مشكلة فى العربية بتنتش وهيا باردة

[ziz0oo0]

السلام عليكم ورحمة الله وبركاتة
انا معايا عربية فورد فيستا موديل 98 العربية زي الفل مفهاش الا مشكلة واحده العربية الصبح لما اجي ادورها بدور عادي مع سندة بنزين بس مبيبقاش فيها سحب خالص وتفضل تنتش ويطلع صوت مدافع اقف بيها واسخنها شوية لحد لما المروحة تشتغل وبعد كده امشى التنتيش يخف شوية بس بيكون لسا موجود يعنى اعرف امشى بيها وبعد كده امشى بيها بتاع 10 كيلو تبتدي تتعدل بس السحب بيكون خفيف برده بس التنتيش بيقل خالص مع العلم انا مغير البوجيهات ومغير طقم السلك بتاع البوجيهات ورحت لبتاع الكربراتير وظبطوا ومغير ديسك واسطوانة ومغير فلتر الزيت وفلتر الهواء ومظبط الكهرباء بقالى كتير اووووووى فى المشكلة دي ومش عارف اعمل اية

[Mecha]

شوف الموبينة

[ziz0oo0]

روحت لكهربائي كشف علي كل حاجة فى الكهرباء وروحت لاكثر من واحد

[Mecha]

يبا الاجنيتر

[Ramadan Kader]

لو هي 1100 كربيراتر شوف الأبلتين و الكندنسر مكنش يبقى الموبينه وخد بالك كتير من الأبلتين والكوندنسر الى فالسوق ردييييييييييييييييييييييئ.
ولو هي 1300 أنجيكشن 1- نضف الأيدل وبعدين جرب لو لسه دور على فلتر هوا نضيييييييييف و ده تقريبا مش موجود. او تغير لفتلر رياضي نضيف وهتلاقي بيباع فى التوفيقيه و شارع دميش يركب على عربيتك . ماكنش يبقى الماف بايظ و ساعتها هاته أستيراد

[ziz0oo0]

الحمد لله المشكلة اتحلت وانا هقول اتحلت ازاى علشان لو حد واجه نفس المشكلة
انا روحت لمكانيكي متخصص فى الفورد فك الكربراتير وقالى روح هات بك 110 وواحد 125 وركبهم وقالى جرب
جربت السحب 100 100 وقالى شوف الصبح وهيا بردة هتعمل اية جربت النهردة الصبح لقيت كل حاجة تمام
الحمدلله وشكرا ليكم كلكم