر انك شغلت التكييف وجربته لكن على كلامك ده انت المفروض تقوله انك هتشتري العربية على اساس انها من غير تكييف يااما وصل التكييف وجربه قدامي
ثالثا مين اللي قالك ان الموتور محتاج طقم شنبر فقط ؟ مايمكن الميكانيكي ليه رأي تاني وتدخل في عمرة كاملة او تسقيط موتور علما بأن مواتير ال 1300 قليلة جدا علشان تلاقيها وبالتالي هتبقى غالية يعني ممكن ثمن العربية يعدي منك 30 الف جنيه علشان بس تعرف تمشي بيها
الخلاصة : يااما تاخد معاك ميكانيكي تعرفه وسمكري يفحصولك العربية يااما تصرف نظر ، انا لو مكانك هعمل كده.

[mohamede002e]

ميدو لو سمحت فورد اسكورت زيتك ١٦٠٠ موديل ٩٨ انجكشن مكيفة فتحة سقف حالة العامة كويسة جدا كشف عليها سمكري وميكانيكي وكله شكر في الحالة بس صاحبها طالب ٤٠ ممكن تقولي سعرها كام وهل الزيتك ال١٦٠٠ دي ليها عيوب ومتشكر جدا ياباشا

[mido51eg]

40 الف كتيييييييييير جدا عليها ، اخرها لو هي بتقول بابا وماما 36 الف جنيه ده بفرض ان الحالة ممتازة مش جيدة جدا زي مابتقول