رايكم فى فورد فوكس هاتشباك 2007

[Pacota]

السلام عليكم ورحمة الله
كنت محتاج رأيكم فى عربية فوكس هاتش باك موديل 2007
اجزاء كتير منها فابريقة مش راشة غير باب واحد والاكصدامات والباقى فابريقة
ماشية 95000 كيلو وطالب فيها 85000 بس ده اول كلمة منه انا لسه مقولتش كلمتى
سؤالى بقى هل هى عربية كويسة ولا فيها عيوب ومشاكل صناعة فى الفتيس او خلافة
تانى حاجة قطع غيارها هل موجودة ولا لا ؟ انا كان معايا فولكس بورا فهل فى نفس مستوى السعر ولا ايه النظام
يعنى ياريت حد يدينى تقرير كده عن العربية
شكرا مقدما :)

[pioneerahmed]

عربية كويسة و افضل من البورا
بس هي انهي فئة اصل السعر كدة عالى دة سعر ال 2008

[hesham fawzy h]

اسال عن قطع غيارها الاول
و ابقى قول لنا جبتها بكام

[TOOLA]

كان معايا عربتين بورا, و دلوقتى معايا فوكاس 2009, طبعا المعايا صالونها مختلف و احدث من 2007, غير كده الأعرفوا العربتين واحد.

بشكل عام مستمتع بيها عن البورا يمكن كمان عشان معايا جيا هاى لاين بفتحة سقف.

بحسها عربية اقيم, الماتور هادى على السرعات العالية (rpm هادى), العفشة افضل بس بتحتاج اهتمام و تربيط خصوصا مع الجنط ال 16, قطع غيارها موجودة و فيه حاجات فى رينج البورا و حاجات اقل بس بردو بيعتمد انتى بتتعامل مع مين سواء فى ديه او ديه.

اصوات الزقزقة و التخبيط قليلة جدا مقارنه بالدوشة الفى كونسول و ابواب و تابلوه البورا (معنديش غير صوت مش محسوس تقريبا من احد الابواب)

العزل أفضل و التكييف أفضل, بس بحس ان سحب البورا اعلى, يمكن عشان البورا على سرعات عالية تحس انها بتحرق

مثلا: على 100 ك/س, rpm البورا بيكون 3200 لفة تقريبا, فى الفوكاس اقل من 2500 لفة.
على 180 البورا بتكون على 5500 لفت تقريبا, الفوكاس بتكون كاسره ال4000 بحاجة بسيطة, رغم ان الفوكاس اربع سرعات اوتو زى البورا.

اخيرا مجربتش قطع غيار الاستيراد او توافرها, طبعا فى البورا اكتر من الهم على القلب

[Pacota]

شكرا جدا لاهتمامكم ده
هى العربية فيها جنوط 16 بتاعة الفورد الاصلية بس مفيهاش فتحة سقف وفيها زراير المالتى جنب الدريكسيون على الجنب الشمال كده
انا بس عايز اطمن ان قطع غيارها موجودة وفى نفس رينج بتاع البورا
وياريت لو تقولوا اسماء ناس انزل اسأل عندهم انا كده كده ساكن فى المعادى فصقر قريش جنبى

[hesham fawzy h]

شكرا جدا لاهتمامكم ده
هى العربية فيها جنوط 16 بتاعة الفورد الاصلية بس مفيهاش فتحة سقف وفيها زراير المالتى جنب الدريكسيون على الجنب الشمال كده
انا بس عايز اطمن ان قطع غيارها موجودة وفى نفس رينج بتاع البورا
وياريت لو تقولوا اسماء ناس انزل اسأل عندهم انا كده كده ساكن فى المعادى فصقر قريش جنبى

انزل صقر قريش او الحرفين اسال عند بتوع الفورد على قطع غيار عربيتك وشوف حدود امكانياتك .. واكيد قطع غيارها غالية

[Pacota]

انا نزلت فعلا بس كلهم كانوا لسه معيدين ومحدش فتح فقولت اسالكم هنا جايز حد من اللى معاه العربية يدخل يقولى
لكن فى كلا الحالتين انا هنزل ان شاء الله
شكرا لاهتمامكم :)

[TOOLA]

بص انا مش فاكر الارقام بضبط، بس هقولك بالتقريب الانا فاكره:

تيل فرامل ما بين ٣٥٠ ل ٤٠٠ ج، اوروبى او المانى
طقم السيور بيلعب فى ١٢٠٠ ل ١٤٠٠ تقريبا
طنابير ٨٥٠ ل ٩٠٠ ج
٤ مساعدين اصلى قرب ال ٣٥٠٠، و الكونى و المونرو ١٢٠٠ ل ١٣٠٠ج
تيش ميزان امامى و خلفى ب ٧٠٠
بارات خارجى و داخلى ب ٤٠٠ تقريبا
فلتر هوا او بنزين او تكييف فى رينج ١٢٠ ل ١٣٠ج
اغطط حاجه المساحات، بتتكلم فى ٢٠٠ ل ٢٢٠ ج اصلى، و الصينى ١٣٠ تقريبا و للاسف مينفعش غير كاوتش المساحات بتاعتها، ميزكبش الانواع العاديه.

[khafagy_hossam]

الزراير اللي جمب التاره من الناحيه الشمال بتاعه الكاسيت مش المالتي
زراير المالتي بتاعه السرعه بتبقي في التاره نفسها

قطع غيار العربيه ده متوفره و اسعارها ممتازه

[mhamdsamy]

السلام عليكم ورحمة الله
كنت محتاج رأيكم فى عربية فوكس هاتش باك موديل 2007
اجزاء كتير منها فابريقة مش راشة غير باب واحد والاكصدامات والباقى فابريقة
ماشية 95000 كيلو وطالب فيها 85000 بس ده اول كلمة منه انا لسه مقولتش كلمتى
سؤالى بقى هل هى عربية كويسة ولا فيها عيوب ومشاكل صناعة فى الفتيس او خلافة
تانى حاجة قطع غيارها هل موجودة ولا لا ؟ انا كان معايا فولكس بورا فهل فى نفس مستوى السعر ولا ايه النظام
يعنى ياريت حد يدينى تقرير كده عن العربية
شكرا مقدما :)

من احسن العربيات ال سوقتها في حياتي و يعتمد عليها و زعلت لما غيرتها