فورد اسكورت 1999 - 1300 cc

[ahmed_said_13]

انا معايا فورد اسكورت 1999 - 1300CC مفيهاش تكييف و لا باور لكن السحب و العفشه تمام و العربيه مشدوده و زي الفل - لو عايز اركبلها تكييف و باور ده يكون تقيل علي الموتور و لا ايه لان العربيه في الحر بتاعنا بتبقي جهنم و مقرفه في السواقه
عايز في المقام الاول اركبلها تكييف و لو ممكن باور يبقي كويس
حد يدلني يا جماعه

[ahmed_said_13]

ايه يا فورداويه 34 مشاهده و لا رد واحد

[aYaBooY]

باور لا شغلانة مش هاتوصلك لحاجة
التكييف ممكن تركب هايكون تقيل شوية على الموتور ( بس ارحم من الحر الصراحة )
انصحك بتكييف من بتوع العربيات الكوري ( يفضل الهيونداي ) او كباس السندان الياباني و ده في عربيات كتير
و طبعا علشان يظبط تغير مروحة الريدياتير بواحدة بتاعت جولف و تشغلها على السرعة العالية و لو عرفت تركب مروحة او اتنين بين الاكصدام و السربنتينة زي البيجو هايكون افضل

[mido51eg]

انا غيرت الردياتير كله بالمروحة بتاعته وركبت ردياتير الأسكورت 1600 بالمروحة بتاعته
فرق رهيب في تبريد العربية وتبريد التكييف كمان علشان الـ Sucktion او شفط الهوا زاد نتيجة ان المروحة الجديدة اكبر في القطر و 8 ريشة.