استفسارات بخصوص فورد اسكورت 1300

[followlight]

انا كنت عايز اغير مساعدين امامي وجوز طنابير اجيب كله جديد
ولا اجيب ركبتين استعمال
العداد عندي مفيهوش rpm
ممكن اغير لوحة العدادات بواحده فيها rpm
ولا اجيب واحد خارجي وحيكون اداءه عامل ازاي ولو خارجي ايه الانواع اللي اجيبها وتكون كويسه

[mohamede002e]

متابع

[ahmed p880]

الجديد فى انواع كويسه افضل من الاستيراد
متروحش لللاستيراد غير فى الحاجات اللى ملهاش بديل جديد او فرق السعر كبير

انا عندى العداد فيه rpm وكان عندى وير السرعة مكسور فكيته ولحمته وقولت بالمرة اغير لمبات العداد لقيت فى البورده بتاعت العداد مكان للمبة aps وايرباج والحزام اللى هو الاوبش اللى بينزل بره مصر
لو انت عندك نفس الوضع هتغير العداد وهتركب هيشتغل تمام من غير ما تعدل حاجة
وبرده لو جبت وحده aps وغيرت الطنابير الخلفية هتلاقي ليها فيش كهربا موجوده مسبقا تركب على طول الا لو الضفيرة ملعوب فيها

امل لو معندكش الكلام ده متلعبش فى الكهربا على قد ما تقدر
لو جبت عداد فيه rpm هتلعب فى الضفيرة
لو جبت عداد خارجي هتلعب فى كهربا الموتور

[Ahmed Tarek 00]

ياجماعة هيا العربية دى أفضل ووللا الكيا برايد ؟؟؟

[ahmed p880]

انا مركبتش برايد ولا هركب كيا اى كان نوعها في حياتي
انا بالنسبالي عربيه يعني الماني
مرسيدس بي ام اوبل فورد
ومن وجهه نظرى مفيش مقارنه بين دول

[followlight]

انا جبت العربية دي ودي تاني عربية ليا وكانت عربية مش متهانة بجد تحفة انا حاسس اني راكب جديد
قطع غيار متوفرة بالنسبة للاسكندرية

[sadek9518]

معلش ممكن تقولى الاماكن اللى موجودة فى اسكندرية للصيانة قطع الغيار

[followlight]

بوص قطع الغيار في عندك عبده فورد والصعيدي والسكري
انا حاجتي كلها بجيبها من السكري وناس محترمة جدا في التعامل
كلهم موجودين في منطقة واحدة
السكري في صلاح الدين علي الترام
الصعيدي في صلاح الدين
عبده فورد في شارع الخديوي العطارين