استفسار من اهل الخبرة فى فورد اسكورت

[احمد الليل]

السلام عليكم ورحمة الله
دى اول مشاركة لى فى المنتدى الرائع
ومعلش كان عندى استفسار واتمنى حد يفدنى فية
انا اشتريت عربية فورد اسكورت 98 / 1300cc
من شهر والعربية الحمد لله زى الفل
كان عندى مشكلة حرارة زيادة شوية بس روحت الحرافيين
عن واحد اسمة اشرف شغال فورد بس
والحمد لله غيرت صباع الحرارة والمروحة بواحدة استيراد ايضا فورد بس 8 ريشة بيقولى انها بتاعت ال 1400
ما علينا
وركبتها والحمد لله الحرارة بقت 100/100
بس لقيت فى تزييق فى العافشة بسيط
ورحت لعفشجى قالى هتغير المقصات وهاتى جلب ولقيتة كتبلى ورقة بحاجات كثير
وحسيت انة بيشتغلنى
بس المقصات حالتها حلوة عندى ومفيش سبب اغيرها عشانة
العربية ماشاء الله فبريكة برة وجوة ومش متهانة وشبعانة وصاحبها كان ايدوا فيها على طول
فلو حد من اسرة المنتدى
يقولى سبب التزييق ممكن يكون اى واعملها اى ؟
وتانى حاجة الدريكسيون تقيل شوية ممكن يتظبط ولا هى دى طبيعتة ؟
معلش طولت عليكم بس عشمان فيكم تدلونى ولو على عفشجى كويس ميشتغلنيش
انا من سكان الشروق يعنى لو فى الحرفيين لو امكن
ومشكورين مقدما على كل رودودكم

[mohamede002e]

الف مبروك عالعربية ياباشا انا كان عندي نفس المشكلة وربطت عفشة والعفشجي زيت حاجات في العفشة كدا وبعد فترة التزييق راح وماعادش في صوت .ممكن اعرف خلصت العربية علي كام؟

[احمد الليل]

الف شكر

الف شكر ياباشا
انا خلصت العربية الحمد لله على 37 ونص وصاحبها كان بيتكلم فى 39

[aYaBooY]

الاخ صاحب الموضوع
اغسل العربية في مشحمة و هيا مرفوعة و خليه يرش سولار على العربية من تحت و على العفشة و يغسل غسلة كويسة و ان شاء الله الاصوات تروح

[Abo_Mazen]

الاخ صاحب الموضوع
اغسل العربية في مشحمة و هيا مرفوعة و خليه يرش سولار على العربية من تحت و على العفشة و يغسل غسلة كويسة و ان شاء الله الاصوات تروح

[mido51eg]

بالاضافة لكده اتأكد من تشحيم بطاحات المساعدين لأنها لو مش متشحمة بتعمل التزييق ده

[احمد الليل]

الاخ صاحب الموضوع
اغسل العربية في مشحمة و هيا مرفوعة و خليه يرش سولار على العربية من تحت و على العفشة و يغسل غسلة كويسة و ان شاء الله الاصوات تروح

الف شكر لحضرتك هروح وهقولكم اى الاخبار

[احمد الليل]

بالاضافة لكده اتأكد من تشحيم بطاحات المساعدين لأنها لو مش متشحمة بتعمل التزييق ده

والله مشكور ومشكورين جميعا على ردودكم الطيبة
لسة مرحتش مسنى بس افضى على يوم الجمعة
هغسلها واشحمها واروقها للعيد
وكل سنة وحضراتكم طيبين جميعا

[احمد الليل]

معلش هتقل عليكم شوية
انا بقالى كام يوم حاسس ان صوت الموتور على شوية
مع العلم انى لسة مغير زيت موتور وحاطت شيل الاحمر 20/50 ال 3000 كيلو
والزيت مظبوط مش قليل
بس حاسس ان المكنة صوتها على فاجئة ومش عارف لى

[mohamede002e]

باشا كبر دماغك عربية موديل تسعينات لو فضلنا نمشي ورا كل حاجة مش هنخلص ومعلومة شيل الاحمر دا 1000 مش 3000 الاصفر بيقولو عليه 5000 وعندي بغيره ع 3000 بحسه جاب اخره وماعادش في زيوت شيل في السوق الشركة اتباعت والي موجود قديم او مضروب