افيدوني في عفشة و فتيس الاسكورت .... جزاكم الله خيرا .

[محمود شوقي]

السلام عليكم و رحمة الله و بركاته

.
عربيتي اسكورت 1600 كربيرتير .
.
سببق و عملت موضوع و تفضل الاخوه الكرام افدوني بصنيعية الفورد الاشتغل معاهم و انا مطمن .
.
المهم انا رحت لرمضان في الحرفيين و لقيت العربية فيه قطعه في الكربيرتير علشان يتظبط لازم اجبها اصلية ( عوامة تنظيم البرنزين ) .
هل ممكن القيها في التوكيل و لو هغير حتى الكربيرتير كله هيتكلف كام اصلي جديد من التوكيل ؟
.
عندي العفشة شبه عيزة تتغير و روحت لواحد في الحرفيين ( قطع غيار جديد ) قلي مفيش الماني في السوق نهائي و الموجود و يقولك الماني يبقى مضروب .
اجيب نوع العفشه ايه و هل العفشة الرياضيه افضل للعربية ده ولا عفشتها افضل و لو ممكن السعر لعفشتها كامله و العفشة الرياضيه .
.
الحاجه الاخيرة و الاهم لقيت الفتيس واخد خبطة قديمة من القبلي و مكسور و ملحوم بأرنديل .
اجيب منين فتيس و هل فعلا سعره ميعديش ال 1000 جنية استيراد ؟
و هل في منه جديد اصلي و سعره يكون في حدود كام جديد ( لو موجود ) ؟
.
اسف على الاطالة بس العربية فيها حجات كتير و انا معنديش خبرة نهائي .

[Ramadan Kader]

العفشه فى ألماني مقصات و بيض و بارات و بيض أوبتمال الألمانى و التيل والطنابير بوش ألمانى
هتلاقيهم عند أبراهيم سليمان شارع زكى التوفيقيه و عند الأسلامية امام جو باص.
ال4 مساعدين المانى ب 1700 ساكس
المقصات فى حدود 500ج
جلب المقصات 200 ج
البيض 250ج
البارات 250ج
شداد مقص ب 250 ج
التيل ب 120 أمامى
التيل 200 ج خلفى
طانبير امامي 500 ج
طانبير خلفي المانى كده و كده 600ج
فارغة الفتيس لو مش بتخر زيت كبر دماغك و سيبها كده لو بتخر هاتها استيراد و سيبك من فكرة جديد ديه خااااااااالص
كل الأسعار ديه تقريبيه بص مش هتلاقى فرق كتير مش أكتر من 20 أو 30 ج

[محمود شوقي]

العفشه فى ألماني مقصات و بيض و بارات و بيض أوبتمال الألمانى و التيل والطنابير بوش ألمانى
هتلاقيهم عند أبراهيم سليمان شارع زكى التوفيقيه و عند الأسلامية امام جو باص.
ال4 مساعدين المانى ب 1700 ساكس
المقصات فى حدود 500ج
جلب المقصات 200 ج
البيض 250ج
البارات 250ج
شداد مقص ب 250 ج
التيل ب 120 أمامى
التيل 200 ج خلفى
طانبير امامي 500 ج
طانبير خلفي المانى كده و كده 600ج
فارغة الفتيس لو مش بتخر زيت كبر دماغك و سيبها كده لو بتخر هاتها استيراد و سيبك من فكرة جديد ديه خااااااااالص
كل الأسعار ديه تقريبيه بص مش هتلاقى فرق كتير مش أكتر من 20 أو 30 ج

الف شكر يا غالي والله ما اعرف اشكرك ازاي .
.
بس لو ممكن سعر الفتيس استيراد يعمل كام تقريبا ؟ .
.
و هرخم عليك و اسألك كمان ديسك و اسطوانه يعمل كام ؟
.
و افتح في الشغل ده عند رمضان في الحرفيين افضل ولا احمد فرج جسر السويس افضل ؟
.
سبب سؤالي عن الديسك و الاسطوانه ان و انا طالع الكوبري العربيه بتكون معدومه السحب تقريبا مهما ادوس مش بتعدي ال 60 70 . و سبق كنت طالع مطلع صغير و كنت ماشي على التاني العربيه مسحبتش خالص و بطلت في نصف المطلع .
.
اسف على الاطاله بس انا بثق في اعضاء المنتدى هنا .

[Ramadan Kader]

الديسك و الأسطوانه الألماني الساكس ب 850 الطقم . العشه مش محتاجه ميكانيكي فورد اى واحد عفشجي نضيف شغااااااااال و الأسطوانه والديسك تركبهم مفهوش فن خاااااااااالص فاى ميكانيكي نضيف شغاااااااااااااال.
الفيتس معرفش بس أدخل على اللينك ده فى ارقام ناس كتير أستيراد أسألهم.

http://www.nilemotors.net/Nile/435469-1300-99-a.html

السحب ضعفه ليه أسباب كتير يعنى تاكد من فلتر الهوا و تأكد من ضبط التاكيهات و طبعا الأسطوانه و كمان الكربراتير لو محتاج نضافه و الأبلتين و الكوندنسر فراجع الأول قبل ما تشتري.

[محمود شوقي]

الديسك و الأسطوانه الألماني الساكس ب 850 الطقم . العشه مش محتاجه ميكانيكي فورد اى واحد عفشجي نضيف شغااااااااال و الأسطوانه والديسك تركبهم مفهوش فن خاااااااااالص فاى ميكانيكي نضيف شغاااااااااااااال.
الفيتس معرفش بس أدخل على اللينك ده فى ارقام ناس كتير أستيراد أسألهم.

http://www.nilemotors.net/Nile/435469-1300-99-a.html

السحب ضعفه ليه أسباب كتير يعنى تاكد من فلتر الهوا و تأكد من ضبط التاكيهات و طبعا الأسطوانه و كمان الكربراتير لو محتاج نضافه و الأبلتين و الكوندنسر فراجع الأول قبل ما تشتري.

تسلم يا غالي انت موسوعه في الفورد .

[Ramadan Kader]

تسلم يا غالي انت موسوعه في الفورد .

يا سيدي ربنا يبارك فيك انا كل الحاكاية ان والدي معاه أسكورت و انا معايا فبستا.